Lajme

Kërkoi vra’sjen e Putinit, rusja dënohet me 8 vjet bur’gim

Një gjykatë ushtarake në Moskë ka dënuar një grua ruse 43-vjeçare me tetë vjet burgim për publikimin e komenteve anti-luftë online, përfshirë disa që thërrisnin për vrasjen e presidentit rus, Vladimir Putin, raporton agjencia ruse e lajmeve.

Anastasia Berezhinskaya, një regjisore teatri dhe nënë e dy fëmijëve të vegjël, u shpall fajtore për shkeljen e dy ligjeve të censurës në kohë lufte – diskreditimin e ushtrisë ruse dhe përhapjen e informacionit të rremë në lidhje me të, si dhe justifikimin e terrorizmit.

Sipas projektit të të drejtave të njeriut OVD-Info, më shumë se 1,000 persona janë ndjekur penalisht në Rusi për shprehjen e kundërshtisë ndaj luftës në Ukrainë, ndërsa mbi 20,000 të tjerë janë arrestuar për protestat e tyre.

Në muajin maj të vitit 2022, pas pushtimit të plotë të Ukrainës nga Rusia, Berezhinskaya ka publikuar dhjetëra postime në rrjetet sociale kundër këtij konflikti, duke e akuzuar ushtrinë ruse, Ministrinë e Brendshme dhe vetë Putinin për kryerjen e një “gjenocidi” kundër popullit ukrainas.

Ajo shkroi në një postim të datës 14 maj 2022: “Vriteni këtë idiot Putinin, sa shumë vrasje të civilëve duhet të durojmë?”, duke kërkuar që presidenti rus të “fshihet nga faqja e dheut”.

Pavarësisht mohimit të qeverisë ruse për sulmet ndaj civilëve gjatë “operacionit të saj ushtarak special”, mijëra civilë ukrainas janë viktima të bombardimeve ruse.

Berezhinskaya ka pranuar pjesërisht fajin për shpërndarjen e “dezinformatave” dhe diskreditimin e ushtrisë, por ka mohuar akuzat për justifikimin e terrorizmit.

“Nuk kam çfarë të shtoj, do të pranoj çdo vendim që do të merrni”, tha ajo, në fjalën përfundimtare para gjykatës, raporton Reuters.

Lajme

Fetai: Nesër takohemi me Mickoskin! Sali do të propozohet për zv/kryeministër, Ministria e Ambientit i mbetet LD-së së Mexhiti

Arben Fetai nga VLEN thotë se koalicioni ka dakordim që Bekim Sali të emërohet zëvendëskryeministër i parë, si zëvendësim i Izet Mexhitit, i cili tashmë ka marrë funksionin e kryetarit të komunës së Çairit, përcjell TV21. Fetai tha se Ministria e Ambientit Jetësor dhe Planifikimit Hapësinor i mbetet Lëvizjes Demokratike të Izet Mexhitit.

“Tani Izet Mexhiti dhe Lëvizja Demokratike do të propozojnë sigurisht edh enjë emër për ministër të Mjedisit. Dhe besoj brenda kësaj jave, nesër më së largu, do të ulemi me kryeministrin si mandatar dhe do i shtrojmë këto çështje, të gjejmë një zgjidhje në bazë të asaj që është dakorduar si partnerë të koalicionit”, shtoi mes tjerash Fetai. /tv21.tv

Lajme

Feti Abazi zyrtarisht merr detyrën e Kryetarit të komunës së Bogovinës

Sot, në një atmosferë solemne dhe plot emocion, Feti Abazi ka pranuar zyrtarisht detyrën si Kryetar i Komunës së Bogovinës. Në fjalën e tij të parë pas marrjes së mandatit, Abazi theksoi se ky moment është një rikthim mes njerëzve dhe mjedisit nga i cili vjen, për të vazhduar misionin e shërbimit publik me përulësi dhe nder.

“Komuna e Bogovinës ka qenë vendi ku kam mësuar se shërbimi publik nuk është vetëm një punë e zakonshme, por një mision dhe obligim i përditshëm për të përmirësuar jetën e njerëzve,” deklaroi ai.

Kryetari i ri i Bogovinës theksoi se do të punojë çdo ditë me përkushtim, dashuri dhe vizion për qytetarët, duke u zotuar se do ta çojë përpara komunën me energji të re dhe entuziazëm.

“Ky është premtimi ynë ndaj jush – ta kthejmë komunën në punë. Ju më keni dhënë një besim të madh, dhe askush nuk guxon ta nëpërkëmbë këtë besim, duke filluar nga unë i pari,” shtoi Abazi.

Ai u shpreh i bindur se përpara komunës qëndron një periudhë e re zhvillimi dhe përparimi, e cila do të përballet me shumë sfida, por edhe me mundësi të mëdha për ndryshim.

“Nga sot fillon koha jonë – koha e gjeneratës së re,” përfundoi Feti Abazi, duke u bërë thirrje qytetarëve që bashkërisht t’i kthehen punës për të mirën e komunës së Bogovinës.

https://www.facebook.com/share/p/1Cd3eeVR8q/

Lajme

Grabitje me armë në Prishtinë, Kolumbianes i merren 10 mijë euro

Një rast i rëndë grabitjeje është raportuar mbrëmjen e së hënës në kryeqytet. Sipas informacioneve, ngjarja ka ndodhur dje, në intervalin kohor 20:00–20:40, në rrugën “Halil Alidemaj” në Prishtinë.

Viktima, shtetasja kolumbiane A. J. Z.O., rreth 26-vjeçare, ka raportuar se është grabitur nën kërcënimin e armës së zjarrit nga tre persona të panjohur, të cilët, sipas saj, kanë vepruar pa maska. Ajo ka deklaruar se autorët i kanë marrë shumën prej 10 mijë eurosh.

Menjëherë pas raportimit, në vendin e ngjarjes kanë dalë njësitet patrulluese, hetuesit e rajonit të Prishtinës, Njësia e Hetimeve të Krimeve të Rënda (NJHP) si dhe forenzika rajonale, për sigurimin e provave materiale dhe gjurmëve të mundshme.

Rasti është konfirmuar për Prokurorin Kujdestar të Krimeve të Rënda dhe është iniciuar hetimi për veprën penale “Grabitje”. Hetimet janë në zhvillim dhe policia po punon në identifikimin e autorëve.