Lajme

Kryeministri bullgar porosi të qartë për Shkupin edhe nga Samiti i Berlinit

Mbledhja e Procesit të Berlinit pritshëm konfirmoi pranimin e Ballkanit Perëndimor në BE si prioritet kryesor dhe Bullgaria theksoi edhe një herë se këmbëngul në “respektimin e kushteve të përgjithshme dhe procedurën e njohur për të gjithë”.
Gjithmonë kemi qenë të mendimit se çdo vend që është kandidat për anëtarësim në BE duhet të ketë meritat e veta për anëtarësimin e tij në Bashkimin Evropian, si dhe të respektojë të gjitha të drejtat dhe përgjegjësitë që ka marrë në proces”, theksoi kryeministri teknik Dimitar Glavçev, i cili përfaqësoi Bullgarinë në samitin në Berlin.

Edhe pse nuk e përmendi me emër, Glavçev e kishte fjalën për Maqedoninë e Veriut.

Të hënën, Gllavçev, i cituar nga shërbimi për shtyp i qeverisë, tregoi se është propozuar që negociatat të zgjerohen në nivelin e një vendi kandidat – BE-së, për të shmangur kontradiktat mes dy shteteve.

Kryeministri Hristijan Mickoski disa herë ka deklaruar se është i gatshëm të negociojë me Bullgarinë, por dëshira e tij u refuzua nga Sofja. Dhe në samitin e Procesit të Berlinit, Sofja zyrtarisht i kujtoi Shkupit se kërkesat janë të përcaktuara në kornizën e tij negociuese për BE-në dhe nuk janë vetëm një çështje dypalëshe.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!