Lajme

Rast shokues, babai përdhunon tre vajzat e mitura, nëna vihet në mbrojtje të monstrumit

Një ngjarje shokuese ka ndodhur në Prilep. Tre vajza të mitura dyshohet se janë përdhunuar nga babai, i tyre, ndërsa për të qenë rasti edhe më i rëndë, shkruan SHENJA, nëna e tyre, i ka kërcënuar ata që mos ta denoncojnë rastin në polici.
Sipas Prokurorisë, e tërë kjo vepër e çmendur e prindit 36 vjeçar ka ndodhur në periudhën prej viteve 2021 dhe 2023.
“Tre vajzat, të lindura në vitin 2008, 2010 dhe 2014 gjatë kohës së veprës nuk kanë pasur të mbushura 14 vite. Hetim është hapur edhe kundra nënës së fëmijëve, e cila dyshohet për veprën penale- Braktisje dhe maltretim të fëmijëve nga nenit 201 pika 1 nga Kodi Penal. Veprën e ka bërë me braktisje të detyrës së saj përkujdesje dhe edukim të fëmijëve, të cilat kanë treguar se babai po i përdhunon, ndërsa ajo i ka bindur se është e turpshme që të denoncohet dhe se duhet të respektojnë prindërit”, thuhet në njoftimin e Prokurorisë Publike, raporton SHENJA.
Por tmerri dhe tortura e vajzave mori fund kur njëra prej tyre vendos që ta denoncojë prindërin në polici. Që këtu policia në bashkëpunim me Prokurorinë, kanë arrestuar dy prindërit dhe kundër tyre është iniciuar kallëzim penal adekuat, ndërsa vajzat do të dërgohen për përkujdesje në instancat përkatëse.

Lajme

Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur

Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.

Lajme

Abdixhiku: Shënojmë rritjen më të madhe! Kemi fituar 20 deputetë

Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.

Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.

“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.

Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.

“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.

Lajme

Osmani: VV-ja s’e ka asnjë arsye ta refuzojë emrin tim për presidente

Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.

Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.

“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.

Lidhja Demokratike të Kosovës numëron 17 për qind bazuar në rezultatet në fjalë.