Lajme

Doganat e Maqedonisë sekuestrojnë dron, cigare, mallra të falsifikuara

Gjatë javës së kaluar, oficerët doganorë kanë zbuluar disa përpjekje për kontrabandë mallrash të ndryshme, duke sekuestruar përkohësisht cigare, mallra të falsifikuara, një dron, një targë dhe dokumente për një rimorkio kampingu.

Në dy raste të ndara, në pikat kufitare Bogorodicë dhe Dojran u sekuestruan 22 steka cigare pa pulla akcize.

Në rastin e parë, 12 steka cigare u sekuestruan gjatë një kontrolli të një kamioni cisternë që kishte deklaruar hyrje në vend në pikën kufitare Bogorodicë. Cigaret u gjetën në dy qese të vendosura në pjesën e sipërme të kamionit në zonën rreth hapjes së mbushjes. Vlera e cigareve është 16.200 denarë, dhe u shmangën detyrimet në vlerë prej 27.195 denarë.

Në rastin e dytë, 10 steka cigare u sekuestruan gjatë një kontrolli të një kamioni në pikën kufitare Dojran në hyrje të vendit. Cigaret u gjetën gjatë një kontrolli në kabinën e kamionit në një qese plastike. Vlera e cigareve është 6.480 denarë, ndërsa janë shmangur detyrime doganore në vlerë prej 15.896 denarësh.

Ekipet doganore në pikën kufitare Bllacë parandaluan një përpjekje për kontrabandën e një droni “MAVIC 2 ENTERPRISE” me bateri, karikues dhe kontrollues me një vlerë të parashikuar prej 159.660 denarësh.

Në dy raste, ekipet doganore sekuestruan produkte të ndryshme me marka tregtare të mbrojtura. Në rastin e parë, 15 makina elektrike për fëmijë me marka tregtare të mbrojtura u sekuestruan dhe u ndaluan me dyshimin për shkelje të të drejtave të pronësisë intelektuale.

Në rastin e dytë, u sekuestruan 1.190 fletore, 70 tenda për fëmijë dhe 1.390 lodra me marka tregtare të mbrojtura, gjithashtu të ndaluara me dyshimin për shkelje të të drejtave të pronësisë intelektuale.

Lajme

I dha 15 mijë euro ryshfet për të dalë nga burgu, mbeti edhe në burg edhe pa para

Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.

Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.

Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme

MPB me njoftim të rëndësishëm për sistemin “Safe City”

Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.

Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.