Lajme

Osmani: Para 1 viti bota ishte këtu, sot shohim flamuj të djegur

Ish-ministri i Punëve të Jashtme, Bujar Osmani ka komentuar ndodhitë e fundit me djegien e flamujve.

Osmani tha se 1 vit më parë një vit më parë, bota ishte në Shkup, ndërsa një vit më pas, shohim flamuj të djegur, flamuj të hequr nga policia, ndarje të thelluara dhe retorikë që i ngjason ditëve më të errëta të së kaluarës.

Më poshtë e keni reagimi e plotë të Osmanit:

Si degraduam deri këtu?

Sot, një vit më parë, bota ishte në Shkup. Kryeqyteti ynë priste ministrat e jashtëm të OSBE-së, në një ngjarje historike ku promovuam paqen, dialogun dhe bashkëpunimin si vlera që na definojnë si shoqëri. Ishim shembull për rajonin dhe më gjerë, duke treguar se Maqedonia e Veriut është një vend që di të ndërtojë ura dhe jo mure.

Sot, një vit më pas, shohim flamuj të djegur, flamuj të hequr nga policia, ndarje të thelluara dhe retorikë që i ngjason ditëve më të errëta të së kaluarës. Si degraduam deri këtu? Si arritëm që nga një shtet që promovon vlera demokratike dhe shumëetnike, të kthehemi në një vend ku provokimi dhe diskriminimi po bëhen normë?

Ky nuk është vetëm një reflektim i disa individëve. Ky është rezultat i një udhëheqjeje që nuk arrin të ruajë barazinë, drejtësinë dhe respektin për të gjithë qytetarët e këtij vendi. Ky është një dështim i institucioneve për të ndjekur parimet e shtetit ligjor dhe për të ndërtuar besim mes qytetarëve.

Shqiptarët kanë qenë gjithmonë shtyllë e stabilitetit dhe zhvillimit të këtij shteti. Por sot, përballë këtyre ngjarjeve, ndjejmë një fyerje ndaj dinjitetit tonë, një përpjekje për të na trajtuar si të huaj në tokën tonë. Dhe kjo nuk është vetëm një padrejtësi ndaj shqiptarëve, por një goditje ndaj vizionit për një Maqedoni të Veriut të barabartë dhe evropiane.

Është koha të reflektojmë dhe të veprojmë. Shqiptarët nuk do të bien pre e retorikës së ndasive. Ne do të qëndrojmë të fortë dhe të vendosur, duke kërkuar një shoqëri ku çdo qytetar të ndihet i respektuar dhe i barabartë. Por kjo kërkon lidership, vizion dhe guxim për të qëndruar mbi provokimet dhe për të orientuar vendin drejt vlerave të vërteta evropiane.

Një vit më parë, bota na shikonte me admirim. Sot, është koha të tregojmë që nuk do të lejojmë që urrejtja dhe diskriminimi të përcaktojnë të ardhmen tonë. Ne mund dhe duhet të rikthejmë frymën e dialogut, të barazisë dhe të respektit, sepse kjo është rruga e vetme drejt një të ardhmeje të përbashkët dhe të qëndrueshme.

Sot, ne e kemi detyrim të mos ndalemi. Jo vetëm për veten tonë, por për brezat që vijnë. Për një Maqedoni të Veriut që u përket të gjithëve

Lajme

“Të rinjtë po ikin, emigrantët po vijnë” – LSDM kritikon politikat qeveritare

Hristijan Mickoski dhe OBRM-PDUKM, me politikat e tyre të gabuara dhe kriminale, po e izolojnë vendin, duke e shndërruar atë në një njollë të zezë në Evropë dhe duke i larguar të rinjtë nga Maqedonia, akuzojnë sot nga LSDM.

“Krimi dhe korrupsioni po lulëzojnë, korridoret evropiane po e anashkalojnë Maqedoninë, njerëzit kanë gjithnjë e më pak para në xhepa, varfëria po rritet, emigrimi i të rinjve po rritet dhe qeveria po negocion për të kthyer emigrantët.

Të gjitha mediat britanike me reputacion të mirë kanë raportuar për këto bisedime, por qeveria po përpiqet të mbulojë veten.

Analistët në Britani tashmë po e përmendin Maqedoninë si një vend që mund të pranojë përgjithmonë disa nga emigrantët. Kjo do të thotë integrimi i tyre i plotë, me shtëpi, vende pune, etj.

Nuk mund të lejojmë që të rinjtë të ikin nga ne, ndërsa qeveria negocion për të sjellë emigrantët përsëri”, thonë nga LSDM.

Lajme

Hoxha Omer Dauti: Kush e amniston një dhunues, bëhet pjesë e dhunës

Hoxha Omer Dauti ka reaguar fuqishëm ndaj rasteve të dhunës dhe ndaj tendencës së disa institucioneve apo individëve për t’i falur ose relativizuar dhunuesit. Ai thekson se çdo tolerim ndaj dhunës e rrit problemin dhe e bën shoqërinë bashkëfajtore.

