Lajme

Ridvani i përgjigjet Limanit: T’i lëmë anash inatet politike, fëmijët presin të funksionojë çerdhja!

Kryetari i komunës së Haraçinës Ridvan Ibrahimi i bëri thirrje Limanit që ti lënë anash inatet politike dhe të vazhdojë procesi edukativo Arsimor.

Ai tha se bashkarisht duhet ti kërkojnë falje qytetarëve dhe fëmijëve të komunës së Haraçinës të cilët për çështje të tilla politike, nuk po I gëzojnë këto të drejta elementare.

KRYETAR I KOMUNËS SË HARAÇINËS, RIDVAN IBRAHIMI

“Nëse ka kërkuar nga unë që ti kërkoj falje unë fillimisht do ti kisha kërkuar falje gjithë atyre familjeve, gjithë atyre fëmijëve që ende sot e kësaj dite mbi 20.000 banorë nuk e kanë të drejtën për këtë shërbim ato fëmijë që janë shyqyr zotit në numër të madh po edhe të komunës po ndoshta nëse më lejon ministri ti kërkoj falje edhe fëmijëve të komunës së Haraçinës që sot e kësaj dite nuk e kanë të drejtën për ta shfrytëzuar këtë shërbim. Po e lus ministrin mos të merremi me kësi deklarata kështu që të vazhdon procesi edukativo arsimor. Ne si komunë kemi investuar shumë në sferën e arsimit dhe kjo e drejtë mos të ju merret sot e kësaj dite fëmijëve tanë, qytetarëve tanë”.

Ibrahimi tha se ata sëbashku duhet ti kërkojnë falje edhe Bankës Botërore të cilët e kanë financuar çerdhen dhe tha se ky është një investim i madh kapital që nuk e kanë pasur më herët në kuadër të kësaj komune dhe potencoi se mosshfrytëzimi i të njejtës është një mëkat i madh. /SHENJA/

Lajme

Unioni i Shoqatave Shqiptare në Mërgim shpërndan 6 mijë litra ujë për banorët e Gostivarit

Unioni i Shoqatave Shqiptare të Gostivarit në Mërgim ka realizuar sot një aksion humanitar për shpërndarjen e ujit të pijshëm për banorët e komunës së Gostivarit, në kushte të mungesës së ujit.

Gjatë aksionit u shpërndanë 6 mijë litra ujë, të paketuar në 600 bidonë, në afërsi të tregut të madh të qytetit, me synimin që ndihma të arrijë edhe te banorët e lagjeve më të largëta.

Në kumtesën e Unionit thuhet se aksioni nuk synon ta zgjidhë problemin me furnizimin me ujë, por të ofrojë mbështetje për qytetarët në këtë situatë.

“Jemi të vetëdijshëm se me këtë aksion nuk do ta zgjidhim problemin me ujin në Gostivar, por dëshmojmë se jemi krah i Gostivarit dhe i vëllezërve tanë në këto ditë të vështira të mungesës së ujit për pije”, thuhet në kumtesën e Unionit.

Unioni falënderoi ekipin, shoqatat anëtare, vullnetarët dhe donatorët që kontribuan në realizimin e aksionit.

Lajme

6 ditë pas stuhisë, Shkupi ende i mbuluar nga pemët rrëzuara

Ndonëse sot është dita e gjashtë prej kur Shkupi u përfshi nga një stuhi e fuqishme me erë prej 130 km/h, autoritetet komunale ende nuk kanë arritur të mënjanojnë dëmet. Nëpër rrugë e parqe gjithandej, pemët dhe degët e thyera vazhdojnë të pengojnë lëvizjen e lirë të qytetarë.

Komunat më të goditura nga stuhia ishin Karposhi, Çairi, Aerodromi dhe Qendra. Alsat vizitoi edhe sot disa parqe dhe rrugë të Çairit. Në shumë vende përsëri hasëm në degë të thyera. Disa prej tyre ishin grumbulluar në një vend, e të tjera ishin ashtu si kanë mbetur nga dita e martë.

“Ndonëse kanë kaluar gati një javë që nga dita kur stuhi e fuqishme goditi Qytetin e Shkupit, gjithandej nëpër bulevarde dhe parqe shohim se degët nga drunjtë e thyer ende kanë mbetur të pa pastruara”, raporton Zekirija Haxhiu, gazetar.

Drunjtë e rrëzuar dhe degët e thyera, nga stuhia lanë pas vetes shumë vetura e oborre të dëmtuara. Dhjetëra qytetarë nga komuna të ndryshme, kanë paraqitur dëmet tek autoritetet lokale dhe presin komisionet që të bëjnë vlerësimin e tyre.

Lajme

Bastisje në Shkup, arrestohet një 23-vjeçar nga fshati Brezë

Një 23-vjeçar nga fshati Brezë i Shkupit është arrestuar pasi gjatë një bastisjeje në shtëpinë dhe objektet e tij ndihmëse është gjetur një sasi e konsiderueshme kokaine.

Sipas njoftimit të Ministrisë së Punëve të Brendshme, bastisja është kryer nga zyrtarët e Njësisë për Luftimin e Trafikimit të Paligjshëm në bashkëpunim me Njësinë e Policisë Intervenuese pranë SPB Shkup.

“Personi S.B. (23) është privuar nga liria në Stacionin Policor Gazi Babë sipas nenit 215 të Kodit Penal dhe, pas dokumentimit të plotë të rastit, ndaj tij do të parashtrohet kallëzimi përkatës”, thuhet në njoftimin e MPB-së.