Lajme
Dy ish policë dhe një person tjetër arrestohen nga policia, dyshohet se kanë ndihmuar një grup kriminal
MPB njofton se ka arrestuar tre persona, prej të cilëve dy ish-policë, të cilët dyshohen se kanë ndihmuar “Grupin e Gërçecit” me informacione nga brenda MPB-së. Nga MPB thonë se bëhet fjalë për D.G (58), E.A (58) dhe O.P (44), të gjithë nga Shkupi, ndaj të cilëve edhe është dorëzuar kallëzim penal për shkak të ekzistimit të dyshimeve të bazuara për kryerjen e veprave penale “bashkim kriminal”, “zbulimi i sekretit zyrtar”, “pengim i drejtësisë” dhe “fitim dhe fshehje të paligjshme të pasurisë”.
Siç thonë nga MPB, i denoncuari D.G. dhe E.A, gjatë periudhës kur kanë qenë të punësuar në Ministrinë e Punëve të Brendshme, së bashku me O.P, i janë bashkuar një grupi të organizuar kriminal për të cilin kanë marrë, komunikuar, transmetuar apo vënë në dispozicion të dhëna që përfaqësojnë sekret zyrtar.
“Në periudhën nga dhjetori 2019 deri në mars 2021, duke ditur për ekzistimin e interesimit të një numri të madh personash për marrjen e të dhënave dhe informacioneve zyrtare për hetimet aktuale penale, masat dhe aktivitetet e planifikuara për heqjen e lirisë, me theks të veçantë në të dhënat nëse dhe ndaj cilët personave dhe për çfarë arsye kryhen veprimet operative dhe hetimore, si dhe se të dhënat dhe informacionet e tilla mund të merren duke dhënë shpërblime monetare, ishin të lidhur me këtë grup kriminal në të cilin kishin një rol të veçantë për transmetimin e informacionit zyrtar, lidhur me grupet e organizuara kriminale të përfshira në kryerjen e veprimtarive kriminale nga disa fusha, veçanërisht krimet e rënda, disa prej të cilave parashihet dënim me burgim të përjetshëm”.
“Përkatësisht, Byroja për Siguri Publike pranë MPB-së, në koordinim me prokurorin publik nga Prokuroria Publike, nga tetori 2023 deri në janar 2024, kanë kryer hetime ndaj shtetasve të Maqedonisë, të cilët si anëtarë të grupit kriminal ndërkombëtar, negocioi dhe ndërmori aktivitete duke përdorur aplikacionin e koduar SKY/ECC për organizimin e prokurimit dhe transferimit të kokainës nga vendet e Amerikës së Jugut në vendet e BE-së dhe Maqedonisë dhe mori pjesë në ekzekutimin e veprave të tjera kriminale, e cila përfundoi me kallëzim penal ndaj 16 personave. Pas paraqitjes së kallëzimit penal, Departamenti i Policisë Kriminale ka vazhduar me analizimin e të dhënave të marra nga Europol dhe Eurojust dhe në koordinim me prokurorin publik nga Prokuroria Publike ka ofruar prova në bazë të të cilave është zbuluar se të akuzuarit kanë kryer krimet.
“Mënyra e kryerjes së veprimeve nga të pandehurit ka shkaktuar dëme në punën e organeve shtetërore në procedimin për ndjekjen penale të personave, me rëndësi për sigurinë publike, veprimtarinë e sigurisë dhe të inteligjencës së autoriteteve, si dhe për grumbullimin dhe transmetimin e informacionit që nuk është i destinuar për përdorim publik, zbulimi i të cilave uli efikasitetin e punës së autoriteteve shtetërore”.
“Me datë 03.11.2024, pas ndërmarrjes së masave dhe aktiviteteve operativo-taktike, si dhe në bazë të urdhëresave nga Gjykata Themelore Penale Shkup, është kryer bastisje në shtëpitë e personave, me ç’rast janë gjetur dhe konfiskuar disa telefona celularë, një kompjuter laptop dhe dokumentacione të ndryshme. Personat janë arrestuar”, thonë nga MPB.
Lajme
Mexhiti uron Kurtin për fitoren: Kosova sot votoj për vazhdimësi dhe besim në rrugën e nisur
Bashkëkryetari i partisë VLEN, Izet Mexhiti, ka deklaruar se fitorja e VV-së, është një konfirmim i qartë i besimit të qytetarëve të Kosovës në drejtimin politik të vendit.
“Urime për këtë rezultat dhe për vazhdimin e mandatit të ri, miku im, kryeministër Albin Kurti. Kjo fitore është shenjë e qëndrueshmërisë së vullnetit demokratik dhe e vazhdimësisë së një agjende qeverisëse që ka marrë mbështetje të gjerë.
Kosova sot e ka dhënë mesazhin e saj qartë. Ka votuar për vazhdimësi dhe besim në rrugën e nisur.
Urime Kosovë!”, ka shkruar Mexhiti.
Lajme
Abdixhiku: Shënojmë rritjen më të madhe! Kemi fituar 20 deputetë
Kandidati i LDK-së për kryeministër, Lumir Abdixhiku në konferencën për media u shpreh se Kosova edhe njëherë dëshmoi prekuri demokratike.
Për këtë gjë bëri një falënderim për të gjithë qytetarët dhe siç u shpreh, në veçanti votuesit e LDK-së.
“Kosova dëshmoi edhe njëherë pjekuri demokratike. Për këtë meritoni një falënderim qytetarë. Falënderim të veçantë dua t’u bëj edhe institucioneve përgjegjëse. Dua t’i falënderojë mbështetësit dhe votuesit e Lidhjes Demokratike të Kosovës”, tha ai.
Abdixhiku, për rezultatet e këtyre zgjedhjeve tha se LDK-ja sonte shënon rritjen më të madhe që ndonjë subjekt politik ka siguruar në këto zgjedhje.
“Lidhja Demokratike e Kosovës sonte shënon rritjen më të madhe që një subjekt politik ka siguruar në këto palë zgjedhje. Në vetëm një muaj fushatë, me kaq pak kohë, LDK-ja ka kaluar nga 13 për qind, në 18 për qind, përkatësisht në 20 mandate”, tha ai.
Lajme
Osmani: VV-ja s’e ka asnjë arsye ta refuzojë emrin tim për presidente
Kandidatja për presidente nga radhët e LDK-së, Vjosa Osmani, tha se Lëvizja Vetëvendosje nuk ka fare arsye që ta refuzojë atë që ta rimarrë këtë post.
Këto fjalë i tha në adresimin e parë për media pas daljes së rezultateve preliminare të zgjedhjeve të parakohshme parlamentare.
“Lëvizja Vetëvendosje nuk ka asnjë arsye që ta refuzojë emrin tim për presidente të shtatë të Republikës së Kosovës. Kaq është përgjigja ime”, tha Osmani në konferencë për media.
Lidhja Demokratike të Kosovës numëron 17 për qind bazuar në rezultatet në fjalë.
-
Lajme7 months agoZbulohet Identiteti i Personit Të Vrarë Në Tetovë
-
Lajme2 years agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme6 months agoAplikacion që zbulon kamerat radar, shoferët e shkarkojnë masivisht
-
Lajme2 years agoBurrin e Shkurte Fejzës e godet vetura (PAMJE)
-
Lajme2 years agoJa kush janë 13 deputetët e koalicionit “VLEN” (Lista)
-
Lajme2 years agoDetajet për vrasjen në Bllacë të Shkupit, 57 vjeçari Zelqif Tusha gjendet i vrarë
