Lajme

Shkupi më i shtrenjtë se Prishtina, më i lirë se Tirana dhe Beogradi – shpallet lista e qyteteve më të shtrenjta

Database online ‘Numbeo’, në indeksin e saj të kostos së jetesës që publikohet çdo gjashtë muaj, ka zbuluar se qyteti zviceran Gjeneva ka rezultatet më të larta për kostot totale të jetesës për gjysmën e parë të këtij viti.”
Zyrihu është në vendin e dytë, ndërsa Nju Jorku është në vendin e tretë.

Në listën që përfshin 218 qytete, Shkupi ndodhet në vendin e 160-të sipas kostove të jetesës.

Në krahasim me vendet e rajonit, jeta është më e lirë në Prishtinë, Kosovë (vendin e 195-të) dhe Nish, Serbi (vendin e 165-të).

Kostot e jetesës janë më të larta në vendet anëtare të BE-së që ndodhen afër nesh. Athina është në vendin e 91-të në listën e qyteteve më të shtrenjta, Ljublana është në vendin e 96-të dhe Zagrebi në vendin e 107-të.

Pas tyre është Tirana, qytet që ndodhet në vendin e 114-të në listë. Më pas është Beogradi në vendin e 127-të, Sofia në vendin e 132-të, Podgorica në vendin e 143-të, Ankara në vendin e 145-të dhe Sarajeva në vendin e 148-të.

Një të dhënë interesante është se sipas listës, është më e lirë të jetosh në Shën Petersburg në Rusi, i cili ndodhet në vendin e 162-të, sesa në Shkup.

Kompania me bazë të dhënash ka shqyrtuar faktorët si çmimi i produkteve ushqimore, çmimet në restorante, kostot e qirasë dhe sa larg shkon monedha lokale për të formuluar rezultatet e saj.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk