Lajme

Çarshia e Shkupit mbetet më e preferuara e turistëve

Turistët vazhdojnë të zbulojnë bukuritë e Maqedonisë së Veriut një destinacion në rritje për pushime kulturore dhe historike.Maqedonia e Veriut po shëndrrohet në një nga destinacionet më të preferuara për tursitët, të cilët po shtohen në numër dhe interes për të zbuluar historinë, kulturën dhe natyrën unike të këtij vendi ballkanik. Me anta shpine, kamera në dorë dhe kuriozitet të madh, disa ifte e disa një grup shoqëror, turistët vazhdojnë të hulumtojnë pjesët e bukura të arshisë dhe pjesën tjetër. Disa thanë për vizitë familjare, disa për historin dhe kulturën e vendit e disa në muaj të mjaltit secili prej tyre me arsye të ndryshme por të gjithë për vizitë në Shkupin e bukur.

TURIST

“Unë këtu kam lindur kam të afërt këtu në fshatin Veleshtë, kam ardhur për vizitë një javë të shëtisim dhe përsëri do të kthehemi në shtetit tonë. Një vend i bukur për ta shëtitur edhe pse kam lindur këtu dëshirova ta shihja. Jemi shumë të kënaqur i takuam të afërmit tanë me mikëpritjen, jemi shumë të kënaqur të gjithë afrohen me nijet të mirë. Patjeter që dëshiroj të vij përsëri’’.

TURIST

“Ne menduam që të jetë një shëtitje kulturore ne kemi ardhur nga gjermania, dje ishëm në Zagreb sot jemi në Shkup duke i mare t kryeqytetet duam ti vizitojmë të gjithë. Sot erdhëm në Shkup, e lam me një anë bukurin e saj dhe, historin e Shkupit erdhem ta analizojmë sepse këtu ka dy kultura dhe këta dy kultura kanë një urë që i bashkon dhe dëshiruam që takohemi me të gjithë e bëm vizitën dhe sot do të kthehemi. Ushqimet ngjasojnë pak me ushqimet turke ndërtimet e vjetra historike ndërtimet osmane njerëzit janë shumë të afërt pjesa e çarshisë është shumë e bukur pjesa e pazarit aty është shumë bukur domethënë vendet historike’’.

Njëkohësisht takuam një ift ku thanë se janë në muajin e mjaltit dhe po bënin një tur ballkanik se në Shkup ishte dita e tyre e parë.

TURIST

“Jemi duke i vizituar vendet ballkanike për atë arsye për shtetin e tretë e zgjodhëm këtë vend njëkohësisht jemi në muaj të mjaltit për atë arsye na intereson edhe Ohri dhe menduam se do të jetë vend i duhur për muaj të mjaltit dhe do të kalojmë aty’’.

TURIST

“Ne po udhëtojmë për në Greqi dhe ne po udhëtojmë me autobus, kështu që ne e bëmë një ndalesë këtu. Ne ishim në kanjon ishte shumë mirë, ne bëmë kanjoning ishte mjaft bukur dhe marketet këtu janë po ashtu shumë të mira. Dhe ushqimi është me të vërtetë shumë i mirë. Ushqimi ishte me të vërtetë i mirë dhe mikpritja ishte e mirë, çdonjëri është shum i mirë dhe i shoqëruar dhe ndihmues”.

TURIST

“Jam nga Zvicra, shtë qytet i bukur, njerëz të mirë, ushqim i mirë dhe ne jemi vetëm duke shëtitur, po ishte vërtetë shumë mirë të ndalojmë këtu, vetëm dy ditë dhe pastaj ne do të shkojmë në Kosovë’’.

Turisti nga Zvicra theksoi se kultura dhe njerëzit e Shkupit jan t mrekullueshëm dhe se ai do ta vizitonte përsëri Shkupin e bukur me përplot histori, kultur dhe shumë vende mahnitëse për tu parë. /Shenja/

Lajme

Alpinisti i vdekur në Majën e Titos është nga fshati Xhepçisht?!

