Lajme

E fali ditë më parë Siljanovska, policia sot sërish e arreston 29 vjeçarin nga Haraçina

MPB ka konfirmuar se sot ka arrestuar personin A.R (29) nga Haraçina, i cili ditë më parë u fal nga presidentja e shtetit, Gordana Siljanovska.
Arrestimi është bërë për shkak ngjarjes penale të ndodhur ditë më parë në Cari, ku me armë zjarri ishte lënduar E.A (35) nga Shkupi.
“Pas aktiviteteve të ndërmarra dhe masave si dhe raporteve të përgatitura nga Reparti për hetime forenzike pranë MPB-së, është konfirmuar se autori është A.R dhe nga ana e Njësiti për krim pranë SPB Shkup në koordinim me PTHP Shkup sot, është dorëzuar kallëzim penal me procedurë të shpejtë kundër A.R për veprën penale ‘vrasje’ e parashikuar dhe e dënuar në bazë të nenit 123 në lidhje me nenin 19 nga Kodi Penal i RMV-së”, thuhet në njoftimin epolicisë, transmeton SHENJA.

Lajme

CNN: Shpërthime dëgjohen mbi Tel Aviv

Shpërthime janë dëgjuar mbi Tel Aviv. Kjo pasi Izraeli paralajmëroi se kishte zbuluar raketa që po vinin nga Irani.

Pamjet në Reuters treguan mbrojtjen ajrore të Izraelit duke u përpjekur të kapte predha në qiell.

Është pak pas orës 1 të mëngjesit sipas orës lokale në Izrael.

Lajme

Incident me thikë në Çair, ka të plagosur

Në orët e para të mbrëmjes së sotme, një incident ka ndodhur në lagjen Çair të Shkupit, në afërsi të marketit VERO.

Sipas informacioneve jozyrtare, një person është plagosur me thikë, ndërsa dy të tjerë janë dërguar në spital me autoambulancë për ndihmë mjekësore.

Në vendin e ngjarjes kanë ndërhyrë menjëherë njësi të shumta të policisë dhe ekipe të ndihmës së shpejtë. Rrethanat dhe motivet e incidentit janë ende të paqarta, ndërsa autoritetet po hetojnë ngjarjen.

Lajme

CNN: Izraeli po pret të shohë nëse ShBA do ta ndihmojë në sulmin ndaj Iranit

Disa ditë pas sulmeve të Izraelit ndaj Iranit dhe programit të tij bërthamor, zyrtarë të lartë izraelitë po presin për të mësuar nëse Presidenti i SHBA, Donald Trump, do t’i ndihmojë për ta përfunduar punën.

Kështu raporton “CNN” duke cituar një zyrtar të lartë izraelit:

“Ne po presim vendimin e presidentit”.

Zyrtarët amerikanë dhe izraelitë kanë qenë në komunikim të vazhdueshëm rreth ecurisë së operacioneve ushtarake izraelite në Iran dhe mundësisë së përfshirjes së SHBA-së.

Por dy zyrtarë izraelitë thanë se kryeministri izraelit, Benjamin Netanyahu, nuk po e nxit në mënyrë të drejtpërdrejtë Trump-in që të miratojë sulme amerikane ndaj objektit bërthamor të Fordow, i cili ndodhet nën një mal.

“I gjithë operacioni bazohet në supozimin se SHBA do të bashkohet në një moment,” – tha një zyrtar i tretë izraelit.

Zyrtarët izraelitë këmbëngulin se Izraeli ka edhe opsione të tjera për të shkatërruar ose të paktën për të paaftësuar përkohësisht objektin bërthamor të Iranit në Fordow, por asnjë prej tyre nuk ka gjasa të jetë aq efektiv sa një sulm nga bombarduesit strategjikë amerikanë me bomba depërtuese prej 30,000 paundësh.