Lajme

Vdes një i burgosur në burgun e Idrizovës, plagët ia ka shkaktuar një i burgosur tjetër

Prokuroria Themelore Publike e Shkupit ka dhënë urdhër kundër një personi për veprën penale shkaktim të plagëve.
“I dyshuari, i dënuar në burgun e ‘Idrizovës’-Shkup, më 31 maj ka lënduar fizikisht një të burgosur tjetër. Fizikisht e ka sulmuar në burgun me grushte dhe shqelma, ndërsa nga lëndimet e marra i dëmtuari ka humbur jetën më 22 qershor. Për shkak se ekzistojnë rrethanat që tregojnë se i dyshuari do ta pengojë procedurën penale me ndikim ndaj dëshmitarëve tjerë nga Prokuroria Themelore e Shkupit ka sjellë propozim për caktimin e masës së paraburgimit”, thuhet në njoftimin e Prokurorisë.

Lajme

Liqeni i Ohrit në mesin e destinacioneve më të bukura në Evropë

Liqeni i Ohrit, i cili shtrihet mes Shqipërisë dhe Maqedonisë së Veriut, ky destinacion natyror, shpesh i nënvlerësuar, është përzgjedhur së fundmi nga gazetarët e Time Out si një nga vendet më të bukura në Evropë.

Ai konsiderohet një nga liqenet më të vjetër dhe më të thellë në kontinent, duke mahnitur vizitorët me ujërat e tij kristal të kaltër, peizazhet malore dhe qytetet historike që ruajnë një atmosferë autentike.

Në anën e Maqedonisë së Veriut, qyteti i Ohër mbetet pika kryesore turistike, transmeton Klankosova.tv.

I njohur për rrugët me kalldrëm dhe trashëgiminë e pasur kulturore, qyteti ka qenë dikur shtëpi e qindra kishave mesjetare.

Vizitorët mund të shijojnë notin në ujërat e liqenit gjatë ditës dhe të eksplorojnë monumentet historike, ndërsa mbrëmjeve të shijojnë perëndimet spektakolare të diellit.

Në anën shqiptare, peizazhi ofron një atmosferë më të egër dhe të qetë, me fshatra tradicionalë buzë liqenit.

Një ndër më të njohurit është Lin, i famshëm për mozaikët e lashtë dhe kampingjet piktoreske që ofrojnë një përvojë unike relaksi pranë natyrës, transmeton Klankosova.tv.

Në listën e publikuar nga Time Out për destinacionet më të bukura në Evropë përfshihen edhe vende të tjera ikonike, si Alberobello në rajonin e Pulias, i njohur për shtëpitë tradicionale “trulli”, Kopshtet Keë në Londër, si dhe Sagrada Familia në Barcelonë, kryevepra e arkitektit të njohur Antoni Gaudí.

Zgjedhja e Liqenit të Ohrit në këtë listë konfirmon potencialin e madh turistik të rajonit dhe e vendos atë gjithnjë e më shumë në hartën e destinacioneve më tërheqëse në Europë.

Lajme

Bëhen 10 vjet nga pranimi i Kosovës në UEFA

3 maji i vitit 2016 është një nga datat më historike të Kosovës.

Kjo pasi që bëhen 10 vite nga samiti i famshëm në Budapest, ku Kosova ishte pranuar si anëtari i 55-të i UEFA-së.

Me 28 vota për, dhe 24 kundër ishin të mjaftueshme për ta bërë Kosovën anëtare me të drejta të plota.

Nuk vonoi shumë dhe pas 10 ditësh, Kosova ishte bërë edhe anëtarja më e re e FIFA-së, ku atë vit gëzoi të drejtën që të merrte pjesë për herë të parë në kualifikueset e Botërorit të vitit 2018.

Lajme

Tetovarja e mashtroi se ka ngelë shtatzënë, ia mori 18 mijë euro kosovarit

Më datë 02.05.2026 në orën 12:00, një 38-vjeçar nga R. e Kosovës ka denoncuar në SPB Tetovë se është mashtruar nga E.R., me banim në Tetovë. Sipas denoncuesit, ai në disa raste përmes transfertave të shpejta të parave i ka dërguar asaj para në vlerë të përgjithshme prej 18.000 eurosh, pasi e denoncuara e kishte vënë në lajthitje se ishte shtatzënë me fëmijën e tij. Pas kthimit të tij nga jashtë shtetit, e njëjta i ka kumtuar se fëmija nuk është i tij dhe ka ndërprerë komunikimin. Po ndërmerren masa për zbardhjen e rastit.