Lajme

Bexheti: Kujt dhe pse e pengon përqindja prej 29.5 e shqiptarëve?

Dikur nuk kishim besim në ekipet e regjistrimit nëse nuk ishin të përziera etnikisht. Sot na thonë të besojmë… kompjuterin e VMRO-së dhe ZNAM-it!? Dhe VLEN, pa asnjë grimë turpi, jep përkrahje për regjistrimin elektronik, jo fizik! Po çfarë ju pengon? 29.52% shqiptarë?Apo që tentativa që me vendim qeverie të na ulin në 24.30% nuk ju funksionoi? Kështu thuhet në reagimin e koordinatorit të Grupit parlamentar të Frontit Evropian, Blerim Bexheti, ndërsa ka numëruar disa nga, siç thotë ai, pikat e vasalitetit të VLEN-it.

Reagimi i plotë i Blerim Bexhetit:

A ka një kufi vazaliteti i VLEN, apo është i pafund?

1. Ligji për “Përfaqësim të Drejtë”

Një farsë e shkruar për sy e faqe!

Një “trup koordinues” që nuk koordinon asgjë vetëm raporton.

Sanksione? Zero.

Kompetenca? Zero.

Edhe vetë ministri Minçev e pranoi haptas:

“Përfaqësimi i drejtë nuk zgjidhet me këtë ligj, ndoshta në një fazë të dytë… me akte nënligjore.”

Ndërsa Mexhiti, që po shet veten si “i barabartë”, tallet publikisht me shqiptarët:

“Nuk ka lidhje se do presim Komisionin e Venecias një vit edhe tani kemi përfaqësim!”

Po si jo, kur përfaqësimi i vërtetë është kthyer në dekor politik, me zero punësime dhe zero ndikim real.

2. Regjistrimi

Nga regjistrimi i vitit 2021:

Shqiptarët 619,187 banorë, ose 29.52% e popullsisë totale.

Por me një vendim të heshtur e tinëzar të qeverisë më 24 shtator 2024, shqiptarët u “shkurtuan” në 446,245, ose 24.30%.

Qeveria vendosi të përjashtojë diasporën shqiptare nga çdo përfaqësim.

Gostivari? Nga 31 këshilltarë, mbetën 23. Sepse diaspora “s’u pëlqeu në llogari”.

Dhe tani? Mos ndoshta po planifikojnë që edhe e drejta e votës e diasporës të hiqet me “vendim qeverie”?

Por Gjykata Kushtetuese ua prishi skemën për të abuzuar me popullsinë jorezidente – kështu që vendimi për fshirjen e “diasporës” ju ra në ujë.

Dikur nuk kishim besim në ekipet e regjistrimit nëse nuk ishin të përziera etnikisht.

Sot na thonë të besojmë… kompjuterin e VMRO-së dhe ZNAM-it!?

Dhe VLEN, pa asnjë grimë turpi, jep përkrahje për regjistrimin elektronik, jo fizik!

Po çfarë ju pengon?

29.52% shqiptarë?

Apo që tentativaqë me vendim qeverie të na ulur në 24.30% nuk ju funksionoi?

As algoritmi, as softueri i VMRO-së, e as përkrahja e VLEN-it nuk mund të fshijnë mbi 619 mijë shqiptarë!

As me “update” të softwarëve, as me vendime të qeverisë të orkestruara politikisht.

3. Thomas Waitz në Europë – Maqedonia Veriore dhe “Bota Serbe”

Raportuesi i Parlamentit Evropian, Thomas Waitz, nuk foli me kode po ishte shume I drejteperdrejte :

“Shpreh shqetësim të thellë për konceptin ‘Bota Serbe’ dhe për pjesëmarrjen e disa zyrtarëve të Maqedonisë së Veriut në takime që minojnë sovranitetin dhe stabilitetin e rajonit.”

Ndërkohë, VLEN heshtën!

Kjo heshtje nuk është vetëm tradhti politike e kombëtare , por edhe një paralajmërim për çfarë po vjen në të ardhmen, nëse shqiptarët vazhdojnë të injorohen dhe përbuzën në shtëpinë e tyre.

Lajme

Tragjedia në Venezuelë, momenti kur dy tërmetet e fuqishme godasin Karakasin. Shpallet gjendja e emergjencës, autoritete: Frikë për shumë viktima

Dy tërmete të fuqishme kanë goditur kryeqytetin e Venezuelës, Karakasin, brenda pak sekondash nga njëri-tjetri.

Lëkundja e dytë, me magnitudë 7.5 ballë, konsiderohet një nga tërmetet më të forta që ka prekur vendin e Amerikës së Jugut në më shumë se një shekull.

Si pasojë e tërmeteve, disa ndërtesa janë shembur në zona të ndryshme të qytetit, ndërsa banorët kanë dalë me nxitim në rrugë për t’u strehuar në vende më të sigurta. Gazetarët në terren kanë regjistruar momentet e lëkundjeve të forta që shkaktuan panik te qytetarët.

Presidentja e përkohshme e Venezuelës, Delcy Rodríguez, ka shpallur gjendjen e jashtëzakonshme në vend për të përballuar situatën emergjente.

