Lajme

Kodra e Diellit me probleme të shumta edhe në këtë sezon turistik

Kodra e Diellit sivjet po e fillon sezonin turistik me probleme dhe pengesa të shumta. Drejtori i Kodrës së Diellit thotë se po bëjnë të pamundurën për të aktivizuar ski liftat në kohë, edhe pse asnjëri prej tyre nuk ka pasur kontroll të kryer nga Fakulteti i makinerisë, ndërsa të shumta kanë qenë edhe pjesët që është dashur të ndërrohen. Kapacitetet hotelerike deri më tani nuk janë të hapur, ndërsa tek nga muaji i ardhshëm, mund të vihet në funksion vetëm hoteli Sllavija.

“Si udhëheqësi e re jemi përballur me shumë probleme, si nga ana teknike edhe ajo materiale e shumë të tjera. Siç është përpunimi i ski ashensorëve por edhe pranimi teknik i tyre. Asnjëri ashensor nuk kishte kontroll për gatishmërinë e punës, por gjatë kësaj periudhe kemi punuar gjithë dhe i eliminuam këto probleme. E patëm edhe defektin në liftin me gjashtë ulëse që sot është eliminuar dhe është kthyer në gjendje pune dhe ski liftat tjerë tashmë po kontrollohen, dhe shpejtë në bazë të kushteve atmosferike të bëjmë edhe lëshimin e qendrës”, tha Gani Aliji, drejtor i Kodrës së Diellit.

Dhe sikur këto probleme të mos mjaftojnë, me qëllim është dëmtuar edhe gjashtë ulësja, konkretisht është vjedhur një kompresor i gjashtë ulëses që e vë atë në lëvizje. Në njërën anë po bëhen hetime se kush e ka bërë këtë, e në anën tjetër, drejtoria e kodrës së Diellit ka gjetur kompresorin e ri dhe ka instaluar të njëjtin me qëllim që sezoni të nis në kohë nëse do kemi të reshura bore dhe temperatura në minus.

“Ne erdhën në muajin nëntor si udhëheqësi e re, sa është vjedhur apo është marrë, ne konstatuam mungesën e kompresorit tek gjashtë ulësja lartë. Ajo mund të jetë bërë edhe gjatë periudhës së verës që duhet të shihen nga kanë ardhur”, shtoi Gani Aliji, drejtor i Kodrës së Diellit.

Kërkuam qendrim edhe nga inspektorati që kujdeset për monitorimin e ski liftave, që ditë më parë kanë kryer kontrolle pas intervenimeve të bëra nga punëtorët e Kodrës së Diellit.

“Ski liftët janë inspektuar nga trupat inspektues dhe kanë merrë certifikatën pozitive. Përveç Inspektoratit Shtetëror për Energjetikë ski liftet kontrollohen edhe nga Ministria e Transportit”, thanë nga Inspektorati Shtetëror për Energjetikë.

Por edhe përkundër kushteve të këqija në të cilat është lënë Kodra e Diellit, sipas drejtorit Aliji, po bëhen përpjekje maksimale që gjatë javës së ardhshme, të vihen gjitha kapacitetet e ski liftave në funksion dhe në rast të reshjeve të reja të borës të hapet edhe sezoni turistik për këtë vit./Alsat.mk

Lajme

EVN: Vjedhje e energjisë elektrike me vlerë mbi 22,000 euro u zbulua në Kodrën e Diellit

EVN-Maqedoni ka bërë të ditur se në koordinim me Policinë e Tetovës dhe ekipet e tyre në Qendrën e Energjisë së Konsumatorëve në Tetovë zbuluan përdorim të paautorizuar të energjisë elektrike në një kompleks biznesi në Kodrën e Diellit, shkruan Portalb.mk.

Sipas tyre, gjatë inspektimit është zbuluar përdorim i paligjshëm i energjisë elektrike përmes një kutie lidhëse të kabllove, lidhje e drejtpërdrejt e paautorizuar me një kabllo me tension të ulët (4x16mm2).

“U përpilua një procesverbal për përdorim të paautorizuar. U parashtrua një ankesë për përdorim të paautorizuar të energjisë elektrike në Ministrinë e Brendshme sipas nenit 235-a të Kodit Penal. U përgatit një faturë për kompensim dëmi në shumën prej 1,361,599.00 denarësh apo rreth 22.000 euro”, thonë nga atje.

Gjithashtu edhe nga MPB për Portalb.mk e kanë konfirmuar aksionin policor në Kodrën e Diellit. Nga atje thonë se bashkë me punonjësit e EVN-Maqedoni kanë kryer inspektime mbi dyshimet për vjedhje të energjisë elektrike.

“Më datë 28.03.2026, në periudhën nga ora 15:00-18:00, është kryer kontroll në dy lokacione në Kodrën e Diellit, përkatësisht në një hotel në pronësi të L.Sh.(42) nga fshati Pirok dhe në një market në pronësi të B.M.(31) nga Tetova. Aksioni është realizuar në bashkëpunim me punonjësit e EVN-Maqedoni, të cilët kanë denoncuar veprën penale ‘vjedhje e energjisë elektrike’. Pas inspektimit, punonjësit e EVN-së kanë konstatuar se lokalet nuk posedonin njehsor elektrik, ndërkohë që në ato momente ishin të furnizuara me energji elektrike”, thonë nga MPB.

Pas dokumentimit të plotë të rastit, ndaj pronarëve të objekteve do të dorëzohen parashtresat përkatëse ligjore.

Lajme

Pas rebelimit ndaj VLEN-it, Arben Fetai ka kohë që mungon në punë dhe në seancat qeveritare

“Sa për ironi, zv kryeministri për Qeverisje të Mirë, Arben Fetai nuk paraqitet në punë. Nga Qeveria pa përgjigje konkrete, ata thonë se pyetjet tona duhet t’i adresojmë direkt te Arben Fetai.”

Si trup kolektiv, Qeveria funksionon pa pengesa dhe me kapacitet të plotë. Lidhur me pyetjet që kanë të bëjnë me angazhimin në punë, ju udhëzojmë që direkt t’i adresoni te Arben Fetai”, deklaruan nga Qeveria.

*Qeveria funksionon pa pengesa dhe me kapacitet të plotë
*Lidhur me angazhimun në punë, ju udhëzojmë që direkt t’i adresoni te Arben Fetai

Alsat kërkoi sqarim nga Arben Fetai nëse janë të vërteta këto pretendime, por nuk morëm përgjigje.

Rebelimi i Arben Fetait, vjen pas papajtueshmërive të tij me liderët e VLEN-it, ndërsa është një nga emrat më të përfolur që mund të përfshihet në rikonstruimin e Qeverisë në qershor. Përndryshe, Arben Fetai dhe Azir Aliu u ndanë nga Arben Taravari në maj të vitit 2025 kur ky i fundit braktisi Qeverinë dhe përfundoi në koalicion me BDI-në./Alsat.mk

Lajme

LSDM: Gruevski ka pasaportë hungareze dhe serbe

Nga partia opozitare maqedonase LSDM thonë se, sipas informacioneve të fundit që kanë siguruar, Nikolla Gruevski tashmë posedon pasaporta hungareze dhe serbe.

“Nëse i arratisuri nga drejtësia ka marrë pasaportë serbe dhe hungareze, atëherë është e qartë se pas kësaj qëndrojnë aleatët dhe mbrojtësit e tij politikë, Orban dhe Vuçiç – të cilët i konsiderojmë mentorë politikë të Mickoskit. Mosveprimi i qeverisë dhe refuzimi i vazhdueshëm për të dërguar një kërkesë të re për ekstradim tregon për një përpjekje të qëllimshme për t’i krijuar hapësirë dhe për ta mbrojtur Gruevskin”, thonë nga LSDM.

Ata shtojnë se, ndërkohë që vende të tjera si Polonia veprojnë shpejt në raste të ngjashme, sipas tyre, Mickoski po i jep kohë Gruevskit.

“Mickoski dhe VMRO-DPMNE nuk po ndërmarrin asnjë hap. Ata nuk duan që Gruevski të kthehet në Maqedoni dhe të përballet me drejtësinë. Kjo përbën një mbrojtje klasike të Nikola Gruevskit nga ana e Hristijan Mickoskit”, deklarojnë nga LSDM.