Lajme

Biden i zemëruar me Obamën dhe demokratët e tjerë, mendon se ata e tradhtuan

Presidenti aktual amerikan, Joe Biden e sheh heshtjen e Barack Obamës për kandidaturën e tij si një formë “tradhtie”, sipas mediave amerikane. Të njëjtin mendim ka edhe për anëtarët e tjerë të rëndësishëm të Partisë Demokratike.

Biden aktualisht ndodhet në shtëpinë private në shtetin federal të Delaware, ku po shërohet nga një infeksion me virusin COVID-19.

Bashkëpunëtorët e 81-vjeçarit zbuluan për mediat amerikane se Biden foli për marrëdhënien e tij me Obamën dhe se ai tha se ndihej i “tradhtuar” dhe “i zemëruar” sepse ish-presidenti amerikan nuk qëndroi pas tij gjatë fushatës kundër kandidaturës së tij për zgjedhjet e nëntorit.

Përveç Obamës, Biden ka një mendim të ngjashëm për demokratët e tjerë që kanë sugjeruar, publikisht ose privatisht, që ai të largohet nga fushata. Po flasim për Bill dhe Hillary Clinton, Nancy Pelosi, Adam Schiff dhe anëtarë të tjerë të lartë të Partisë Demokratike.

Pavarësisht kësaj, duket se Biden do të vazhdojë me kandidimin për president amerikan.

Vendimi, nëse Biden do të tërhiqet, do të merret në Konventën Kombëtare Demokratike, e cila do të mbahet nga 19 deri më 22 gusht në Chicago.

Partia Demokratike mund të ketë më shumë kandidatë që vijnë në konventë me shpresën për t’u bërë kandidatë për president të Shteteve të Bashkuara. Përveç zëvendëspresdentes Kamala Harris, më së shumti përmenden Gavin Newsom dhe Gretchen Whitmer, guvernatorët e shteteve federale të Kalifornisë dhe Michiganit.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net