Lajme

Bexheti: Çmimi i duhanit arrin rekordin historik, 400 denarë për kilogram

Zëvendësministri i Bujqësisë, Flakron Bexheti, njoftoi arritjen e një niveli historik në çmimin e grumbullimit të duhanit. Çmimi i duhanit të klasit të parë tashmë do të jetë nga 375 deri në 400 denarë për kilogram, duke shënuar një rekord të ri dhe një mbështetje të jashtëzakonshme për fermerët që kultivojnë këtë kulturë bujqësore.

Përveç çmimit të lartë të blerjes, qeveria ka rritur edhe subvencionet për kilogramin e duhanit nga 80 në 100 denarë. Kjo do të thotë që çmimi total për kilogram, duke përfshirë blerjen dhe mbështetjen shtesë, arrin në 500 denarë. Si rezultat, gjatë këtij viti, më shumë se 140 milionë euro do të transferohen drejtpërdrejt te prodhuesit e duhanit.

Zëvendësministri Bexheti theksoi se ky hap është një mbështetje e drejtpërdrejtë për bujqit dhe tregon përkushtimin e qeverisë për të përmirësuar kushtet ekonomike dhe sociale të tyre. Ministria e Bujqësisë mbetet e angazhuar për të garantuar standarde më të larta në sektorin bujqësor dhe zhvillimin rural në vend.

Bujqit tani kanë një arsye më shumë për të vazhduar me punën e tyre të palodhur, ndërsa qeveria mbetet e angazhuar për të garantuar standarde më të larta në bujqësi.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk