Lajme

Ahmeti: Nuk jemi të interesuar të hymë në qeveri, ne nuk jemi gomë rezervë

Me moton 100 ditë dështime, 100 ditë skandale, 100 ditë nënçmine, Fronti Europian ka nisur fushatën opozitare, nga ku nuk munguan një sërë kritikash ndaj përbërjes qeverisese akutuale për këto 100 ditë. Kreu i Frontit dhe njiherit edhe kryetari i Bashkimit Demokratik për Integrim, Ali Ahmeti, tha se Fronti Europian është përfaqësuesi legjitim i shqiptarëve dhe komuniteteve më të vogla, duke shtuar se koalicioni VLEN nuk i ka fituar zgjedhjet. Duke aluduar për VLEN-in, Ahmeti tha se shqiptarët sot përfaqësohen nga “objekti” dhe jo nga subjekti. I pari i BDI-së theksoi se ata nuk janë të interesuar të bëhet pjesë e Qeverisë, pasi siç tha, ata nuk janë gomë rezervë.

ALI AHMETI, KRYETAR I BASHKIMIT DEMOKRATIK PËR INTEGRIM

“Vendit i duhet paqe, stabilitet, siguri, marrëdhënie të mira ndëretnike, luftë kundër krimit dhe korrupsionit, vendit i duhet vetingë, urdhëroni të bëjmë vetingë VMRO,VLEN, VREDI, krejt sa jeni, hajdeni LSDM , të bëjmë veting, hajdeni të hapim hetim për privatizimin për 30 vitet e fundit. Shqiptarët të përjashtuar, të diskriminuar në mënyrën nazi-fashiste nga ç’do pjesmarrje në privatizim të shtetit, hajdeni ta hapim hetim për të gjithë funskionarët , prejardhjen e pasurisë së tyre, por nuk u’a mban se kanlë hyrë leckamane, e janë bërë milionera dhe miljardera”.

Kryetari i Aleancës për Shqiptarët dhe pjesë e Frontit Europian, Ziadin Sela, në fjalimin e tij tha se koalicioni VLEN është vendosur në shërbim të VMRO-DPMNE-së dhe Hristijan Mickoskit. Ai theksoi se Fronti Europian do të mbrojë demokracinë e vendit, duke shtuar se “protestat nuk janë destabilizim, por mjet demokratik”

ZIADIN SELA, KRYETAR I ALEANCËS PËR SHQIPTARËT

“Këto kuzhina që përgatisin kallëpe për ne të tilla, duhet ta ken të qartë një gjë, ne sjemi gatuar sot, nuk jemi gatuar as në këto zgjedhje, nuk jemi gatuar as para 10 vitesh, e as 30 vitesh, por jemi gatuar me shekuj e mijëra vjeçar këtu në tokën tonë, në trojet tona, të cilat i kemi trashëguara prej se ekzistonë koha në këtë vend, dhe prandaj kanlë qen edukative vetëm për një soj njerëzëshm të cilëve kryeministri ju jep leksione, se çështë atdheu, e ku është mëmëdheu, e pra këtu janë ata bura dhe gra të cilët nuk e lejojnë këtë gjë që të ndodhë. Kryeministri ju tregonë shumë qartas, ju thotë udha e mbarë deputetëve, të cilët un kam qenë kryetar i tyre, e ska guxu kush udha e mbarë, sepse kishte një kryetar që ju rrinte pas shpine për gjithçka që thoshin”.

Fjalim mbajten edhe krytaret e partive tjera që përbëjnë Frontin Europian, të cilët njëzëri deklaruan se nuk janë të interesuar të bëhen pjesë e qeverisë, por informuan se do organizojnë press-konferenca ç’do ditë dhe do t’i takojnë qytetarët.

Lajme

Netanyahu: Irani shënjestroi një nga djemtë e mi

Kryeministri izraelit, Benjamin Netanyahu, ka deklaruar se Irani është përpjekur të vrasë një nga djemtë e tij ndërsa informacioni për komplotin e dyshuar është mbajtur i fshehtë për disa muaj.

Netanyahu e bëri deklaratën gjatë një interviste telefonike me korrespondentin ushtarak të Channel 14, Noam Amir, duke e lidhur kërcënimin me nevojën për masa të vazhdueshme sigurie për familjen e tij.

“Irani shënjestroi një nga djemtë e mi. U përpoq të vriste një nga djemtë e mi. Kjo është arsyeja pse kjo siguri nuk është luks. Pa të, ata do të kenë sukses”, tha Netanyahu.

Kryeministri izraelit nuk bëri të ditur se cili prej dy djemve të tij, Yair apo Avner, ishte objektivi dhe nuk dha detaje mbi mënyrën apo kohën kur dyshohet se ka ndodhur komploti.

Netanyahu tha gjithashtu se kishte komunikuar me kreun e Shin Bet, David Zini, të cilit i kishte kërkuar që të sigurojë mbrojtjen e përshtatshme për çdo kandidat për postin e kryeministrit, veçanërisht në periudhën e fushatës zgjedhore.

Deklaratat vijnë në një kohë tensionesh të larta mes Izraelit dhe Iranit, ndërsa Netanyahu u bëri thirrje gjithashtu aktorëve politikë që të tregojnë përmbajtje gjatë fushatës.

Lajme

“Lotaria” / Prokuroria me 231 prova dhe 7 dëshmitarë kundër Grubit dhe 7 personave të tjerë

Me shoqërim policor, ish zëvendëskryeministri i parë, Artan Grubi, nga paraburgimi u soll sot në Gjykatën Penale të Shkupit për seancën e parë gjyqësore lidhur me lëndën për shpërdorim e 8.2 milionë eurove në Lotarinë Shtetërore.

Grubi i shoqëruar nga dy avokatët, Goce Ristevski dhe Vlladimir Donevski u ul në bankën e të akuzuarit, ndërsa për veprën që i ngarkohet, Kodi Penal parashikon prej 1 deri në 5 vjet burg.

Krahas tij, sot në seancë janë paraqitur edhe 6 të akuzuar të tjerë. Në afërsi të tij, është ulur Metodija Dimovski, ish sekretar i Qeverisë, por edhe të akuzuarit Skender Memeti, Bojan Janev, Fatmir Ramadanovski, Bashkim Avdi dhe Aleksandar Dimitrieski. Mungoi vetëm ish drejtori i Lotarisë Përparim Bajrami, i cili është i akuzuar i parë në këtë lëndë, por që mbetet në arrati prej dhjetorit të vitit 2024.

Megjithatë seancë e sotme zgjati shkurt, meqë organi i akuzës nuk ua ka dorëzuar palëve provat. Për këtë, prokurorët e lëndës Daniel Kocev dhe Aleksandar Davçevski kishin përgatitur tetë pako me prova, të cilat i morën avokatët e të akuzuarve. Siç shpjeguan prokurorët, ata posedojnë listë me 231 prova materiale, të cilat thanë se do t’i prezantojnë brenda një seance gjyqësore, ndërsa ato verbale, respektivisht dëshmitë e 7 dëshmitarëve për 2 deri në 3 seanca, ndonëse kjo nuk mund të përcaktohet pasi do të varet edhe nga numri i pyetjeve të kryqëzuara nga ana e avokatëve të mbrojtjes.

Meqenëse mbrojtja nuk ka pasur mundësi të përgatitet për shkak se nuk i ka pasur provat, gjykatësja e lëndës Biljana Shuplinovska – Jovevski u dha dy javë kohë, respektivisht caktoi seancën e radhës për më 7 shtator. Deri atëherë, avokatët duhet t’i studiojnë provat e Prokurorisë, të përgatisin mbrojtjen dhe të dorëzojnë listë të tyre me prova.

Njëkohësisht, gjyqtarja në pajtim me palët caktoi dinamikën e gjykimit për periudhën e ardhshme, e cila sipas terminëve do të jetë mjaftë e ngjeshur. Gjatë muajit shtator, do të mbahen 6 seanca gjyqësore, ndërsa 7 të tjera janë caktuar në tetor.

Sipas Prokurorisë, Artan Grubi dhe 7 persona të tjerë akuzohen se kanë “Keqpërdorur detyrën zyrtare” pasi kanë qenë pjesë e operacionit për furnizimin e VLT aparateve për lojëra elektronike të fatit, për nevojat e Lotarisë Shtetërore edhe pse të njëjtat asnjëherë nuk janë përdorur, pasi që Lotaria Shtetërore nuk ka të drejtë ligjore për organizimin e pavarur të lojërave elektronike të fatit. Prokuroria e zhvilloi hetimin për veprën penale “Mashtrim në shërbim” për të cilën parashihet dënim me burg prej 4 deri në 20 vjet burg, megjithatë propozim akuzën e dorëzoi për vepër tjetër penale që parashikon dënim më të butë, respektivisht prej 1 deri në 5 vjet burg. /Alsat.mk

Lajme

E dhimbshme: Ky është kosovari që vdiq në detin e Shëngjinit

Një 18-vjeçar nga Kosova ka humbur jetën në zonën e Kunes, në Shëngjin, ndërsa burime të Klankosova.tv bëjnë të ditur se i riu është identifikuar si Shpëtim Syla.

I riu është gjetur pa shenja jete në ujë. Ende nuk janë të qarta rrethanat e sakta të ngjarjes, ndërsa autoritetet po hetojnë nëse 18-vjeçari është mbytur gjatë qëndrimit në det apo ka pësuar arrest kardiak.

Trupi i pajetë është transportuar në morgun e Lezhës, ku pritet t’i nënshtrohet ekspertizës mjekoligjore. Ekspertiza pritet të ndihmojë në përcaktimin e shkakut të vdekjes./Klankosova.tv