Lajme

Osmani: Nuk lejojmë që ‘zombit’ e kaluarës të tentojnë të prishin atë që kemi ndërtuar me mund e gjak ndër këto vite!

Bujar Osmani pas mbledhjes së liderëve të Frontit Evropian deklaroi se “Roja e gjuhës” është duke funksionar dhe se e njejta është shndërruar në një platformë mbipartiake dhe mbi etnike.
“Kjo për shkak se nuk po mbrohet vetëm gjuha, po mbrohet arsyeja për një të ardhmen të përbashkët në këtë shtet, për të izoluar këto forca desktruktive të cilat e kanë humbur kohën që në vitin 2024 vijnë me tema të kufizimit të drejtave etnike. Kjo është një situatë anakrone, është situatë e vonuar. Nuk e ka pritur askush se mund të vjen një strukturë destruktive duke shfrytëzuar njerëz të pavotuar për të demontuar marrëveshjen e Ohrit. Nuk kalon kjo, jo se BDI dëshiron kështu, nuk është kjo kauzë e BDI-së, është kauzë e çdo njeri të vullnetit të mirë shqiptarë, maqedonas”, tha Bujar Osmani, raporton SHENJA.
Osmani tha se “zombit e të kaluarës tani janë zgjuar nëpërmjet këtyre forcave që duanë të izolojnë njerëzit. Nuk lejojmë që ‘zombit’ e kaluarës të tentojnë të prishin atë që kemi ndërtuar me mund e gjak ndër këto vite”, tha Osmani, duke treguar se ky është misioni i “Rojës së gjuhës”.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk