Lajme

Shkupi sot me temperaturën e tretë më të lartë në Evropë, 41.7 gradë Celsius

Shkupi sot u rendit i treti midis qyteteve më të nxehta në Evropë, me 41,7 gradë Celsius të matur në fshatin Petrovec të Shkupit midis orës 14:00 dhe 15:00, njoftoi portali meteorologjik “Ogimet”, i cili mbledh të dhëna për motin nga e gjithë bota.

Qyteti turk i Ajdinit u rendit i pari me 42.6 gradë, i ndjekur nga Fetie, gjithashtu në Turqi, me 41.7 gradë. Vala e të nxehtit preku edhe pjesën tjetër të Turqisë, ku temperaturat tejkaluan 41 gradë në pesë qytete të tjera: Urfa (41.4°C), Antalia (41.3°C), Dikili (41.2°C), Izmir (41.2°C) dhe Manisa (41.2°C).

Pas Shkupit, me të njëjtën shkallë nxehtësie (41.2°C), ishin Merida (Spanjë) dhe Ser (Greqi).

Në mbarë botën, temperatura më e lartë sot u mat në Kuvajt – 47.2°C, ndërsa më e ftohta ishte në bazën ruse të Antarktidës Vostok me -75.5°C.

Sipas “Ogimet”, më shumë shi ra në Indi, erërat më të forta frynë në Grenlandë dhe vendi më i nxehtë mesatarisht në 24 orët e fundit ishte vendbanimi Xhaloni në Oman, me 44°C.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!