Connect with us

Lajme

Tolaj reagon ndaj Ministrisë së Kulturës: Mjaft manipuluat – Kaluan tre javë nga shkarkimi im dhe akoma artistët e Ansamblit janë në rrugë!

Ish-drejtori i Ansamblit Shqiptar të Këngëve dhe Valleve në RMV, Shkodran Tolaj, përmes një letre publike të publikuar në rrjetin social Facebook ka pyetur Ministrinë e Kulturës së përse edhe pas 3 javëve prej shkarkimit të tij nga posti i drejtorit, statusi i pjesëtarëve të Ansamblit mbetet i pazgjidhur, pasi të njejtët ende nuk janë sistemuar me vendime në vendet e tyre të punës.

 

Tolaj shkruan se po manipulohet me artistët, pasi deklaratat e ministrit dhe zëvendësministrit të Kulturës nuk janë në përputhje më njëra tjetrën, madje dhe kryeministri Hristijan Mickoski e ka tërhequr ligjin për këta artistë pa dhënë asnjë spjegim.

 

 

“Po e shkruaj këtë letër të hapur për ministrin e zëvendësministrin e kulturës si shqetësim i thellë që vjen nga unë si artist por dhe si ish drejtor i atij institucioni ku realizuam shumë ëndërra, prekëm shumë suksese të paimagjinueshme dhe u ndjemë krenarë anë e kënd globit!

Sot jam këtu për ti qëndruar në ballë një padrejtësie që po u bëhet artistëve që nuk e kanë mundësinë të dalin dhe të kërkojnë fajtorin e as ta akuzojnë pushtetin aktual nga i cili pritet hapja e konkursit dhe punësimi i tyre! Jam këtu për të bërë disa pyetje esenciale pa dashur ta kujtoj odisejadën e rezistencës time tre mujore kundrejt një maqinerie të tërë të pushtetit i cili nuk kurseu asnjë formë për shantazh, kërcënim dhe puç brenda institucionit! Përkundër faktit që me datë 28 qershor e 5 korrik u anuluan të gjitha konkurset në nivel të shtetit, zhurma e paguar e disa mediave nga “protagonistë të ditur tashmë” arriti që tek një pjesë e opinionit të shkaktojë dilema afatshkurtëra lidhur me fajtorin që la në rrugë 33 artistët e ansamblit, por sot, gjërat janë shumë të qarta! Për opinionin publik po kujtoj se nga data 11 shtator kur është bërë shkarkimi im në formën më arbitrare deri më sot kanë kaluar plot 3 javë andaj kur “pengesë” nuk është më “drejtori i padëshiruar” ku qëndron problemi; çfarë po ndodhë me ansamblin shqiptar, ku është pëlqimi për konkurs, kë do fajësojnë tutje përfaqësuesit tanë në qeveri për këtë të keqe të madhe që po i bëhet kulturës kombëtare? Si është e mundur që një ministri të kulturës mos i interesojë fare problemi me punësimet dhe kërkesa ime për marrje të masave të hasë në vesh të shurdhër nga data 1korrik 2024, deri me 26 gusht kur paturpësisht deklaroi në të gjitha mediat e vendit se pëlqimi për punësime nga Ministria e financave është siguruar, pritet vetëm inspektimi në ansambël dhe shkarkimi i drejtorit! Për të qenë dhe më e thellë kjo gënjeshtër publike e ministrit Zoran Ljutkov, me 12 shtator sërish deklaroi se me shkarkimin e drejtorit, ushtruesi i detyrës menjëherë do të realizojë konkursin për ti kthyer artistët në punë! Sot jemi me datë 1 tetor, pra plot tre muaj institucioni është në gjendjen “vend- numëro” pa zgjidhje konkrete dhe asnjë hap përpara! Sot dua ti shtroj disa pyetje edhe zëvendësministrin Sedat Sulejmani i cili në vend se të pranonte bashkëpunimin me datë 25 korrik dhe të angazhoheshim bashkërisht për zgjidhje të problemit me punësime ai zgjodhi të shantazhojë: “jep dorëheqje se do kesh probleme të mëdha nga individë e media- konkursin do e zhvillojë njeriu i yni me lista partiake; ti trego a don ndonjë shërbim dhe jep dorëheqje menjëherë” Sot dua ta pyes zëvendësministrin se çfarë i duheshin deklaratat e pamenduara me 3 gusht në Alsat M kur premtonte se do ketë vendime të përhershme pune dhe 6 gusht në TV 21 kur thoshte që do ketë  konkurs dhe audicion për kontrata të reja pesëvjeçare për artistët e ansamblit! Sikur mos të mjaftohej me këto deklarata kontradiktore, me 12 gusht, me plot krekosje manipuloi me ligjin e ri për kulturë që e mori të gatshëm nga qeveria e kaluar LSDM- BDI dhe tha bindshëm se do të miratohet shpejtë me çka artistët do të kenë vendime të përhershme pune! Dhe pas gjitha këtyre akrobacioneve, caktohen dy seanca në Parlament, me 13 gusht dhe 16 shtator dhe këtë ligj e tërheq përfundimisht kryeministri Kristian Mickovski me 18 shtator, duke mos dhënë askush asnjë arsye!”, shkruan Tolaj.

