Lajme

Ilire Dauti: Nuk e votojmë interpelancën për Afrim Gashin

Deputetja e Frontit Evropian, Ilire Dauti, tha se ata nuk bëhen pjesë e skenarëve të VMRO-DPMNE-së, që i bën vazhdimisht në bashkëpunim me bashkëpunëtorët e vet, e që sipas saj, kësaj here po e bën me Levicën.

“Ne padyshim që nuk dot ë votojmë këtë interpelancë dhe kjo është e tëra që mund t’ju vijmë në ndihmë z.Gashit dhe shokëve të tij, për faktin se pjesën tjetër do të duhet ta bëjnë vet. Ata vet kanë pranuar të luajnë rolin që ua caktoj Mickoski dhe nuk e pranuan rolin që nga zgjedhjet e fundit parlamentare ua caktuan qytetarë”, tha deputetja Dauti, përcjell SHENJA.

Dauti tha se atyre ju vjen që këto lëshime që i bën VLEN-i, do të duhet gjenerata e gjenerata për ta kthyer dëmin pozitës së shqiptarëve.

Lajme

Demaj: Shumë shpejt pritet koalicion mes LVV-së dhe LDK-së

Duke komentuar zhvillimet në Kuvendin e LDK-së, analisti Emanuel Demaj në emisionin “Click” në RTV21 tha se rikonfirmimi i Lumir Abdixhikut si kryetar i LDK-së i shmang edhe zgjedhjet nacionale.

“Shumë shpejt pritet një koalicion mes Lëvizjes Vetëvendosje dhe Lidhjes Demokratike të Kosovës”, tha ai, duke shtuar se ky koalicion është i mjaftueshëm për zgjedhjen e të gjitha institucioneve.

Lajme

Lumir Abdixhiku i ka mbijetuar shkarkimit nga kryetari i LDK-së

Lumir Abdixhiku është rikonfirmuar si kryetar i Lidhjes Demokratike të Kosovës. Kryetari i katërt në historinë e partisë më të vjetër në Kosovë, i mbijetoi të enjten nismës për shkarkimin e tij.

Në Kuvendin e sotëm morën pjesë rreth 330 delegatë. Aktualisht nuk dihet numri i votave pro dhe kundër Abdixhikut.

Ky Kuvend u ftua pas zgjedhjeve të 7 qershorit. LDK-ja sërish doli e treta. Në inicim nga delegatët u theksua se Abdixhiku ka dështuar si kryetar. E Abdixhiku i akuzoi për sabotazh ata që nisën iniciativën për shkarkimin e tij.

Lajme

Rama kërkon hapje të partisë dhe tregon pse “nuk do e lëshojë timonin”

Kryeministri dhe njëherësh kryetari i PS, Edi Rama, gjatë mbledhjes me drejtuesit politikë socialistë dhe kryetarët e komisioneve parlamentare, theksoi se do t’i jepet jetë një raporti të ri mes qytetarit dhe qeverinë.

Po ashtu kreu i qeverisë foli për hapje të partisë dhe afrimin e njerëzve të rinj, jo vetëm në moshë por edhe në mendësi.

“Të qëndrosh gjatë në pushtet s’mund të nënkuptojë t’u zësh rrugën të rinjve dhe forcave të reja, por t’u hapësh rrugën të rinjve s’do të thotë t’ua dorëzosh Shqipërinë atyre që e shpallin veten forca të reja, vetëm sepse s’kanë qenë ende në pushtet. Do të thotë të hapësh partinë, të hapësh vendimmarrjen, të hapësh procesin qeverisës për njerëz të rinj, jo thjesht në moshë por në mendësi, të krijosh hapësirë për ide të reja, të prodhosh drejtues jo vetëm ndjekës”, tha Rama.