Lajme

Shqipëria hap sot negociatat me BE-në për grup-kapitullin e parë!

Takimi do të nisë në orën 08:00 dhe Shqipëria do të përfaqësohet në këtë konferencë nga Kryeministri Rama, kryenegociatorja Majlina Dhuka si dhe ministri i Punëve të Jashtme, Igli Hasani.

Në tryezë për palët shqiptare do të jenë edhe të gjithë zv.ministrat, të cilët përfaqësojnë sektorët e kapitujve të negocimit që do të hapen ditën e sotme, të njohura si “Themeloret”. Çdo shtet ka një agjendë të ndryshme të negocimit dhe Shqipëria do ta nisë këtë proces me grupkapitujt me “Reformën e administratës publike”, “Gjyqësori dhe të drejtat themelore”, “Drejtësia, liria dhe siguria”, “Kriteret ekonomike”, “Prokurimi publik”, “Statistikat”, “Kontrolli financiar” si dhe “Funksionimi i institucioneve demokratike”.

Ky grupkapitull hapet i pari dhe mbyllet në fund të procesit të integrimit. Progresi në këtë grup do të përcaktojë ritmin e përgjithshëm të negociatave. Ndërkohë, dita e nesërme shënon edhe mbajtjen e Konferencës së dytë Ndërqeveritare BE-Shqipëri. Praktika e Bashkimit Europian është e tillë që me grup-kapitullin që hapen negociatat, ato janë edhe kapitujt që mbyllet në fund të procesit të integrimit. Ecuria e përmbylljes së tyre do të varet nga ritmi i ekipit negociator shqiptar.

Kroacia, shteti i fundit që është bërë anëtar i Bashkimit Europian më 2013, hapi kapitujt e parë në 2006. Data 15 tetor e vitit hyn në historikun e marrëdhënieve të Shqipërisë me Brukselin si moment kur vendit tonë i mundësohet nisja e shqyrtimit të grup-kapitujve të parë, ato për çështjet themelore. Një rrugë e gjatë që nis me nënshkrimin në vitin 1991, kohë kur Shqipëria vendosi marrëdhëniet diplomatike me Komunitetin Evropian.

Pas 15 vitesh, në 12 qershor të vitit 2006, vendi ynë arriti të nënshkruajë marrëveshjen e Stabilizim-Asociimit me BE-në. BE është në këto tri dekada donatori më i madh financiar i Shqipërisë. U deshën tri vite që më 28 prill të vitit 2009, në Pragë, gjatë presidencës çeke, Shqipëria të aplikonte për statusin e vendit kandidat për anëtarësim në BE. Ndërkohë në muajin dhjetor të vitit 2010 u materializua edhe liberalizimi i vizave për shqiptarët në zonën Shengen. Pas pesë vitesh pritjeje, më 24 qershor 2014, Shqipëria do të merrte statusin e vendit kandidat për në BE. Anëtarësimi i Shqipërisë dhe vendeve të Ballkanit Perëndimor është ndikuar ndjeshëm edhe nga dinamikat e zhvillimeve në gjirin e vetë Bashkimit Evropian.

Vendi ynë nuk arriti për dhjetë vitet në vijim të merrte një datë për hapjen faktike të negociatave i penguar edhe nga veto e Francës dhe Holandës e deklaruar në vitin 2018 me pretendimet për rezultate të pakta në luftën ndaj krimit dhe korrupsionit në vend. Për Shqipërinë, kushtet themelore përfshinin hartimin dhe zbatimin e një reforme zgjedhore, rezultate konkrete në luftën kundër krimit dhe korrupsionit, krijimin e SPAK, Prokurorisë Antikorrupsion, Byrosë së Hetimeve, përparimin e vetingut, ndjekjen penale të prokurorëve dhe gjyqtarëve të përjashtuar nga vetingu.