Personi që humbi jetën sot në zonën e “Kodrës së Diellit”, përkatësisht në afërsi të Majës së Titos, mësohet se është nga fshati Xhepçisht i Komunës së Tetovës, mëson tetova1

Sipas informacioneve të para, bëhet fjalë për një person mbi 70-vjeç, i cili kishte dalë në zonën malore si alpinist. Për shkak të terrenit të vështirë dhe të paarritshëm me mjete të zakonshme, trupi i pajetë është transportuar me helikopter nga zona malore. Autoritetet pritet të japin më shumë detaje lidhur me rrethanat e ngjarjes./tetova1.mk

Lajme

Maran e la jashtë listës së Kombëtares, reagon Jasir Asani

Jasir Asani ishte një nga befasitë e trajnerit Maran, pasi mëngjarashi nuk ishte pjesë e listës me 29 futbollistë të grumbulluar për 4 ndeshjet e kombëtares në Ligën e Kombeve.

Këtë Asani nuk e ka “kapërdirë” dot dhe ka reaguar në rrjetet sociale. Asani ka “ironizuar”, me dy postime të bëra.

“Po rri urtë, se e di veten. Historia nuk harrohet kurrë. Më mirë të mos flas më…”, shkruan Jasir Asani në rrjetet sociale.

Lajme

Këto janë të dhënat që nuk duhet t’ia jepni ChatGPT-së

ChatGPT është bërë pjesë e përditshmërisë së shumë njerëzve, të cilët e përdorin për gjithçka, nga recetat dhe CV-të, deri te këshillat për shëndetin dhe problemet në punë.

Por përdorimi gjithnjë e më i madh i chatbotëve po ngre shqetësime te ekspertët e privatësisë, të cilët paralajmërojnë se disa informacione personale dhe konfidenciale nuk duhet të ndahen në bisedat me inteligjencën artificiale.

Sipas ekspertëve të cituar nga “HuffPost”, përdoruesit duhet të shmangin ndarjen e të dhënave që mund t’i identifikojnë drejtpërdrejt.

Të dhënat personale

Emri i plotë, adresa, numri i telefonit, numri personal, të dhënat e pasaportës, patentës apo dokumenteve të tjera zyrtare janë ndër informacionet që këshillohet të mos ndahen.

Ekspertët rekomandojnë që edhe para ngarkimit të një dokumenti për analizë të hiqen të dhënat që mund të identifikojnë personin.

Problemet dhe informacionet intime

Komunikimi natyral me chatbotët mund t’i bëjë përdoruesit të ndajnë histori familjare, probleme personale apo informacione intime.

Ekspertët paralajmërojnë se një chatbot nuk duhet trajtuar si psikolog, mjek apo avokat, pasi nuk ka të njëjtat detyrime profesionale dhe ligjore për konfidencialitet.

Dokumentet mjekësore
Raportet mjekësore dhe analizat laboratorike mund të përdoren për të marrë shpjegime nga inteligjenca artificiale, por këshillohet që paraprakisht të fshihen emri, datëlindja, numri personal dhe të dhënat e tjera identifikuese.
Informacionet e kompanisë

Raportet e brendshme, kontratat, të dhënat e klientëve, kodet burimore dhe dokumentet që mbrohen nga marrëveshjet e konfidencialitetit nuk duhet të ngarkohen pa autorizim.

Një veprim i tillë mund të krijojë probleme ligjore, kontraktuale ose rregullatore për punonjësin dhe kompaninë.

Të dhënat financiare

Numrat e llogarive bankare, të dhënat e kartave të kreditit, informacionet mbi investimet, të ardhurat dhe deklaratat tatimore janë gjithashtu informacione që duhet të mbahen larg chatbotëve.

Ekspertët këshillojnë përdoruesit të kontrollojnë cilësimet e privatësisë në platformat e inteligjencës artificiale dhe, kur është e mundur, të kufizojnë përdorimin e bisedave për trajnimin e modeleve.

Një alternativë është përdorimi i pseudonimeve ose përshkrimeve të përgjithshme në vend të emrave dhe të dhënave reale, duke i dhënë chatbotit kontekstin e nevojshëm pa ekspozuar informacionet personale apo konfidenciale.