Lajme

Mickoski: Nuk ka nevojë për zgjedhje të parakohshme

Edhe pse fillimisht ai bëri thirrje për zgjedhje të parakohshme parlamentare, kryeministri Hristijan Mickoski, ndërron mendje. Ai thotë se VMRO-DPMNE është e gatshme që nesër të shkoj në zgjedhje, por r shton pyetjen retorike nëse ia vlen të harxhohen 10 milionë euro para të qytetarëve, që edhe njëherë LSDM të përballet me humbje. Kryeministri ka shtuar se ai do të zgjedh të përvesh mëngët dhe të punoj për të mirën e qytetarëve pasi kjo qeveri sipas tij, ka prioritet realizimin e mandatin të plotë.

Kurse LSDM-së dhe BDI-së që pranuan që vendi të shkoj në zgjedhje të parakohshme, Mickoski u sugjeroi që ata fillimisht të freskohen kadrovikisht dhe në programe.

Hristijan Mickoski, kryeministër

“Unë do ju sugjeroja dy partive më të mëdha opozitare, që në koalicionin e tyre opozitar të freskohen në programe dhe në kuadro dhe këtë ta tregojnë në zgjedhjet lokale dhe atëherë mund të flasim nëse do të ketë nevojë ose jo për zgjedhje të parakohshme parlamentare. Ja 10 muaj nga tani janë zgjedhjet lokale, do ketë edhe fushatë zyrtare”.

Se nuk ka nevojë për zgjedhje të parakohshme parlamentare, tha edhe partneri i tij i koalicionit Bilall Kasami. Kasami u shpreh se opozita është e çorientuar, dhe se nuk e di se çfarë zgjedhje duhet të kemi.

Bilall Kasami, kryetar i Lëvizjes Besa

“Ne vlerësojmë që Maqedonia e Veriut nuk ka nevojë për zgjedhje të parakohshme parlamnetare. Për më shumë që kemi një shumicë stable. Qeveria punon seriozisht në realizim të projekteve që i kemi premtuar në zgjedhje”.

Zgjedhjet e rregullta lokale pritet të mbahen në vjeshtën e viti që po vjen. Ndërsa partitë opozitare po kërkojnë që së bashku me lokalet, të mbahen edhe zgjedhje të parakohshme parlamentare.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!