Sonte Shqipëri – Itali, Dortmundi mbushet kuqezi

Kombëtarja e Shqipërisë dhe ajo e Italisë do të luajnë sot (e shtunë) ndeshjen e parë për Euro 2024 dhe tashmë dy ekipet janë gati dhe kanë idetë e qarta për këtë përballje.

Kuqezinjtë janë gati për të ndeshjen e parë të Grupit B ndaj Italisë, ndeshja e cila zhvillohet në “Signal Iduna Park” të Dortmundit, me fillim nga ora 21:00.

Trajneri i kombëtares tonë, Sylvinho ka tashmë të qartë idetë dhe formacionin për ndeshjen e sotme.

I vetmi balotazh është në qendër të mbrojtjes, ku Arlind Ajeti shihet paksa i favorizuar ndaj Ardian Ismajlit, pasi ky i fundit është kthyer vonë nga lëndimi dhe nuk ka arritur formën maksimale.

Në pozitat tjera të mbrojtjes pritet të luajnë Elseid Hysaj dhe Mario Mitaj nga krahët, Berat Gjimshiti në qendër dhe Etrit Berisha në portë.

Mesfusha do t’i besohet dyshes Ylber Ramadani dhe Kristjan Asllani, ndërsa para tyre është Nedim Bajrami në rolin e 10-shit, me Jasir Asanin dhe Taulant Seferin nga kahët e sulmit.

Në qendër të sulmit pa shumë dyshime pritet të fillojë Armando Broja.

Te Italia, Luciano Spalletti pritet të luajë në portë me Gianluigi Donnarumman, Giovanni Di Lorenzo dhe Federico Dimarco nga krahët, ndërsa Riccardo Calafiori dhe Alessandro Bastoni në qendër.

Qendra e mesfushës do t’i besohet dyshes Jorginho dhe Nicolo Barella, teksa para tyre do të luajnë Federico Chiesa, Davide Frattesi dhe Pellegrini, me Gianluca Scammacan e vetëm në qendër të sulmit.

Formacionet e mundshme

Shqipëria (4-2-3-1): Berisha; Hysaj, Ajeti, Gjimshit, Mitaj; Ramadani, Asllani; Asani, Bajrami, Seferi; Broja;

Italia (4-2-3-1): Donnarumma; Di Lorenzo, Calafiori, Bastoni, Dimarco; Jorginho, Barella; Chiesa, Frattesi, Pellegrini; Scamacca;

Pëson lëndim të rëndë, Shkëndija mbetet pa Drilon Islamin

Ndeshja përballë Shkëndijës së Haraçinës ka rezultuar fatale për mesfushorin e Shkëndijës së Tetovës, Drilon Islami, i cili pësoi një lëndim të rëndë pas një përplasjeje në fushë.

Nga skuadra tetovare sot përmes një komunikate kanë bërë të ditur se mesfushori i tyre ka thyer klavikulën e krahut të djathtë, ku kosovari u detyrua ta braktisë lojën dhe u transportua me ambulancë në spital në duelin e zhvilluar në Çair.

Shkëndija bënë të ditur se për momentin, ekipi mjekësor ende nuk ka vendosur nëse trajtimi do të kërkojë ndërhyrje kirurgjikale apo nëse rehabilitimi do të realizohet përmes terapisë.

Megjithatë, ajo që është e sigurt është se Islamin e pret një periudhë më e gjatë jashtë terreneve sportive, duke qenë një mungesë e rëndësishme për skuadrën tetovare./Sportmania/

Lajme

Mbrëmja e “Duelit Sportiv” përfundon me incident në mes të Liridon Lecit dhe Edonisa Aliut

Televizioni Dukagjini ka njoftuar ndërprerjen e menjëhershme të bashkëpunimit me panelistin Liridon Leci, pas një incidenti që ka ndodhur të dielën mbrëma, pas përfundimit të emisionit “Dueli Sportiv”.

Sipas reagimit të televizionit, incidenti ka ndodhur mes Lecit dhe mysafires së emisionit, ish-futbollistes Edonisa Aliu.

Drejtori i Informacionit në TV Dukagjini, Dibran Istrefi, ka bërë të ditur përmes një njoftimi në rrjetin social Facebook, se vendimi është marrë pas shqyrtimit të rrethanave të rastit.

Televizioni ka theksuar se situata të tilla janë të papranueshme, ndërsa ka bërë të ditur se me rastin po merren organet e rendit dhe të drejtësisë.

TV Dukagjini ka shprehur gatishmërinë për bashkëpunim të plotë me organet përkatëse, të cilat pritet të sqarojnë rrethanat e incidentit.

Lajme

“Ballistët” formojnë strukturën e re organizative!

Tifogrupi i Shkëndijës ka formuar sonte strukturën e re organizative, pas mbledhjes së mbajtur më 4 tetor. Kryesia e ngushtë do të përbëhet nga 6 anëtarë, ndërsa për kryetar është zgjedhur Shaban Zeneli.

Kryesia e re do të ketë përkrahjen edhe të një grupi punues, i cili do të funksionojë si strukturë më e gjerë në mbështetje të kryesisë dhe tifogrupit.

Organizimi i parë i këtij kapitulli të ri do të jetë të dielën, më 11 tetor, në udhëtimin për ndeshjen Shkëndija e Haraçinës – Shkëndija, që do të zhvillohet në stadiumin e Çairit.