Lajme
Pezullohet vendimi për grevën e kontrollorëve të fluturimeve
Sindikata e Kontrollorëve të Fluturimeve SKFM e pezulloi vendimin për grevë i cili duhej të realizohej sot, konfirmoi për MIA-n kryetari i SDKFM-së Aleksandar Tasevski.
“Ajo që kërkuam është të ecim përpara, kërkesa për punësimin e kontrollorëve dhe për kryerjen e një analize funksionale që do të përcaktojë se cilat vende pune dhe numër drejtuesish duhet të ekzistojnë është miratuar”, deklaroi Tasevski.
Megjithatë, paralajmëron se do ta kontestojnë konkursin e fundit për punësim për të cilin tashmë reaguan në paralajmërimin për grevën.
“Nuk ndalojmë këtu do të vazhdojmë të kërkojmë profesionalizëm. Ka parregullsi edhe në konkursin e fundit, ne përsëri dhamë mundësi, por dukshëm KD nuk ka qëllim të ndalet”, thotë Tasevski.
SKFM, përmes një njoftimi drejtuar udhëheqësisë së M-NAV më 16 të muajit të kaluar, kërkoi që njoftimi i fundit për punësime të reja të anulohet dhe të respektohen detyrimet nga Marrëveshja e vitit të kaluar, e cila ishte baza për pezullimin e vendimit të atëhershëm për grevë. Ata kërkuan zbatimin e menjëhershëm të pikave të paplotësuara të Marrëveshjes më së voni deri në fund të qershorit, ndërsa përndryshe njoftuan riaktivizimin e grevës sot.
Sindikata edhe në njoftimin reagoi për shpalljen e fundit për punësime të reja në M-NAV, të cilin e vlerësoi si “mosplotësim të nevojave reale, urgjente dhe thelbësore të kompanisë”. Ajo kërkoi anulimin e njoftimit dhe plotësimin përfundimtar të pozicioneve të punës përmes riorganizimit të punonjësve ekzistues në M-NAV përmes një njoftimi të brendshëm ose duke shtuar detyra pune për punonjësit e angazhuar në mënyrë të pamjaftueshme, si dhe riorganizime në departamente dhe riorganizim racional të kuadrit ekzistues.
Udhëheqësia e SHA në pronësi shtetërore për shërbime në navigimin ajror M-NAV, para tri ditëve përmes një kumtese njoftoi se ndërmerr hapa për ekipim me kuadro, zbatimin e teknologjive të reja, zëvendësim të pajisjes së vjetër dhe riorganizim.
Sipas M-NAV, njoftimet e planifikuara për punësim do të punësojnë njerëz për të zëvendësuar kolegët që kanë dalë tashmë në pension ose do të ushtrojnë të drejtat e tyre të daljes në pension në muajt e ardhshëm, ndërrime gjeneratash dhe arsye të tjera.
Siç theksuan, po bëhen përpjekje të mëdha që të stabilizohet kompania e cila me vite të tëra ishte mjet i udhëheqjes joserioze dhe të papërgjegjshme.
Sipas udhëheqësisë, ka rezultate nga riorganizimi dhe ndryshimi në qasjen e menaxhimit me kuadrot, ndërsa në gjysmën e parë të vitit janë realizuar me rezultate pozitive me rritje të numrit të fluturimeve mbi qiellin e Maqedonisë së Veriut për mbi 12 për qind. Për gjashtë muaj janë realizuar 133 474 fluturime për dallim të periudhës së njëjtë të vitit të kaluar kur janë realizuar 119 972 fluturime duke përfshirë edhe fluturimet deri dhe nga Shkupi dhe Ohri.k
Lajme
I dha 15 mijë euro ryshfet për të dalë nga burgu, mbeti edhe në burg edhe pa para
Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.
Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.
Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri
Lajme
Kasami: Ndeshje spektakolare me një frymë të vërtet vëllazërore
Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1
Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.
Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.
Postimi i plotë i Kasamit:
“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!
Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme
MPB me njoftim të rëndësishëm për sistemin “Safe City”
Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.
Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.
-
Lajme5 months agoZbulohet Identiteti i Personit Të Vrarë Në Tetovë
-
Lajme1 year agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme5 months agoAplikacion që zbulon kamerat radar, shoferët e shkarkojnë masivisht
-
Lajme2 years agoBurrin e Shkurte Fejzës e godet vetura (PAMJE)
-
Lajme2 years agoJa kush janë 13 deputetët e koalicionit “VLEN” (Lista)
-
Lajme2 years agoDetajet për vrasjen në Bllacë të Shkupit, 57 vjeçari Zelqif Tusha gjendet i vrarë
