Lajme

Temperaturat e larta, qytetarët ankohen për mungesë të pishinave

Disa preferojnë pishinat për argëtim, disa për not më profesional, e disa të tjerë thjesht duan që të freskohen në temperaturat e larta.

Po qytetarët e anketuar nga Alsat thonë se Shkupit i mungojnë pishinat.

Parku i Ujit (Aqua park), një atraksion i qytetit që qytetarët zgjedhin për argëtim dukej kështu.. Fakti që në faqen e internetit shkruante se aktualisht është I hapur, qytetarët vinin dhe ktheheshin të dëshpëruar, kur shihnin se nuk po punonte.

“Kemi ardhur për rekreacion për këto vajzat e reja, por ja sikur nuk po punon. Vetëm nëse ka pasur ndonjë njoftim të ri nuk e di. Ne e shikuam dje, ja shikoni tani duhet të kthehemi në shtëpi. Mungojnë, Shkupi është qytet i madh, më herët kishte në më shumë vende më afër qendrës… Ne jemi prej Kisella Vodës, por ato janë nga Berova, deshën të shohin se si në Shkup kalohet koha”, u shpreh një qytetar.

Pishina “Boris Trajkovski” vazhdon të mbetet më e preferuara për numrin më të madh të qytetarëve që preferojnë notin. Përgjegjësit na njoftuan se këtë pishinë e frekuentojnë 500 deri në 700 persona në ditë.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.