Lajme

Vetëm gjobë për Merkon për emërimin e paligjshëm të drejtorëve në disa shkolla

Kryetari i Komunës së Strugës, Ramiz Merko, është dënuar vetëm me një gjobë monetare prej 100 ditësh me nga 100 euro në ditë, ose gjithsej 10.000 euro, të cilat duhet t’i paguajë për emërimin e paligjshëm të drejtorëve në shkollat fillore në fshatrat Podgorcë, Llabunishtë dhe Radolishtë.

Sipas gjyqtarit Jordan Jovanov, në këtë vendim janë marrë parasysh disa rrethana lehtësuese, pasi Merko deri më tani nuk ka qenë i dënuar. Prokuroria njoftoi se menjëherë do ta apelojë vendimin, pasi nuk është e kënaqur me të.

Kjo vjen pasi javën e kaluar, i njëjti gjyqtar e shpalli të pafajshëm Merkon për blerjen e veturës luksoze Audi A6 në vlerë prej 67.000 eurosh dhe për blerjen e edhe tre automjeteve të tjera me vlerë të përgjithshme prej 114.000 eurosh.

Lajme

E privoi nga jeta gruan shtatzënë, vdes Egzon Bytyqi

Egzon Bytyçi, i cili privoi nga jeta gruan e tij, Jetlira Foniqi, ka vdekur në orët e mbrëmjes së sotme në QKUK.

Lajmin për Klankosova.tv e ka konfirmuar Shaqir Uka, drejtor i Mjekimit në QKUK.

“Egzon Bytyçi ka vdekur në orët e mbrëmjes së sotme pasi nuk ka arritur t’u bëjë ballë plagëve”, ka deklaruar Uka. /Klankosova.tv

Lajme

Paralajmërohet protestë në Hagë më 16 shtator

Veprimtari i çështjes kombëtare, Hektor Beqiri, ka bërë thirrje që mërgata shqiptare të mobilizohet më 16 shtator pranë Gjykatës Speciale në Hagë, në ditën kur pritet të shpallet vendimi për krerët e UÇK-së.

Beqiri ka theksuar se mijëra shqiptarë do të mblidhen për të shprehur mbështetjen e tyre për çlirimtarët, duke e cilësuar mërgatën si një forcë dhe zë të fuqishëm të Kosovës.

“Pas gjashtë vitesh përballje, pritjeje e padrejtësish, krerët e UÇK-së nuk do të jenë vetëm”, ka shkruar Beqiri, duke u shprehur se më 16 shtator zëri i mërgatës do të dëgjohet fuqishëm pranë gjykatores në Hagë.

Lajme

Kush është personi “Viktor Makedonija” i cili ka komunikuar me spiunin serb Fatmir Sheholli?!

Personi me emrin “Viktor Makedonija” që u gjet i regjistruar në celularin e spiunit serb Fatmir Sheholli gjatë hetimit të Prokurorisë Speciale të Kosovës është Viktor Petrushevski me origjinë nga Kumanova. Televizioni Alsat e ka identifikuar dhe ka rënë në kontakt metë për ta pyetur mbi rolin e tij në kontaktin me Shehollin, njohjen dhe versionin e tij mbi veprimtarinë e Shehollit në Kosovë me urdhra të shërbimit sekret serb.

“Me Fatmirin u njoha para 2-3 viteve në një takim ku ishte edhe ai. Mu prezantua aso kohë si drejtor i një instituti. Pas një periudhe kemi filluar komunikimin mbi zhvillimet politike dhe ekonomike në rajon”.

Sheholli më pas është interesuar për veprimtarinë e tij më thellë, pretendon Petrushevski. Sipas tij, aso kohe kur ishte aktuale çështja me qymyrin. Sheholli i ka thënë se ka lidhje të forta në Serbi për këtë biznes dhe mund ta vë në kontakt.

“Më dërgoi një numër kontakti të një personi nga Serbia. Kur mësova se për kë bëhet fjalë dhe i njëjti nuk ka lidhje më këtë biznes, vendosa të mos kontaktoj kurrë. Më ka referuar kontakt edhe me disa persona me të cilët kisha një takim të shkurtër por nuk kamë vazhduar komunikimin me to”.

Petrushevski thotë se nuk ka informacion se për çka po hetohet Sheholli dhe nuk ka interes ta din, por thotë shkurt se institucionet duhet ta bëjnë punën e tyre. Në aktakuzë pretendohet se Sheholli është interesuar në dhjetor të vitit 2024 që të realizon një takim me agjentin serb të BIA-s, Bojan Dimiç-Boki. Takimi ishte mbajtur më 25 dhjetor të vitit 2024, ndërsa, ndërsa nga komunikimet e shpalosura rezulton se Sheholli i ka konfirmuar Petrushevskit se e ka kontaktuar Boki (Dimiç) dhe se të nesërmen do ta merr në telefon për t’i treguar se çfarë kanë biseduar.

Alsat u interesua për veprimtarinë e tij edhe më thellë. Në raport me kartën e tij penale, Petrushevskit i rezulton zyrtarisht vetëm një kallëzim penal nga 24 nëntori i vitit 2005. Ka qenë i angazhuar në kabinetin e ish kryeministirt Zoran Zaev, ka pasur pozitë drejtuese në menaxhimin e Aeroportit të Shkupit, ndërsa tani merret me biznesin e derivateve të naftës, dhe ndërtimtari. Paraprakisht kishte punuar në Kumanovë në kohën e njërit nga krerët e kësaj komune, përafërsisht rreth 15 vite më parë.