Lajme

Toshkovski: Shifrat tregojnë rënie të kri’mit lidhur me vra’sjet

Ministri i Punëve të Brendshme, Pançe Toshkovski duke u përgjigjur në pyetjen e gazetarlve për gjendjen e sigurisë në vend tha se statistikat tregojnë rënie të krimit lidhur me kriminalitetin sa i përket vrasjeve dhe krimeve këtë vit në krahasim me vitin e kaluar kur ministri i Punëve të Brendshme ishte Oliver Spasovski.

“Është detyra juaj të kërkoni dorëheqje, nëse mendoni se dikush nuk po punon si duhet. Por në vitin 2023 në territorin e Maqedonisë kanë ndodhur 23 vrasje, deri më tani në vitin 2024, 16 vrasje. Në vitin 2024 dy të pazbardhura, në vitin 2023 dy të pazbardhura, por jo një herë në vitin 2023 për këto 23 vrasje që kanë ndodhur, asnjë herë nuk keni dalë të kërkoni dorëheqjen e të nderuarit Spasovski. Këtu është hipokrizia që ju u tregoni publikisht qytetarëve maqedonas. Në territorin e Qytetit të Shkupit gjatë vitit 2023 kanë ndodhur rreth 300 grabitje, në vitin 2024 rreth 150 deri më tani ose rreth 35 për qind më pak se në periudhën e njejtë vitit të kaluar. Fakti është se shifrat janë ulur dhe se për 320 grabitje asnjëherë nuk keni kërkuar dorëheqje nga paraardhësi im në pozitë, por 300 herë më keni kërkuar mua”, tha Toshkovski.

Për vrasjet në Çair dhe Leptokari, Toshkovski tha se autorët janë në paraburgim dhe se MPB-ja e ka përfunduar punën.

Në seancën e sotme është pyetur edhe për kompetencat e drejtoreshës së Komisionit për marrëdhënie me bashkësitë fetare dhe grupet fetare, Olivera Trajkovska, për të cilën kryeministri Hristijan Mickoski ka theksuar se ka punuar si mësimdhënëse fetare në katër shkolla fillore në Komunën e Kumanovës dhe në kampet e organizuara nga kisha.

Sa i përket administratës, Mickoski tha se reformat në këtë fushë janë prioritet i Qeverisë dhe se për një kohë të shkurtër në Kuvend do të debatohen zgjidhjet ligjore.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!