Sipas deklaratës së saj më të fundit, të paktën 32 persona kanë humbur jetën, ndërsa rreth 700 të tjerë janë plagosur. Këto janë shifrat e para zyrtare të publikuara nga autoritetet lidhur me bilancin e viktimave dhe të lënduarve, ndërsa numri pritet të rritet ndjeshëm.

Ekipet e shpëtimit dhe emergjencave vijojnë operacionet në zonat e prekura, ndërsa autoritetet po vlerësojnë dëmet materiale dhe rrezikun e pasgoditjeve. Situata mbetet në zhvillim dhe pritet që numri i viktimave dhe të plagosurve të ndryshojë në orët në vijim.

https://x.com/californiapost/status/2069955064202919952?ref_src=twsrc%5Etfw%7Ctwcamp%5Etweetembed%7Ctwterm%5E2069955064202919952%7Ctwgr%5E1fc806654af336c61a0029f6da8640df1f676491%7Ctwcon%5Es1_&ref_url=https%3A%2F%2Ftop-channel.tv%2F2026%2F06%2F25%2Fvideo-tragjedia-ne-venezuele-momenti-kur-dy-termetet-e-fuqishme-godasin-karakasin-shpallet-gjendja-e-emergjences-autoritete-frike-per-shume-viktima%2F

Lajme

Elezi: VLEN po e kthen përfaqësimin e drejtë dhe adekuat në ligj

Përfaqësuesi i VLEN-it, Afan Elezi, ka deklaruar se përfaqësimi i drejtë dhe adekuat nuk është dhuratë politike, por parim kushtetues që buron nga Marrëveshja Kornizë e Ohrit dhe një nga shtyllat kryesore të karakterit multietnik të shtetit.

Sipas tij, për më shumë se dy dekada kjo çështje ka mbetur pa një zgjidhje ligjore të qëndrueshme, duke u trajtuar përmes mekanizmave të përkohshëm dhe interpretimeve të ndryshme, por pa një ligj të veçantë.

“Për gati 23 vite kjo çështje mbeti pa ligj të veçantë. Arsyet i dimë, kishim arnime, mekanizma të përkohshëm dhe interpretime të ndryshme, por asnjëherë ligj”, ka theksuar Elezi.

Ai ka vlerësuar se me ardhjen e VLEN-it në përfaqësimin e shqiptarëve janë hapur procese që, sipas tij, nuk janë iniciuar gjatë dy dekadave të kaluara.

“Për vetëm 24 muaj ne sollëm ligj dhe po e avancojmë Marrëveshjen e Ohrit. Ky është një hap historik dhe një përgjigje serioze ndaj boshllëkut institucional që u krijua pas shfuqizimit të balancuesit”, ka deklaruar Elezi.

Në fund, ai ka bërë thirrje që të gjitha subjektet politike të mbështesin këtë proces, duke theksuar se tashmë është koha për vendime konkrete dhe jo për retorikë politike.

“Ky është momenti kur secili duhet të tregojë nëse është në anën e historisë. Nuk ka më vend për patriotizëm të rrejshëm. VLEN nuk bën zhurmë për të drejtat e shqiptarëve, por i kthen ato në ligj. VLEN shqiptarët po i bën ligj”, ka përfunduar Elezi.

Lajme

Deputetja e VLEN Mimoza Musa merr pjesë në Konferencën e 5-të në Parlamentin Evropian në Bruksel

Deputetja e Kuvendit të Republikës së Maqedonisë së Veriut nga koalicioni VLEN, Mimoza Musa, mori pjesë më 23 dhe 24 qershor në Konferencën e 5-të me temë “Kapërcimi i hendekut ndërmjet pjesëmarrjes politike të të rinjve dhe politikave rinore”, e mbajtur në Parlamentin Evropian në Bruksel.

Në këtë aktivitet, së bashku me deputetë dhe përfaqësues të shoqërisë civile nga vendet e Ballkanit Perëndimor, u diskutuan tema të rëndësishme që lidhen me politikat rinore dhe përfshirjen e të rinjve në proceset vendimmarrëse.

Gjatë punimeve të konferencës, u trajtuan çështje si avancimi i politikave për të rinjtë, sfidat e shëndetit mendor te gjeneratat e reja, si dhe nevoja për rritjen e pjesëmarrjes së tyre në jetën publike dhe politike. Po ashtu, u theksua rëndësia e perspektivës evropiane për vendet e rajonit dhe forcimi i bashkëpunimit ndërmjet Ballkanit Perëndimor dhe Bashkimit Evropian.

Pjesëmarrësit shkëmbyen përvoja dhe ide mbi mënyrat se si mund të krijohen më shumë mundësi për të rinjtë, duke synuar politika më gjithëpërfshirëse dhe më afër nevojave të tyre.

Deputetja Musa vlerësoi rëndësinë e këtyre forumeve ndërkombëtare si hapësira ku ndërtohen ura bashkëpunimi dhe ku forcohet dialogu për të ardhmen e gjeneratave të reja në rajon.

https://www.facebook.com/share/p/1HGPU1rqzd/