Sipas Dautit, “kush e amniston një dhunues, bëhet pjesë e dhunës; kush hesht para tij, e ushqen dhunën; dhe kush ka mundësi të ndërhyjë e nuk e bën, mban të njëjtën barrë”. Ai thekson se dhuna ndaj grave, fëmijëve dhe çdo personi të pambrojtur është e pajustifikueshme dhe përhapet më shumë pikërisht për shkak të heshtjes dhe arsyetimeve të gabuara.

Dauti paralajmëron se dhunuesit marrin guxim kur nuk ndëshkohen dhe kur falen pa meritë, duke shkaktuar tragjedi dhe vuajtje të panevojshme. Sipas tij, ndryshimi vjen vetëm përmes qëndrimit të prerë, zërit të fortë dhe veprimit konkret.

“Dhuna nuk zhduket me heshtje. Duhet ndaluar sot, jo kur është tepër vonë”, përfundon ai.

Lajme

Rritja e pagës minimale e domosdoshme, nevojë dhe jo luks!

Debati mbi rritjen e pagës minimale nuk është thjesht një çështje politike apo retorike është tregues i zhvillimit ekonomik, i drejtësisë sociale dhe i kapacitetit shtetëror për të krijuar kushte të qëndrueshme për qytetarët dhe bizneset. Deklarata e deputetit të LSDM-së, Fatmir Bytyqi, si dhe reagimi i VLEN lidhur me rritjen ekonomike, shpalosin dy dimensione të një realiteti që nuk mund të anashkalohet pagat dhe ekonomia janë të lidhura ngushtë dhe kërkojnë ndërhyrje të mençura, shkruan Zhurnal.

Paga minimale si nevojë urgjente jo luks politik –

Deputeti i LSDM-së, anëtarë në Komisionin për Financa dhe Buxhet në Kuvend, Fatmir Bytyqi, e ka ngritur qartë çështjen e rritjes së pagës minimale duke e paraqitur atë si nevojë të dyanshme edhe për punëtorët, edhe për bizneset. Në një treg pune ku migrimi është fenomen i përditshëm dhe ku mungesa e fuqisë punëtore është bërë barrë për zhvillimin e kompanive, paga minimale e ulët nuk është thjesht problem social është pengesë ekonomike.

“Po, paga minimale duhet të rritet. Edhe bizneset kanë theksuar se është seriozisht e nevojshme të rritet paga minimale, në mënyrë që të mbahen punëtorët në vend dhe të sigurohet stabilitet për njerëzit që janë thelbësorë për kompanitë. Qeveria duhet të ndërhyjë përmes modeleve të ndryshme, të cilat janë të njohura dhe të aplikuara në mbarë botën, sepse nuk mund të mbrohet vetëm njëra palë biznesi. Edhe punëtorët duhet të jenë të mbrojtur”, deklaroi Bytyqi

Ai shtoi se vizioni i tij është që çdo punëtor të marrë një pagë dinjitoze, duke theksuar se rritja e pagës minimale nga 9.000 në 23.000 denarë në të kaluarën është shembull i politikave të tilla.

Rritja ekonomike prej 3.8% sinjal pozitiv –

Nga ana tjetër, VLEN thekson rritjen prej 3.8% të BPV-së në tremujorin e tretë si tregues se masat ekonomike po japin efekt. Pa dyshim, një rritje e tillë është sinjal i mirë si për stabilitetin, ashtu edhe për proceset e nisura në ekonomi. Ministria e Ekonomisë dhe Punës, nën drejtimin e Besar Durmishit, sipas VLEN, ka orientuar politikat drejt investimeve dhe krijimit të vendeve të reja të punës element thelbësorë për një rritje të qëndrueshme.

Por rritja ekonomike, sado pozitive të jetë, nuk duhet parë si shenjë e mjaftueshmërisë. Pyetja thelbësore është se a po reflekton kjo rritje në mirëqenien e qytetarëve? Nëse të ardhurat e punëtorëve nuk rriten paralelisht me rritjen e BPV-së, atëherë përfitimet e ekonomisë mbeten të mbyllura brenda sektorëve të kufizuar.

Ndërveprimi i domosdoshëm mes pagave dhe investimeve –

Argumenti i Bytyqit për ndërhyrje të qeverisë me modele të aplikuara globalisht është shumë i qëlluar. Asnjë ekonomi nuk mund të përparojë kur njëra palë biznesi apo punëtorët mbrohet në mënyrë të njëanshme. Politikat moderne ekonomike funksionojnë mbi parimin e balancimit me çka rritja e pagës minimale mbron punëtorët, ndërsa subvencionet, kreditë e buta dhe programet e përkrahjes ndihmojnë bizneset të përballojnë koston. Dhe ky balancim nuk është utopi është praktikë botërore.

Në këtë kontekst, rritja e pagës minimale nuk është barrë por motor që mban të rinjtë në vend, nxit kërkesën, forcon bizneset dhe ndërton një ekonomi më të drejtë e më të qëndrueshme. Qytetarët sot kanë nevojë më shumë se asnjëherë për një rritje të dinjitetshme që lehtëson jetën në praktikë. /Zhurnal.mk