Lajme

Volkswagen planifikon të mbyllë të paktën tre fabrika në Gjermani

Prodhuesi gjerman i makinave Volkswagen planifikon të mbyllë të paktën tre fabrika në Gjermani dhe të bëjë pushime të mëdha nga puna, raporton Anadolu.

Presidentja e Këshillit të Biznesit të kompanisë Volkswagen, Daniela Cavallo, e cila përfaqëson punonjësit e kompanisë, tha në një fjalim në një ngjarje informative për punëtorët në Wolfsburg, ku është bazuar prodhuesi gjerman, se Bordi i Drejtorëve dëshiron të mbyllë të paktën tre fabrika në Gjermani.

Duke theksuar se do të ketë reduktime edhe në fabrikat e tjera të Volkswagen-it në vend, Cavallo deklaroi se Bordi Drejtues i kompanisë po planifikon pushime nga puna.

“Bordi gjithashtu planifikon të ketë shkurtime në të gjitha fabrikat e mbetura në këtë vend. Konkretisht, kjo nënkupton zvogëlimin e prodhimit, sasive, ndërrimeve dhe të gjithë linjës së montimit. Menaxhmenti është absolutisht serioz në lidhje me këtë. Kjo nuk është aspak shaka. Kjo nuk është një përplasje e thjeshtë në raundin e negociatave kolektive në fabrikat e Volkswagen-it në Gjermani. Asnjë nga fabrikat nuk është e sigurt”, tha ajo.

Duke shtuar se qeveria gjermane ka nevojë urgjente të përgatisë një masterplan për industrinë gjermane, Cavallo tha se rënia e industrisë pritet të ngadalësohet.

Ajo nuk tregoi se cilat fabrika në Gjermani do të mbyllen apo reduktohen, ose sa nga rreth 300 mijë punëtorët e Grupit Volkswagen në Gjermani mund të pushohen nga puna.

Volkswagen në fillim të shtatorit 2024 ka njoftuar se do të mbyllë fabrikat e tij në Gjermani për herë të parë në histori, si pjesë e masave të kursimit dhe uljes së kostove, duke prishur një marrëveshjeje 30-vjeçare për mbrojtjen e vendeve të punës të arritur pesë vjet më herët.

Si arsye për këtë, kompania përmendi faktin se kostot e larta të energjisë dhe punës në Evropë po reduktojnë konkurrencën e saj dhe po zvogëlojnë shitjet.

Grupi Volkswagen punëson rreth 650 mijë njerëz me 114 objekte prodhimi në 17 vende evropiane dhe dhjetë vende në Amerikë, Azi dhe Afrikë.

Prodhuesit gjermanë të makinave, të cilët arrijnë eksport në vlerë prej rreth 280 miliardë euro në vit, janë nën presion serioz për të ulur kostot dhe për të qëndruar konkurrues përballë kërkesës së dobët nga Kina dhe Evropa.

Lajme

Ahmeti: Deklaratat e Kurtit për gjuhën shqipe u përdorën nga antishqiptarët, më gërryente në shpirt

Kryetari i Bashkimi Demokratik për Integrim, Ali Ahmeti, ka folur lidhur me statusin e gjuhës shqipe në Maqedonia e Veriut.

Në Debat Plus, Ahmeti tha se qëndrimet e kryeministrit të Kosovës, Albin Kurtit kanë ndikuar në “delegjitimimin” e kërkesave të shqiptarëve dhe i kanë dhënë argumente politike kryeministrit të Maqedonisë së Veriut, Hristijan Mickoski.

Kurti: S’po rrezikohet gjuha shqipe në Maqedoni të Veriut, pasi s’ka qenë kurrë gjuhë zyrtare

Sipas tij, edhe deklarimet se gjuha shqipe nuk ka qenë gjuhë zyrtare kanë krijuar një situatë shqetësuese, duke u përdorur nga qarqe antishqiptare.

Ahmeti u shpreh se kjo ka ndikuar negativisht në të drejtat dhe përfaqësimin e shqiptarëve, duke theksuar se “gjuha po kontestohet dhe nuk përdoret më si më parë në institucione”.

“Që ne na delegjitimoi dhe që u dha argument Kristian Mickoskit dhe fuqi politike, që kryeministri po i mbështesë ata forca politike. Kryeministri i Kosovës po del dhe thotë se gjuha shqipe kurrë s’ka qenë zyrtare. Dhe javë të tëra antishqiptarët më të mëdhenj, e vendosnin në ekran kryeministrin e Kosovës, që mua më gërryente në shpirt, ja kryeministri i Kosovës thotë që gjuha shqipe s’ka qenë zyrtare dhe nuk është.

