Lajme

Pas gjashtë vjetësh del nga burgu ish ministri Mile Janakievski

Pas 6 vitesh burg, ish ministri i Transportit dhe Lidhjeve Mile Janakieski ka dalë në liri. I akuzuar në shumë raste të ish PSP-së dhe i dënuar për rastet “Titanik”, “Shkallët spanjolle” dhe “27 prilli”, Janakieski përfundoi denimin me burg dhe doli në liri.

Që nga viti 2018 ai ka qenë në burg dhe në burg shtëpiak. Vitin e kaluar fillimisht ishte në Idrizovë, e më pas në Shutkë, kurse në mars të këtij viti Gjykata e Apelit për rastin “Titanik”, Janakieskin e liroi me kusht.

Përshkak se përndiqeshte për disa procese gjyqsore, ai çdo ditë i shoqëruar nga policia dërgoheshte në gjykatë dhe më pas ktheheshte në burg. Pas arratisjes së ish kryeministrit Nikolla Gruevskit, Janakieski përfundoi në paraburgim. Paraburgimin e tij, Gjykata Evropiane e vlerësoi si të paligjshëm. Gjykata Evropiane për liritë dhe të drejtat e njeriut vitin e kaluar e publikoi vendimin, sipas të cilit masa e paraburgimit për rastet gjyqsore “27 prilli” dhe “Shkallët spanjolle”, kundër ish ministrit të Transportit dhe Lidhjeve Mile Janakieski, i ishte shkelur e drejta e nenit 5 të Konventës Evropiane për të Drejtat e Njeriut. Sipas vendimit, shteti duhet t’i paguaj Janakieskit dëmshpërblim prej gjithësej 6 100 eurosh, prej të cilave 3 900 për dëmshpërblim jomaterial dhe 2 200 euro për shpenzime.

Ndërkohë, ndryshimet e Kodit Penal, e shpëtuan Janakieskin nga përndejkja e mëtejshme në rastet “Toplik” dhe “Talir”, përshkak të vjetërsimit të rasteve.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!