Lajme

Qindra njerëz protestojnë në Suedi kundër sulmeve izraelite në Gaza, bëjnë thirrje për armëpushim

Qindra njerëz janë tubuar në kryeqytetin suedez Stockholm për të protestuar kundër sulmeve të vazhdueshme të Izraelit në Gaza, duke bërë thirrje për armëpushim të menjëhershëm, raporton Anadolu.

Demonstruesit u tubuan në lagjen Odenplan të kryeqytetit dhe marshuan drejt parlamentit suedez. Duke mbajtur flamuj palestineze, ata kërkuan që gjenocidi në Gaza të ndalet.

Protestuesit brohorisnin slogane “Izrael vrasës, largohu nga Palestina”, “Izrael vrasës, largohu nga Gaza” dhe “Armëpushim i menjëhershëm dhe pa kushte”.

Mattias Gardell, një profesor në Universitetin Uppsala, akuzoi qeverinë suedeze se hesht për gjenocidin që po kryen Izraeli kundër palestinezëve. Duke folur për Anadolu, Gardell theksoi se qeveria suedeze duhet të ndërmarrë veprime kundër gjenocidit.

“Ne shohim se si qeveria izraelite e ekstremit të djathtë po i çon palestinezët në kampe vdekjeje, domethënë në kampe përqendrimi. Ne shohim se si Izraeli po përdor ndihmën emergjente dhe humanitare të dërguar për palestinezët si karrem për të qëlluar dhe vrarë njerëz. Ne duam që qeveria suedeze të marrë një qëndrim kundër gjenocidit të Izraelit në përputhje me ligjin ndërkombëtar, siç kërkohet nga demokracia liberale”, tha Gardell.

Ai tha se ata kërkojnë që Suedia të ndalojë shitjen e armëve në Izrael dhe që kompanitë izraelite që vazhdojnë të kryejnë gjenocid të bojkotohen dhe që bashkëpunimi të tërhiqet.

Duke refuzuar thirrjet ndërkombëtare për armëpushim, ushtria izraelite vazhdon me ofensivën vdekjeprurëse në Gaza që nga tetori i vitit 2023, duke vrarë të paktën 56.400 palestinezë, shumica prej tyre gra dhe fëmijë.

Në muajin nëntor, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.

Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën në enklavën palestineze

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net