Lajme

Tolaj kërkon që ministri Ljutkov t’i kerkojë falje publike për shpifje

Ish-drejtori i Ansambli i Këngeve dhe Valleve Popullore Shqiptare, Shkodran Tolaj, në një demant dërguar mediave përmes emailit ka theksuar se pret falje publike nga ministri i Kulturës Zoran Ljutkov për shpifje.

Tolaj ka thënë se gjatë një prononcimi për media nga ana e ministrit Ljutkov, janë bërë një sërë gënjeshtrash, fyerjesh dhe deklaratash shpifës.

“Sipas Ljutkovit, unë si person përgjegjës i kam shkaktuar një dëm të madh kulturës, se nuk kam bërë një ri auditim si shkak për shkarkimin e 33 punonjësve nga institucioni, keqpërdorim të mjeteve dhe akuza të tjera. që janë jashtëzakonisht të pavërteta.

Pretendime të tilla jo vetëm që janë të pavërteta, por edhe synojnë të shpifin reputacionin e ansamblit dhe të dëmtojnë nderin dhe reputacionin tim.

Z. Ljutkov prezanton dhe përhap informacione të pavërteta në opinion.Gjegjësisht, arsyeja reale e ndërprerjes së marrëdhënies së punës të 33 punonjësve në institucion është skadimi i kohëzgjatjes së kontratave të punës dhe në asnjë rast nuk bëhet fjalë për shkak të një ri auditimi të pa kryer sespe edhe në këtë periudhë ende ska pelqim zyrtar nga Ministria e Financave për punësimin e tyre. Ministri e Kulturës dhe Turizmit duhet së pari të kuptojë dhe të bëjë dallimin mes një konkursi me auditim dhe një riauditimi!

Nuk ekziston askund ne bote konkurs i jashtem dhe publik per ripunesim andaj ministri te mesohet ta beje dallimin, cfare eshte auditimi gjate konkursit dhe riauditimi.

Audicioni me konkurs është një proces i kontrollit të aftësive artistike të kandidatëve dhe kryhet në procedurën e punësimit të personave të interesuar (neni 77-e), i cili bëhet me rastin e krijimit të marrëdhënies së punës të personave të interesuar.

Riaudicioni është një procedurë promovimi që synon t’u mundësojë ofruesve të shërbimeve publike në kulturë në institucionin publik në fushën e kulturës avancimin në karrierë, pra kalimin nga punët më të ulëta në ato më të larta. Në bazë të nenit 77-k paragrafi (2) të Ligjit për kulturën, vetëm artistët e kategorisë A, përveç vlerësimit të efektit të nenit 77-k paragrafit (2) të këtij ligji, efekti i tyre vlerësohet edhe me ri-audicionin. procedurë çdo tre vjet.

Tani shtrohet pyetja nëse ushtruesi i detyrës së drejtorit të ri të Ansamblit Shqiptar, Shkelqim Jahi, sipas deklaratës së ministrit, do të zhvillojë një procedurë audicioni – konkurs apo riauditimi për stafin ekzistues?

Gjithashtu pretendimi se 177,000,00 denarë janë shpenzuar në mënyrë të pa arsyeshme për projektin Balkan Tour në vitin 2023, nuk është i vërtetë sepse pretendimet e tilla janë të pavërteta dhe gjithashtu të pavërtetuara. Ministri i Turizmit dhe Kulturës ka tejkaluar të gjitha kompetencat e tij të dhëna me ligj, duke qenë se para skadimit të afateve të lëshuara pas mbikëqyrjes inspektuese, pavarësisht ankesës së deklaruar lidhur me procesverbalin dhe urdhërpagesën e lëshuar në Këshillin Inspektues të RVM-së, i cili ankim shtyn të gjitha aktet ligjore të nxjerra në bazë të të njëjtit, ministri ka marrë një vendim jashtëzakonisht të kundërligjshëm me të cilin më është lëshuar Vendimi për shkarkim të parakohshëm i datës 11 shtator 2024. Një vendim i tillë është i paligjshëm dhe i bazuar në informacione të pakonfirmuara!”, ka shkruar Tolaj.

Lajme

27 vjet nga marrëveshja e Kumanovës

Sot bëhen 27 vjet nga nënshkrimi i marrëveshjes ushtarako-teknike të Kumanovës, me të cilin iu dha fund luftës në Kosovë, duke u dorëzuar ish-ushtria e Jugosllavisë dhe kapitullimi i kriminelit Sllobodan Millosheviq.

Me këtë marrëveshje, Serbia është detyruar të tërheqë të gjitha forcat e saj policore dhe ushtarake nga Kosova. Marrëveshjen e Kumanovës, ndërmjet NATO-s dhe RFJ-së, e nënshkruar më 9 qershor 1999, hyri në fuqi më 11 qershor 1999. Atë e nënshkruan Michael Jackson, komandanti i parë i KFOR-it në Kosovë, dhe ish-shefi i Shtabit të Armatës serbe, gjenerali Nebojsha Pavkoviq, i akuzuari i Hagës për krime lufte dhe gjenocid.

Marrëveshja është arritur pas fushatës së bombardimeve të NATO-s mbi caqet serbe, e cila ka zgjatur për 78 ditë me radhë, si dhe pas përpjekjeve të ndryshme diplomatike për t’i dhënë fund luftës në Kosovë, gjatë të cilës mbi 10 mijë njerëz janë vrarë, rreth 5 mijë të tjerë të zhdukur dhe mbi 1 milion shqiptar të zhvendosur. Shkatërrimet materiale po ashtu kanë qenë masive.

Ndër të tjera në marrëveshje parashihej:

c) që nga Kosova të largohen të gjithë personat dhe organizatat me aftësi militare duke përfshirë armatën e rregullt dhe forcat e marinës, civilë të armatosur, paramilitarë, forcat ajrore, garda kombëtare, policia kufitare, rezervistët, policia ushtarake, shërbimet informative, MUP-it, policia lokale, speciale, antirebeliste, antiterroriste dhe çdo grup i përcaktuar kështu nga KFOR-i.

d) u caktua një zonë sigurie ajrore 25 kilometra përtej kufirit të Kosovës

e) u caktua një zonë 5 kilometrash përtej kufirit me RFJ-në që nuk guxonte të vendosen armatimet e rënda dhe ushtria, përveç ushtarët kufitarë.

Më 12 qershor të vitit 1999, në Kosovë kanë zbarkuar trupat e para të këmbësorisë së NATO-s, ndërsa ka nisur largimi i forcave serbe.

Sekretari i përgjithshëm i NATO-së, Havijer Solana, më 10 qershor 1999 kishte lëshuar urdhrin për ndalimin e bombardimit dhe Këshilli i Sigurisë së OKB-së miratoi rezolutën 1244, ku u dërguan 37.200 ushtarë të KFOR-it nga 36 shtete.

Misioni ishte i ndarë në pesë zona të përgjegjësisë, që i përkisnin KFOR-it amerikan, anglez, francez, gjerman dhe italian.

Me hyrjen e NATO-s, në Kosovë ka nisur edhe vendosja e misionit të përkohshëm të Organizatës së Kombeve të Bashkuara, i cili do të administronte vendin për një periudhë të caktuar kohore.

Në të njëjtën kohë, është shpërbërë edhe Ushtria Çlirimtare e Kosovës, për t’u shndërruar në Trupat Mbrojtëse të Kosovës.

Lajme

Mbi 1,600 gra të lindura në Maqedoni të Veriut lindën foshnje në Gjermani vitin e kaluar

Numri i përgjithshëm i shtetasve të RMV-së të regjistruar si të huaj që jetojnë në Gjermani deri në dhjetor të vitit të kaluar ishte 161.120, që është 2.000 më shumë se në vitin 2024, kur ky numër ishte 158.995.

Nga viti 2015 deri në vitin 2025, numri i qytetarëve të RMV të regjistruar si të huaj në Gjermani është rritur me më shumë se 65,000.

Statistikat tregojnë se vetëm vitin e kaluar në Gjermani kanë lindur 1.620 të porsalindur, të cilët, sipas klasifikimit statistikor gjerman, kanë nëna që kanë lindur në Maqedoni të Veriut.

Gjermania mbetet një nga destinacionet më të dëshirueshme për qytetarët e RMV-së që kërkojnë mundësi më të mira ekonomike, të ardhura më të larta dhe një të ardhme më të sigurt për fëmijët e tyre. Mijëra qytetarë të RMV-së janë zhvendosur atje vitet e fundit dhe disa prej tyre tashmë po krijojnë familje dhe po bëhen prindër, gjë që kontribuon në rritjen e numrit të fëmijëve të lindur në maternitetet gjermane nga prindër me origjinënga RMV-ja.

Lajme

Pesëvjeçari nga Gostivari u helmua me barna, dërgohet në Klinikën e Pediatrisë

Më 8 qershor 2026, rreth orës 18:40, në Stacionin Policor të Gostivarit është raportuar se në Repartin e Pediatrisë ishte pranuar një fëmijë pesëvjeçar nga fshati Çegran, i cili kishte pësuar helmim nga barnat.

Sipas informacioneve fillestare, fëmija ka rënë në kontakt me barna të lëna në një vend të arritshëm dhe i ka gëlltitur ato. Pas marrjes së ndihmës së parë mjekësore, ai është transportuar në Klinikën e Fëmijëve në Shkup për trajtim dhe ekzaminime të mëtejshme.

“Më 08.06.2026 në ora 18:40 në Stacionin Policor Gostivar është
raportuar se në Repartin e Pediatrisë, për shkak të helmimit me barna,
është sjellë një fëmijë pesëvjeçar nga fshati Çegran i Gostivarit. Sipas
raportimit, fëmija ka rënë në kontakt me barna që ishin lënë në një vend
të arritshëm dhe i ka gëlltitur ato. Fëmija është transportuar në Klinikën
e Fëmijëve në Shkup për kujdes dhe ekzaminime të mëtejshme”, thuhet në njoftimin e policisë.