Lajme

Tetovari kapet me 3312 mjete piroteknike ne kufirin e Jazhincës

Më 12 nëntor 2024, rreth orës 16:40, punonjësit e policisë nga Stacioni Policor për Mbikqyrje Kufitare në Pikën e Kalimit Kufitar të Jazhincës, kanë parandaluar një tentativë për kontrabandë të materialeve piroteknike. Gjatë kontrollit të një automjeti “Tiguan” me tabela regjistrimi nga Tetova, i drejtuar nga Z.S. nga Tetova, në bagazhin e automjetit janë gjetur disa pako që përmbanin gjithsej 3312 mjete piroteknike, përfshirë fishekzjarre, petarda, raketa dhe produkte të ngjashme.

Përmbajtja e materialeve piroteknike u sekuestrua dhe rastin e dokumentuan autoritetet. Pas përfundimit të procedurave hetimore, do të ngrihet akuzë për kontrabandë ndaj shoferit Z.S.

Ky rast tregon përpjekjet e vazhdueshme të policisë për të parandaluar trafikimin ilegal të materialeve piroteknike, të cilat paraqesin rrezik për sigurinë publike.

Lajme

Toshkovski: Të gjithë të arrestuarit trajtohen njëjtë

Ministri i Punëve të Brendshme Pançe Toshkovski, interepelancën nga Fronti Europian e vlerëson si tentativë të ulët për të manipuluar opinionin. Ai tha se tezat që janë hedhur nga BDI në periudhën e kaluar janë në vetëvete kontradiktore.

PANÇE TOSHKOVSKI, MINISTËR I PUNËVE TË BRENDSHME

“Mendoj se qytetarët e Maqedonisë e dinë shumë mirë se çfarë qëndron pas kësaj interpelance nga aspekti i kërkesës së tyre. Paçin fat. Kuvendi do të veprojë në drejtim të asaj që mendon. Sinqerisht mendoj se kjo është një përpjekje e ulët për të manipuluar publikun”.

Toshkovski, i pyetur lidhur me ngjarjet e 28 nëntorit, për djeget e flamujve tha se deri më tani MPB lidhur me këto ngjarje ka arestuar 18 persona. Ai theksoi se rastet akoma po hetohen dhe se gjithkush që ka shkelur mbi ligjin do të ndëshkohet.

PANÇE TOSHKOVSKI, MINISTËR I PUNËVE TË BRENDSHME

“MPB deri tani në lidhje me këto raste ka arestuar 18 persona nga ato 4 janë në paraburgim. Ndaj dhjetë prej tyre kanë filluar procedurat penale lidhur me veprimet që i bënë në komunikacion para se gjithash edhe që rrezikohej jeta e bashkëudhëtarëve. Ne si MPB kemi intervenuar në kohë dhe me përgjegjësi dhe po hulumtojmë për të gjithë atë që lidhet me këtë rast në drejtim të asaj se si ka kanë ndodhur ngjarjet si nga aspekti i motivit si nga aspekti I veprimeve të ndërmara. Në këtë moment dua të them se ne do të veprojmë në mënyrë të njejtë pavarësisht se për kë bëhet fjalë”.

Lidhur me djegjen e veturave dhe objektit në Kumanovë Toshkovski tha se dyshohet se pas incidentit qëndron një grup i organizuar mirë dhe se rasti është akoma nën hetime.

Lajme

Përgja’ken rrugët e Maqedonisë, humb jetën një person në aksi’dent trafiku

Sot në ora 07:13 në SPB Shkup është raportuar se në rrugën rajonale Veles-Shkup, automjeti “Peugeot Partner” me targa të Shkupit, i drejtuar nga N.J.(48) nga fshati Rzhaniçano i Shkupit ka dalë nga rruga.

Nga plagët e marra shoferi ka ndërruar jetë në vendin e aksidentit, ndërsa mjeku i urgjencës ka konstatuar vdekjen e tij.

Kontroll është kryer nga ekipi inspektues i SPB Shkup dhe me urdhër të prokurorit publik trupi i pajetë i të ndjerit është dorëzuar për autopsi.

Lajme

MPB me detaje për tragjedinë e mbrëmshme në Shkup, ku bien nga lartësia e një banese një grua e moshuar dhe fëmija 9 vjeç

Nga MPB sot ma dalë me një raport reth ngjarjes që tronditi Shkupin mbrëmë ku një grua e moshuar vdiq nga lëndimet kurse fëmija është në spital. Nuk dihet ende se si ranë nga lartësia.

„Më 03.12.2024, në orën 19:40, në Sektorin e Punëve të Brendshme të Shkupit u raportua se dy persona kishin rënë nga një ndërtesë në territorin e Kisella Vodës. Policia ka dalë në vendin e ngjarjes dhe është konstatuar se gruaja D.S. (69) nga Shkupi ka vdekur nga lëndimet që ka marrë në vendin e ngjarjes, ndërsa një fëmijë 9-vjeçar nga Shkupi ka pësuar lëndime dhe është transportuar në kompleksin klinik „Nëna Terezë“ për ndihmë mjekësore. Po merren masa për zbardhjen e rastit“ – thuhet në njoftimin e Ministrisë së Punëve të Brendshme.