Sport

Lamtumirë pas një sezoni historik, Husein Demiri largohet nga Bashkimi

Pas një sezoni brilant në të cilin KF Bashkimi u rikthye në elitën e futbollit vendor, sulmuesi Husein Demiri njofton largimin nga radhët e skuadrës zigjelbër.

Në një postim emocional, Demiri konfirmon se kishte marrë vendimin për t’u larguar disa javë para përfundimit të kampionatit, por kishte zgjedhur ta mbante për vete për shkak të rëndësisë së ndeshjeve dhe atmosferës së krijuar në ekip.

“Ishte përgjegjësi dhe nder ta udhëheq këtë ekip si kapiten, në një sezon të vështirë e me plot sfida e probleme, ku arritëm një sukses historik, inkuadrimin në Ligën e Parë. Me 13 gola dhe 8 asistime, kontribuova maksimalisht për këtë qëllim, ndonjëherë edhe duke dalë nga vetja dhe jam krenar për punën e bërë”, shkruan ndër të tjera sulmuesi.

Demiri falënderoi bashkëlojtarët, stafin teknik dhe tifozët për mbështetjen e dhënë gjatë gjithë rrugëtimit, duke mbyllur kështu një kapitull të rëndësishëm në karrierën e tij si lider i një skuadre që bëri histori.

Sport

BEFASI NË TETOVË: Shkëndija mundet nga Bashkimi

Një surprizë e madhe është regjistruar në Tetovë, ku Bashkimi arriti të befasojë Shkëndijën, duke shkaktuar një nga rezultatet më të papritura në kampionat.

Bashkimi arriti ta mposht me rezultat prej 3-2 Shkëndijën në terrenin e saj.

Kjo humbje për Shkëndijën vjen si një goditje në garën për kreun, ndërsa Bashkimi dëshmon se mund të jetë faktor i rëndësishëm në fazën përfundimtare të sezonit.

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Sport

Shkëndija e Tetovës fiton gjysmëfinalen e parë ndaj Shkëndijës Haraçinës

Gjysmëfinalja e parë e Kupës së Maqedonisë së Veriut i ka takuar Shkëndijës së Tetovës që triumfoi me rezultat 3:2 ndaj Shkëndijës së Haraçinës. Fillimisht tetovarët avansuan me Trumçin, teksa skuadra nga Haraçina përmbysi përkohësisht me Nuhijën dhe Livarekën. Megjithatë, kuqezinjtë tetovar gjetën dy herë tjetër rrjetën me Kërstevskin dhe Meliqin për fitore dhe rezultat final 3:2.

Ndërkohë ndeshja tjeter gjysmëfinale ndërmjet Ohridit dhe Sileksit u mbyll me barazim 1:1. Ndeshjet e kthimit të gjysmëfinales së Kupës do të luhen me 6 maj. /SHENJA/