Lajme

Filantropi Lazim Destani nderohet nga Veshalla

Më 2 gusht 2024, biznesmeni dhe filantropi i madh Dr. h.c. Lazim Destani priti në ambientet e Firmës Ecolog kryetarin e shoqatës Veshalla Nail Sulejmani dhe kreun e komitetit organizativ të Festës “Veshalla – Votra jonë na bashkon” Adem Rushani. Arsyeja e takimit ishte dhurimi ceremonial i certifikatës së mirënjohjes Dr. h.c. Lazim Destani në njohë për shërbimet e tij mbarë popullatës shqiptare në përgjithësi dhe Veshallës në veçanti.

Atmosfera e bisedës ishte miqësore dhe e përzemërt. Lazim Destani u prek emocionalisht dhe shprehi falemenderimet e tij të sinqerta për certifikatën e marrë.

Ky nderim është një mirënjohje për angazhimin e tij të palodhur dhe kontributet filantropike, të cilat kanë pasur një ndikim të rëndësishëm dhe pozitiv në komunitetin shqiptar.

Dr. h.c. Lazim Destani me familjen etij kan arritur suksese të jashtëzakonshme si në biznes ashtu edhe në filantropi. Vazhdon të shihet si një frymëzim dhe model për shumë njerëz. Falemenderimet e tij për përfaqësuesit e Veshallës pasqyruan përulësinë dhe mirënjohjen e tij, të cilat kanë mbetur gjithmonë pjesë e personalitetit të tij pavarësisht sukseseve të shumta.

Zoti i dhasht Lazim Destanit dhe Familjes së tij suksese edhe në të ardhmen, jetë të gjatë dhe shëndet të plot!

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!