Ishte kryeministri i Kosovës që shqiptarëve këtu ua hoqi të drejtën legjitime, legjitimitetin… kjo me ka brengosur nga kryeministrit. Sepse i tërë devalvimi i situatës këtu, asnjë hap prapa nuk ka shkuar. Që dy vjet këtu nga një hap shkohet. Kontestohet gjuha, dhe nuk përdoret më, siç është përdorur nëpër institucione. Përfaqësimi i drejtë është heq”, ka thënë Ahmeti.

Këto komente vijnë në një kohë kur debati për gjuhën shqipe është intensifikuar në Maqedoninë e Veriut, pas protestave të studentëve shqiptarë në Shkup, të cilët kërkojnë që provimet profesionale të mund të mbahen edhe në gjuhën shqipe, në përputhje me legjislacionin ekzistues.

Lajme

Ministri izraelit i Mbrojtjes: Lufta me Iranin mund të rifillojë “së shpejti”

Ministri i Mbrojtjes i Izraelit, Israel Katz, ka paralajmëruar se lufta me Iranin mund të rifillojë “së shpejti”, transmeton Anadolu.

“Është e mundur që së shpejti të na duhet të veprojmë përsëri për të siguruar arritjen e objektivave”, tha Katz gjatë një aktiviteti ushtarak në selinë e Ministrisë së Mbrojtjes në Tel Aviv.

“Irani ka pësuar goditje jashtëzakonisht të rënda gjatë vitit të kaluar, goditje që e kanë kthyer vite prapa në të gjitha fushat”, shtoi ai në deklaratat e tij të raportuara nga gazeta Yedioth Ahronoth.

Kërcënimet izraelite për një rifillim të mundshëm të sulmeve ndaj Iranit shihen nga vëzhguesit si pjesë e përpjekjeve për të shtyrë SHBA-në drejt një veprimi të ri ushtarak.

Javën e kaluar, Katz tha se Izraeli po pret një “dritë jeshile” nga SHBA-ja për të rifilluar luftën kundër Iranit.

Sipas Axios, Komanda Qendrore e SHBA-së (CENTCOM) ka përgatitur plane që mund të përfshijnë sulme ndaj infrastrukturës iraniane, si dhe opsione më të gjera si rritja e presionit detar në Ngushticën e Hormuzit.

Propozimet thuhet se synojnë ta detyrojnë Iranin të kthehet në negociata me më shumë fleksibilitet, veçanërisht për çështjen bërthamore.

SHBA-ja dhe Izraeli nisën sulme ndaj Iranit më 28 shkurt, duke nxitur kundërpërgjigje nga Teherani ndaj aleatëve të SHBA-së në Gjirin Persik dhe duke mbyllur Ngushticën e Hormuzit.

Një armëpushim u shpall më 8 prill përmes ndërmjetësimit të Pakistanit, i ndjekur nga bisedime në Islamabad më 11 prill, por nuk u arrit marrëveshje. Presidenti amerikan, Donald Trump, më vonë e zgjati armëpushimin pa një afat të ri, me kërkesë të Pakistanit.

Lajme

Qeveria: Ulja e çmimeve të karburanteve vazhdon deri më 18 maj

Qeveria informon opinionin se, pas diskutimeve me kompaninë OKTA dhe me qëllim të zbutjes së presioneve të çmimeve mbi qytetarët dhe ekonominë, zbritja e karburanteve vazhdon deri më 18 maj 2026.

Kjo është një masë që siguron ulje të çmimeve me pakicë, me zbritjen që arrin në 3 denarë për litër për naftën dhe 2 denarë për litër për benzinat me 95 dhe 98.

Nga Qeveria thonë se mbesin të përkushtuar për të marrë masa në kohë dhe efektive për të mbrojtur standardet e jetesës së qytetarëve, veçanërisht përballë një krize çmimesh të importuara dhe sfidave globale të energjisë.

“Në koordinim me institucionet kompetente dhe operatorët ekonomikë, ne do të vazhdojmë të monitorojmë situatën dhe të reagojmë në përputhje me rrethanat, me qëllim sigurimin e stabilitetit dhe parashikueshmërisë në treg. Kujdesi për qytetarët dhe mbështetja e ekonomisë mbeten përparësia jonë kryesore”, njoftojnë nga Qeveria.