Lifestyle

Kushton 750 mijë dollarë, historia e Ferrarit të “harruar” në parking

Një Ferrari F40, me vlerë 750 000 dollarë, u harrua për një dekadë në një garazh në Mynih nga pronari, ish-tenisti dhe koleksionisti rumun Ion Tiriac. I njohur për koleksionin e tij të madh të makinave luksoze, Tiriac nuk kishte kohë të menaxhonte siç duhet flotën e tij në rritje të supermakinave.

Edhe pse ai e bleu këtë Ferrari në fund të viteve ‘80-të, automjeti mbeti i papërdorur për dhjetë vjet. Më në fund, pasi u rizbulua, makina u dërgua në Maranello për t’u restauruar, siç raporton A2-shi.

Kjo neglizhencë e pazakontë ndodhi në një kohë kur teknologjia nuk ofronte të njëjtat komoditete si sot, dhe ishte pronari i garazhit ai që kontaktoi Tiriac për t’i kujtuar ekzistencën e këtij automjeti. Në atë kohë, mungesa e hapësirës adekuate për të ruajtur makinat, e bëri koleksionistin ta parkonte në një vend të përkohshëm. Pavarësisht braktisjes së gjatë, Ferrari nuk pësoi dëme të pariparueshme, por ishte e nevojshme të çmontohej dhe rivendosej motori i tij.

Tiriac, i cili bëri pasurinë e tij si sportist dhe biznesmen gjatë Luftës së Ftohtë, është një nga koleksionistët më të rëndësishëm në Evropë, me një koleksion që arrin në rreth 400 automjete. Në intervistën e tij të fundit, milioneri pranoi se pas kaq shumë vjetësh mospërdorim, ai vendosi të shesë makinën për dy arsye: mungesën e hapësirës dhe përkeqësimin e pashmangshëm mekanik për shkak të kaq shumë vitesh pasiviteti.

Ky Ferrari F40 është një emblemë e supermakinave të viteve ’80-të dhe u ble nga Tiriac pasi u përpoq, pa sukses, të blinte një nga Stéfano Casiraghi, bashkëshorti i Carolina de Monaco. Blerja e tij e mëvonshme i kushtoi atij 700 000 dollarë, një shifër që sot e bën këtë model shumë të dëshiruar për koleksionistët.

Pas rizbulimit, nevojës për restaurim dhe mungesës së një vendi për ta ruajtur, Tiriac vendosi se ishte më mirë që ta shiste.

Lajme

Blerim Destani pushton Zurich Film Festival 2026

Blerim Destani pushton Zurich Film Festival me premierën botërore të filmit “BLOOD MONEY”

Aktori i njohur shqiptar Blerim Destani rikthehet fuqishëm në qendër të vëmendjes ndërkombëtare. Filmi i tij i ri, drama aksion “BLOOD MONEY”, do të shënojë premierën e tij botërore në edicionin e sivjetmë të Zurich Film Festival (ZFF), më 2 tetor 2026.

Përveç shfaqjes së parë të projektit për publikun e gjerë, ky festival do të rezervojë një hapësirë të veçantë për ekipin krijues. Më 3 tetor, Blerim Destani së bashku me bashkëpunëtorët e tij do të jenë pjesë e panelit prestigjioz të diskutimit “ZFF Masters”, ku do të ndajnë prapaskenat e xhirimeve dhe sfidat e realizimit të këtij projekti madhor.

Një kast i jashtëzakonshëm dhe debutimi i Noizy-t si aktor
Filmi mban firmën e regjisorit të vlerësuar Visar Morina dhe sjell një bashkim interesant emrash në ekranin e madh. Përkrah Blerim Destanit, në rolet kryesore luan aktori i mirënjohur gjerman Moritz Bleibtreu, si dhe reperi i dashur për publikun shqiptar, Noizy, i cili me këtë rol shënon debutimin e tij të parë si aktor në një film të metrazhit të gjatë.

Çfarë ndodh në “BLOOD MONEY”?
Ngjarjet e kësaj drame të errët të arteve marciale zhvillohen në qytetin bregdetar të Durrësit. Filmi ndjek historinë e Arionit (luajtur nga Noizy), një ish-i burgosur që rikthehet në dyluftimet e paligjshme të njohura si “The Circle”. Ai pranon të ndeshet për llogari të Ilirit (Blerim Destani), një personazh i zhytur në borxhe të mëdha. Gjërat marrin një kthesë të rrezikshme kur të dy përfshihen pa dashje në një rrjet të madh dhe të paligjshëm bastesh, duke vënë në rrezik gjithçka.

Për të gjithë artdashësit dhe adhuruesit e kinematografisë në Zvicër, biletat dhe oraret e plota të shfaqjeve tashmë janë të disponueshme në faqen zyrtare të festivalit (h ttps://zff.com/de).
/ Foto credits: Zürich Film Festival – Media zff.com /

Lajme

Monika Lubonja sot merr këtë vendim pas gjithë bujës në rrjet

Monika Lubonja ka ndërmarrë një veprim në llogarinë e saj në Instagram, pas vëmendjes së madhe që mori emri i saj gjatë orëve të fundit dhe komenteve të shumta që u drejtuan ndaj saj në rrjetet sociale.

Aktorja ka bllokuar komentet në postimet e saj në Instagram, duke mos u dhënë më mundësi ndjekësve të lënë reagime publike në profilin e saj.

Vendimi vjen pasi llogaria e Lubonjës u mbush me komente lidhur me videot intime që kanë qarkulluar në rrjet dhe ku është pretenduar se shfaqet ajo. Në shumë prej postimeve të saj, përdorues të ndryshëm nisën të linin komente për materialet në fjalë, ndërsa nuk munguan as ofendimet dhe sulmet personale ndaj aktores.

Pikërisht pas kësaj vale reagimesh, Lubonja ka zgjedhur të mbyllë hapësirën e komenteve në profilin e saj, të paktën për momentin.

Emri i saj u përfshi në këtë histori pasi në rrjet nisën të qarkullonin materiale për të cilat u pretendua se lidhen me aktoren dhe kompozitorin Adrian Hila. Megjithatë, identiteti i personave që shfaqen në materialet e përfolura nuk është konfirmuar në mënyrë të pavarur.

Vetë Lubonja, deri tani, nuk ka bërë një deklaratë publike për të konfirmuar apo mohuar pretendimet që po qarkullojnë. Veprimi i saj për të bllokuar komentet vjen kështu si reagimi i parë i dukshëm në profilin e saj pas gjithë bujës së krijuar, por nuk përbën një qëndrim të saj mbi vërtetësinë e materialeve.

Lajme

Marramendëse! Gazetari tregon sa para iu ofruan për të fshirë videot

Gazetari i showbizit, Elton Tozaj, ka zbuluar se pas publikimit të lajmeve të fundit që trazuan botën e showbizit, i është bërë një ofertë e majme për t’i fshirë ato.

Ai u shpreh se një ditë pas publikimit të videove, i janë ofruar plot 50 mijë euro në këmbim të fshirjes së tyre.

Tozaj nuk e bëri të ditur identitetin e personit që i ofroi paratë, duke mos zbuluar se kush qëndron pas kësaj oferte.