 

Tolaj shton se me këto veprime mund të ketë një skenar që ky institucion kulturor i shqiptarëve të shkatërrohet.

 

“Nëse skenari dhe kjo lojë ka për qëllim shkatërrimin apo shkrirjen graduale të ansamblit shqiptar, duke vepruar në formën më nënçmuese si me gjuhën, flamurin e shumë çështje të rëndësishme kombëtare, kjo nuk do kalon sepse shkarkimet e ngarkimet e drejtorëve dhe interesat e politikës tuaj ditore janë zero përballë kësaj të keqeje të cilën nuk e tolerojnë shqiptarët dhe komuniteti artistik mbarëkombëtar që ka investuar për tu krijuar e ngritur ky ansambël i krenarisë së shqiptarëve në Maqedoninë e Veriut!

Tani është koha vërtetë për veprim: ktheni artistët në punë që të jehojë kënga e vallja shqipe sikur pesë vite kur nuk ishte kjo qeveri antishqiptare! Nëse përfaqësuesit shqiptar në qeveri nuk janë në gjendje ta rregullojnë edhe këtë çështje, atëherë vërtetohet kartëcipërisht se s’kanë takat për asnjë punë të mirë andaj kanë zgjedhur heshtjen para çdo dështimi, fyerje e nënçmimi që po u bëhet shqiptarëve!”, përfundon reagimin e tij Tolaj. /tvklan.mk

Click to comment

Leave a Reply

Your email address will not be published. Required fields are marked *

Lajme

Naim Murseli dënohet me burgim të përjetshëm për vrasjen e Liridona Ademajt

Gjykata Themelore në Prishtini dënoi me burgim të përjetshëm Naim Murselin dhe Granit Plavën, ndërsa Kushtrim Kokallën me 30 vjet burgim, për vrasjen e Liridona Ademajt më 29 nëntor të vitit 2023.

Në fjalët përfundimtare në gjyqin ndaj tyre, Prokuroria kishte kërkuar burgim të përjetshëm për ta, duke pretenduar se vrasja e 30-vjeçares, bashkëshorte e Murselit, ishte kryer në mënyrë të planifikuar.

Duke kundërshtuar akuzat e Prokurorisë, avokatët e të akuzuarve thanë se nuk ka prova të drejtpërdrejta se Murseli, Plava dhe Kokalla kanë kryer veprat penale.

Vëllai i Ademajt ka kërkuar burgim të përjetshëm për Murselin, Kokallën dhe Plavën, duke thënë se vrasja ishte e organizuar nga të akuzuarit dhe e ka lënë familjen në dhimbje të madhe.

Çfarë thanë para gjyqit Naim Murseli dhe të tjerët?

Në të dy deklarimet për akuzat që e ngarkojnë, Murseli ka mohuar fajësinë për vrasjen e Ademajt, duke thënë se nuk ka paguar, porositur apo ndihmuar në vrasjen e bashkëshortes së tij.

Ai pretendon se natën kritike familja ishte përballur me një grabitje, dhe se ai nuk ka qenë në veturë në momentin e vrasjes, duke e quajtur çdo akuzë ndaj tij si të pavërtetë.

Continue Reading

Lajme

VLEN: Pesë ministra shqiptarë në Drejtësi, por BDI e la shqipen jashtë provimit të jurisprudencës

Koalicioni VLEN ka reaguar duke akuzuar ish-ministrat shqiptarë të Drejtësisë dhe Bashkimin Demokratik për Integrim (BDI) se për vite me radhë nuk kanë mundësuar që provimi i jurisprudencës të jepet në gjuhën shqipe.

Sipas reagimit, pavarësisht disa mandateve të ministrave shqiptarë në këtë institucion, kjo çështje nuk është zgjidhur.
“Për vite me radhë, Ministria e Drejtësisë kaloi nga një emër shqiptar te tjetri, por asgjë nuk ndryshoi. Blerim Bexheti, Adnan Jashari, Valdet Xhaferi, Bilen Saliu dhe Krenar Lloga, ky i fundit përfundoi në prehrin e Ali Ahmetit. Pesë ministra. Pesë mandate. Pesë mundësi për ta ndrequr një padrejtësi. Dhe prapë, studentët shqiptarë mbetën jashtë mundësisë për ta dhënë provimin e jurisprudencës në gjuhën shqipe. Dokumenti i nënshkruar nga Talat Xhaferi e vulos të vërtetën për përjashtimin e shqipes nga provimi i jurisprudencës. Edhe më rëndë, ky ligj kaloi me badenter, pra edhe me votat e deputetëve shqiptarë të asaj kohe. E gjithë kjo e zhvesh deri në palcë BDI-në dhe mashtrimin e saj. Në opinion bëjnë patriotin, në institucione votonin dhe firmosnin kundër shqiptarëve”, thonë nga VLEN.