Edhe pse Shqipëria nuk ka forca politike antiperëndimore, vonesat në procesin e integrimit kanë të bëjnë edhe me mungesën e konsesusit politik mes partive kryesore në vend për reformat e kërkuara nga Brukseli në vite. Sfidat e integrimit evropian edhe në vijim kanë të bëjnë me përparimin e vendit në konsolidimin e demokracisë, sundimin e ligjit dhe të ekonomisë së tregut. Shqipëria pretendon që të anëtarësohet në BE në vitin 2030. Shqipëria aplikoi për anëtarësim në Bashkimin Europian në prill të vitit 2009 dhe iu dha statusi kandidatit për në BE në qershor 2014. BE mbajti Konferencën e parë Ndërqeveritare me Shqipërinë në korrik 2022.

Lajme

Dimitrieska-Koçoska: Riblanci është një zgjidhje e mirë dhe për herë të parë sjell rreth 6 miliardë denarë më shumë mjete për shpenzimet kapitale

Ribalanci i Buxhetit për vitin 2026, i cili u miratua në Kuvend të hënën, është një zgjidhje e mirë dhe një nga ribalancet e rrallë të Buxhetit gjatë këtyre viteve, i cili ka rritje të zërave të shpenzimeve kapitale. Këtë e potencoi ministrja e Financave Gordana Dimitrieska-Koçoska gjatë intervistës në ditarin e RTM-së.

“Ky ribalanc është një zgjidhje e mirë, duke marrë parasysh gjendjen e përgjithshme në ekonomi, jo vetëm në Maqedoni, por duke e parë në përgjithësi situatën gjeopolitike dhe duke marrë parasysh pasiguritë që janë para nesh. Ky është një nga të paktët ribalance buxheti ku kemi rritje të zërit të shpenzimeve kapitale. Para së gjithash duhet të themi se bëhet fjalë për rritjen e shpenzimeve kapitale që drejtpërdrejt nënkupton investime të caktuara. Ne këtu nuk flasim për transferime të rregullta, avance, transferime në ndërmarrjet publike dhe kështu me radhë, ku në të kaluarën ishin evidentuar si shpenzime kapitale dhe ku nuk shihnim asnjë investim. Domethënë, kjo më gëzon. Për herë të parë, ka korrigjim në anën e shpenzimeve ose rritje prej rreth gjashtë miliardë denarësh”, tha ministrja.

Ajo shtoi se gati në të gjitha ministritë ka rritje të mjeteve, por pjesa më e madhe e rritjes së planifikuar të shpenzimeve kapitale është në Programin AA, ku ka një përqindje vërtet të lartë të realizimit të investimeve kapitale dhe se puna në terren shihet vërtet se po përparon me një ritëm të përshpejtuar. Më tutje, në Ministrinë e Mjedisit Jetësor dhe Planifikimit Hapësinor, ku ka rritje të më shumë zërave, pjesa më e madhe është te shpenzimet kapitale, me më shumë se 700 milionë denarë, mjete të paraparë për stacionin e filtrimit të ujërave të zeza në Shkup. Në Ministrinë e

Mjedisit Jetësor dhe Planifikimit Hapësinor ka disa projekte që lidhen me financimin e siguruar nga IPA. Ka rritje edhe në zërat e Ministrisë së Mbrojtjes gjithmonë në pjesën e shpenzimeve kapitale.

Ministrja sqaroi se me ribalancin, të hyrat e përgjithshme të projektuara mbulojnë shpenzimet rrjedhëse, ndërsa diferenca e mbetur është destinuar për shpenzimet kapitale. Ajo theksoi se i gjithë deficiti buxhetor, në thelb, shkon për financimin e shpenzimeve kapitale, ose ajo që qytetarët e njohin si investime. \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\”Besoj se duhet të pajtohemi të gjithë se çdo ditë shohim vënien në shfrytëzim të ndonjë projekti të ri pothuajse në çdo vendbanim. Kjo tregon se projektet po realizohen realisht në terren dhe çdo qytetar mund ta vërejë këtë me sytë e tij. Nga ana tjetër, sipas parametrave ekonomike, përmes prodhimit të brendshëm bruto dhe rritjes së PBB-së dëshmojnë qartë se edhe Qeveria ka kontribut në këtë rritje, përmes rritjes së PBB-së edhe pse nuk është rezultat vetëm i veprimeve të Qeverisë, por Qeveria ka pjesërisht kontribut në rritjen e prodhimit të brendshëm bruto.\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\”

