Lajme

Izet Mexhiti: Pas 30 vitesh padrejtësi, ligji i ri sjell përfaqësim adekuat për shqiptarët

Zëvendëskryeministri i parë i Qeverisë së Maqedonisë së Veriut, Izet Mexhiti, në hapjen e shtabit zgjedhor të koalicionit VLEN në sheshin “Skënderbeu” në Shkup, deklaroi se koalicioni është shembulli më i mirë i bashkimit dhe forcës politike shqiptare, raporton SHENJA.

“Sot jemi në shtabin e fitores,” tha Mexhiti, duke theksuar se koalicioni i përbërë nga dhjetë parti politike është duke përmirësuar gabimet e 20 viteve të fundit. Ai paralajmëroi miratimin e një ligji të ri që do të sigurojë përfaqësim të drejtë të shqiptarëve në administratën shtetërore dhe publike, duke theksuar se kjo çështje do të zgjidhet përfundimisht në mbledhjen e ardhshme të Qeverisë.

“Jemi këtu në sheshin “Skënderbeu”. Prandaj edhe promovim i shtabit shëndrrohet në tubime ku i vjen era e fitores sepse i fituam ata kur u bënë bashkë katër komunitete, nëntë parti politike, tash edhe me Taravarin 10-të. Tash edhe me 10-të do t’i fitojmë sepse ja vlen. Ne po përmirësojmë atë që nuk e kanë bërë 20 vite. Ne nuk jemi për politikë ditore, ne jemi për zgjidhje ligjore. Pas 30 viteve për herë të parë e rregullojm si duhet me ligj përfaqësimin adekuat të shqiptarëve në administratën shtetërore dhe publike. Dhe kjo do të ndodh të martën që vjen në Qeveri. Për herë të parë mbyllet si çështje”, deklaroi Mexhiti.

Mexhiti nënvizoi se koalicioni VLEN nuk ndjek politika të përkohshme, por angazhohet për zgjidhje të qëndrueshme ligjore në shërbim të qytetarëve.

Lajme

4 gra të vrara nga partnerët gjatë këtij viti!

Këtë vit, 4 gra janë vrarë nga ish-ose partnerët e tyre aktualë. Në periudhën nga 2014 deri në 2024, gjithsej 115 gra janë viktima të femicidit, pra vrasjeve dhe tentativave për vrasje. Shteti duhet të angazhohet jo vetëm deklarativisht, por realisht për parandalimin dhe ri-integrimin e grave, viktima të dhunës së bazuar në gjini – thonë nga Rrjeti Kombëtar kundër dhunës ndaj grave dhe dhunës familjare.

“Këtë vit ndodhën 4 femicide, sepse të gjithë autorët ishin partnerë, aktualë ose ish-partnerë të grave të vrara. Në periudhën paraprake nga 2014 deri në 2024, kemi gjithsej 115 vrasje, por këtu përfshihen edhe tentativat për vrasje të grave. Ajo që po bëjmë tani është të analizojmë rastet gjyqësore të përfunduara me vendime të formës së prerë për të parë sa nga këto 115 vrasje dhe tentativa janë femicide”, tha Elena Dimushevska, Rrjeti kombëtar kundër dhunës ndaj grave dhe dhunës familjare.

Ata thonë se ri-integrimi është më i rëndësishmi. Megjithatë, edhe pse ligji ka hyrë në fuqi në maj 2021 dhe ri-integrimi është parashikuar në të gjitha shtyllat, shteti nuk është i përkushtuar në këtë çështje. Pasi nuk ka ndihmë nga shteti për ri-integrimin e viktimave, shumë prej tyre kthehen sërish tek partneri. Eksperiencat e tyre tregojnë se shtëpia nuk është vendi më i sigurt për gratë viktima të dhunës, madje 70 për qind e vrasjeve ndodhin aty.

“Dhunën ndaj grave nuk mund ta parandalojmë nëse nuk parashikojmë fonde financiare për shërbimet që u nevojiten më së shumti viktimave. Ajo që ekziston tani është një ndihmë vetëm një herë monetare, do të theksoj vetëm një herë, në shumën prej 15.000 denarësh. Dhe ajo nuk varet nga të ardhurat ose gjendja financiare e viktimës. Por kjo është e vetmja gjë që viktimat mund të marrin në këtë moment si ndihmë nga shteti”, u shpreh Elena Dimushevska, Rrjeti kombëtar kundër dhunës ndaj grave dhe dhunës familjare.

Rrjeti ofron ndihmë financiare për viktimat, përfshirë qiranë e banesës, mbulimin e shpenzimeve të ujit, rrymës dhe blerjen e ushqimit, por thonë se buxhetet e tyre janë të kufizuara dhe nuk mund të mbulojnë shpenzimet për të gjitha gratë dhe në një afat më të gjatë. Llogaritjet e tyre tregojnë se për një grua janë të nevojshme të paktën 25.000 deri në 30.000 denarë në muaj.

Lajme

Zjarri në Çarshinë e Vjetër të Shkupit vihet nën kontroll

Zjarri që shpërtheu sonte në një shtëpi të vjetër pranë kishës “Shën Spasi” në hyrje të Çarshisë së Vjetër të Shkupit është nën kontroll. Shkaku i zjarrit ende nuk dihet, dhe ekipet e Ministrisë së Brendshme do të kryejnë një inspektim.

“Në orën 19:43, u mor një njoftim për një zjarr në një shtëpi të braktisur në rrugën “Samoilova”. Menjëherë u dërguan tre automjete zjarrfikëse, të cilat me të mbërritur gjetën një zjarr në një fazë zhvillimi. Flakët ishin përhapur përtej strukturës së çatisë dhe dimensioneve të vetë ndërtesës”, tha Zvonko Tomevski, komandant i Departamentit të Zjarrfikësve të Shkupit.

Pastaj, siç deklaroi ai, u dërguan dy automjete shtesë dhe 20 zjarrfikës janë në vendngjarje duke ndërhyrë.

“Zjarri u vu nën kontroll në një kohë të shkurtër. Ndërhyrja ishte e suksesshme dhe zjarri nuk u lejua të përhapet në objektet fqinje. Tani po punohet për shuarjen e zjarrit dhe pastrimin e zonës, tha Tomevski.

Shkaqet e zjarrit, siç tha ai, duhet të përcaktohen më tej nga policia.

Sipas informacioneve jozyrtare, në shtëpinë tanimë të djegur shumë shpesh janë mbledhur njerëzit e pastrehë.

Lajme

Kasami: Gostivari gati për ndryshimin e madh

Kryetari i Tetovës dhe kryetar i Lëvizjes Besa Bilall Kasami ka qëndruar në Tetovë bashkë me liderët e tjerë të VLEN-it duke siguruar se edhe në këtë komunë do ta fitojnë pushtetin lokal sikurse në dhjetë komunat e tjera.

“Gostivari gati për ndryshimin e madh më 11 janar!

Gostivari VLEN! 🫶”, ka shkruar Bilall Kasami në Fejsbuk ku ka shpërndarë fotografi nga takimi me strukturat lokale të koalicionit dhe qytetarë.

Zgjedhjet lokale në Gostivar dhe Vrapçisht mbahen më 11 janar, pasi më 18 tetor dështoi të arrihej censusi në këto dy komuna. Qeveria ka caktuar Fadil Xhelilin si ushtres detyre kryetar i Gostivarit deri në zgjedhje, ndërsa ushtrues detyre në Vrapçisht u caktua Bujamin Kadriu.

Në zgjedhjet lokale në vjeshtë, VLEN fitoi 10 komuna, përfshirë komunat kryesore me shumicë shqiptare.