Continue Reading

Lajme

S’ka marrëveshje për presidentin, Abdixhiku: Provova, nuk arrita fatkeqësisht

Ka përfunduar pa një marrëveshje për presidentin edhe takimi i radhës i kryetarit të LVV-së, Albin Kurti dhe të LDK-së, Lumir Abdixhiku.

Kreu i LDK-së pas takimi tha për media se pavarësisht përpjekje të tij nuk u arrit ndonjë marrëveshje dhe se tani do t’i kthehet përpjekjeve për bashkimin e se djathtës.

“Presidenti i Kosovës s’duhet të jetë zgjatim i Qeverisë, s’mund të ketë një qeveri që ka president të një partie.

U përpoqa, provova nuk arrita fatkeqësisht dhe tani do t’i kthehem LDK-së dhe qëllimit për bashkimin e të djathtës”, tha Abdixhiku.

Ai ka thënë se Kurti ka insistuar që posti i presidentit t’i takoj paristë në pushtet, të cilën ai tha se nuk e kanë pranuar.

“Insistonte që pozita e presidentit t’i mbetet Vetëvendosjes. Ne ishim në diskutim për çështjen e presidentit dhe unë refuzova të flas për çështje tjera pa folur për emrin e presidentit. Nuk kemi diskutuar për asnjë emër me LVV-në për presindeitn, përveç Glauk Konjufcës dhe për këtë e dini qëndrimin tonë”, ka thënë ai, duke shtuar se nuk do të ketë më takime me Kurtin për këtë çështje, raporton teve1.info.

Abdixhiku ka thënë se me 15 deputetë kjo parti nuk mund të bëjë më shumë, duke thënë se janë të hapur për diskutime me partitë tjera.

Continue Reading

TË FUNDIT

Lajme40 minutes ago

Naim Murseli dënohet me burgim të përjetshëm për vrasjen e Liridona Ademajt

Gjykata Themelore në Prishtini dënoi me burgim të përjetshëm Naim Murselin dhe Granit Plavën, ndërsa Kushtrim Kokallën me 30 vjet...

Lifestyle1 day ago

Nora Istrefi flet për raportin me Robert Berishën: Çdo njeri e meriton një shans të dytë, por jo të tretë ndoshta

Këngëtarja, Nora Istrefi, ka qenë e ftuar në një intervistë për Prive By Liberta Spahiu, ku përveç projektit të ri muzikor...

Lajme1 day ago

VLEN: Pesë ministra shqiptarë në Drejtësi, por BDI e la shqipen jashtë provimit të jurisprudencës

Koalicioni VLEN ka reaguar duke akuzuar ish-ministrat shqiptarë të Drejtësisë dhe Bashkimin Demokratik për Integrim (BDI) se për vite me...

Lajme1 day ago

S’ka marrëveshje për presidentin, Abdixhiku: Provova, nuk arrita fatkeqësisht

Ka përfunduar pa një marrëveshje për presidentin edhe takimi i radhës i kryetarit të LVV-së, Albin Kurti dhe të LDK-së,...

Lajme1 day ago

BDI kërkon dorëheqjen e menjëhershme të Izet Mexhitit, Mickoski e mban në kontroll me një dosje 320 faqesh!

Nga BDI në një komunikatë për media thonë se nga burime kredibile kryeministri Hristijan Mickovski e mban Izet Mexhitin nën...

Lajme1 day ago

Garazha në kate hiqet nga qendra e Kumanovës, ndërtohen vendparkime të reja

“A do të zhvendoset garazha e montazhuar në kate që gjendet para objektit të Shtëpisë së Kulturës në Kumanovë”, pyeti...

Lajme1 day ago

Voziste 178 km/h aty ku lejohet 80 km/h, në rrugën Gostivar-Tetovë, policia ia merr veturën

Dje (19.04.2026) në orën 18:50, në aksin rrugor Gostivar – Tetovë, zyrtarët policorë nga Njësia Mobile për Siguri në Komunikacionin...

Lajme2 days ago

Gjatë 24 orëve të fundit, tre denoncime për dhunë familjare

Nga Ministria e Punëve të Brendshme (MPB) informoi se gjatë 24 orëve të fundit janë privuar nga liria tre persona,...

Lajme2 days ago

VLEN: Në çfarë gjuhe djali Talat Xhaferit e kaloi provimin e jurisprudencës?!

Me votën dhe nënshkrimin e tyre, Talat Xhaferi dhe BDI e lanë gjuhën shqipe jashtë provimit të jurisprudencës. Pra, jo...

Lajme2 days ago

Denoncimet për bomba në “East Gate” dhe “Diamond”, MPB jep detaje

Ministria e Punëve të Brendshme njofton se kërcënimet për vendosje të mjeteve shpërthyese në qendrat tregtare në Shkup kanë rezultuar...

Trending