Gjatë intervistës, ministrja u ndal edhe te realizimi i të hyrave në Buxhet, duke theksuar se mbushja e buxhetit po zhvillohet rregullisht dhe se të dhënat e publikuara tregojnë arkëtim të mirë në të gjitha kategoritë tatimore. Sipas saj, e vetmja kategori ku është regjistruar nivel më i ulët i arkëtimit janë akcizat, gjë që lidhet drejtpërdrejt me masat e ndërmarra nga Qeveria.

Lidhur me borxhin publik dhe huamarrjen, ministrja theksoi se borxhi publik deri më tani është menaxhuar me sukses dhe situata është nën kontroll, ndërsa huamarrjet krijojnë rritje ekonomike.

Lajme

Largohet një investitor serioz i huaj nga Maqedonia

Kompania gjermane BMZ (BMZ Group), e cila prodhon bateri litium-jon, ka marrë vendim që deri në fund të vitit 2026 të mbyllë plotësisht fabrikën e saj të prodhimit në Maqedoni dhe ta zhvendosë prodhimin në Poloni, shkruan gazeta „Nezavisen“.

Ky vendim biznesi prek rreth 100 persona që ishin të punësuar në fabrikën në Shkup, si dhe punësimet e tjera potenciale që ishin paralajmëruar gjatë promovimit të investimit rreth tre vjet më parë.

Për një periudhë relativisht të shkurtër, kjo është kompania e tretë e huaj që largohet nga vendi, pasi më parë këtë e bëri kompania irlandezo-amerikane „Aptiv“ me fabrikën në Zonën Ekonomiks „Bunarxhik“ pranë Shkupit, si dhe kompania amerikane „Dura“, ndërsa të tjera, si gjiganti britanik „Johnson Matthey“, eksportuesi më i madh nga Maqedonia, ka paralajmëruar se do të zvogëlojë numrin e të punësuarve.

Në njoftimin e BMZ-së, të publikuar ditët e fundit në faqen e tyre të internetit, theksohet se kompania do të mbyllë fabrikën e prodhimit në Maqedoninë e Veriut, duke konsoliduar prodhimin evropian, si dhe se prodhimi po zhvendoset në Poloni.(INA)

Lajme

Privohet nga liria shoferi 29 vjeç, voziste “BMW” me 204 km/h në autostradë!

Një 29-vjeçar nga Gjevgjelia është ndaluar nga policia pasi është kapur duke drejtuar automjetin me shpejtësi prej 204 kilometra në orë, në një pjesë të autostradës ku kufizimi i lejuar ishte 120 km/h.

Sipas njoftimit të Ministrisë së Punëve të Brendshme, ngjarja ka ndodhur më 29 korrik 2026, në orën 21:26, në autostradën A1, te kyçja Smokvicë, në rajonin e Gjevgjelisë.

“Gjatë kontrollit të komunikacionit rrugor me radar, punonjësit policorë kanë konstatuar se J.D. (29) nga Gjevgjelia drejtonte automjet të udhëtarëve ‘BMW’ me targa të Gjevgjelisë me shpejtësi prej 204 kilometra në orë, në vend ku me shenjë komunikacioni shpejtësia e lëvizjes është kufizuar në 120 kilometra në orë”, thuhet në njoftimin e policisë.

Nga MPB bëjnë të ditur se shoferi është përjashtuar nga komunikacioni dhe është njoftuar prokurori publik nga Prokuroria Themelore Publike në Gjevgjeli.

“Pas dokumentimit të plotë të rastit do të parashtrohet kallëzim përkatës sipas nenit 297-a të Kodit Penal – ‘drejtim i pakujdesshëm i automjetit motorik’”, njoftoi policia.