Lajme

Presidenti amerikan Trump: Kemi disa lajme të mira lidhur me Gazën

Presidenti i SHBA-së, Donald Trump, tha se kanë disa lajme të mira lidhur me Gazën, para takimit të tij me Kryeministrin dhe Ministrin e Jashtëm të Katarit, Sheikh Mohammed bin Abdulrahman Al Thani, raporton Anadolu.

Trump foli në një ceremoni nënshkrimi të mbajtur në Shtëpinë e Bardhë dje, ndërsa negociatat për një armëpushim në Gaza vazhdojnë në Doha, kryeqytetin e Katarit.

“Kemi disa lajme të mira për Gazën dhe kemi disa lajme të mira për disa çështje shumë të nivelit të lartë mbi të cilat po punojmë”, tha Trump, ndërsa falënderoi Përfaqësuesin Special për Lindjen e Mesme, Steve Witkoff.

Trump, i cili nuk dha asnjë detaj mbi këtë çështje, zhvilloi një takim me dyer të mbyllura me Al Thanin në Shtëpinë e Bardhë pas ceremonisë së nënshkrimit.

– Negociatat për armëpushim në Gaza

Presidenti i SHBA-së, Donald Trump, njoftoi se Izraeli kishte pranuar kushtet për një armëpushim 60-ditor në Rripin e Gazës. Oferta iu paraqit Hamasit nga Katari dhe Egjipti, të cilët po ndërmjetësojnë bisedimet për armëpushim.

Hamasi kishte njoftuar se kishte përcjellë “përgjigjen pozitive” ndaj ofertës për një armëpushim dhe marrëveshje për shkëmbim të të burgosurve me Izraelin në Gaza te ndërmjetësuesit dhe se ishte gati për negociata për të zbatuar armëpushimin.

Administrata e Tel Avivit kishte argumentuar se amendamenti i Hamasit në propozimin e Katarit për armëpushim në Gaza ishte i papranueshëm, por delegacioni izraelit shkoi në Doha, kryeqytetin e Katarit, për negociata.

Theksohet se mosmarrëveshjet u zgjidhën kryesisht në negociatat që po zhvilloheshin në Doha, por këmbëngulja e Izraelit për të ruajtur pushtimin e qytetit të Rafah dhe të Korridorit Morag që ndan qytetet e Rafah dhe Khan Younis në jug të Rripit të Gazës nuk mundi të kapërcehej.

Lajme

Mickoski: Jemi me çmime më të lira të naftës, vendet fqinje vërshuan tek ne, kemi rezerva

Ky është përkthimi i deklaratës së Kryeministrit të Maqedonisë së Veriut, Hristijan Mickoski, lidhur me situatën e furnizimit me karburante:

Mickoski: Furnizimi me naftë është stabil, inspektorët janë në terren për shkak të kufizimeve në disa pompa

Kryeministri Hristijan Mickoski deklaroi se Inspektorati Shtetëror i Tregut (ISHhT) është në terren pas ankesave të qytetarëve se në disa pika karburanti ka kufizime gjatë furnizimit me dizel, por theksoi se furnizimi me naftë dhe derivate të naftës në vend është stabil.

Ai bëri të ditur se këto dukuri janë vërejtur kryesisht në komunat kufitare, ku ka presion të shtuar për shkak të çmimeve dukshëm më të larta të karburanteve në shtetet fqinje.

“Inspektorati Shtetëror i Tregut është në terren. Janë vërejtur sjellje të tilla në disa pompa në komunat kufitare sepse ka një presion të madh nga shtetet fqinje, ku çmimi i energjentëve është për mbi 40 deri në 50 për qind më i lartë se tek ne. Në Serbinë fqinje, çmimi është midis 120 dhe 130 denarë për litër, ndërsa tek ne dizeli është 71 denarë. Si rezultat i këtij presioni, kemi një rritje kolosale të konsumit të naftës dhe derivateve, dhe mbase për këtë arsye në pika të caktuara karburanti ka mungesë të sasive,” tha Mickoski.

Ai shtoi se sipas informacioneve që ka marrë nga Inspektorati, në mbarë territorin e shtetit qytetarët dhe bizneset po furnizohen pa ndërprerje.

Rezervat shtetërore janë të mjaftueshme
Mickoski nënvizoi se rezervat shtetërore janë të mjaftueshme për një periudhë të gjatë dhe se gjendja energjetike në vend është stabile.

“Rezervat shtetërore mund të mbulojnë konsumin e plotë për më shumë se 62 ditë, furnizimi do të thosha se është më se i shkëlqyer. Kur filluam të ristartojmë naftësjellësin me fqinjin tonë jugor (Greqinë), shumëkujt i dukej e çuditshme dhe e pamundur, por u kaluan të gjitha testet dhe mund ta shfrytëzojmë edhe atë kapital. Mund ta vëmë në dispozicion edhe të fqinjëve. Maqedonia në këtë moment ka gjendje stabile energjetike, është faktor stabiliteti në rajon dhe qytetarët paguajnë çmimin më të lirë për naftën dhe derivatet,” shtoi Mickoski.(INA)

Lajme

Nata e Zjarreve” në Prekaz mbylli aktivitetet në kuadër të Epopesë së UÇK-së

Epopeja e Ushtrisë Çlirimtare të Kosovës kulmoi sonte në Prekaz me ceremoninë tradicionale të Natës së Zjarreve, një nga momentet më simbolike të përkujtimit të rënies heroike të familjes Jashari.

Në 28-vjetorin e kësaj ngjarjeje historike, qytetarë të shumtë nga të gjitha trojet shqiptare u mblodhën në Kompleksin Memorial në Prekaz për të nderuar sakrificën e komandantit legjendar Adem Jashari dhe familjes Jashari që ranë për lirinë e Kosovës.

Ceremonia u zhvillua në zemrën e Prekazit. Pjesëtarë të Ushtrisë së Kosovës ndezën flakadanin pranë Kullës së Lirisë, duke nisur kështu ritin tradicional të Natës së Zjarreve. Pas nderimit që i bënë kullës, ata marshuan drejt vendit ku prehen dëshmorët e kombit, pranë varreve të komandantit legjendar Adem Jashari, bacës Shaban, Hamzës, dajës Osman dhe të gjithë anëtarëve të tjerë të familjes Jashari.

Flakadanë u ndezën edhe pranë shtëpisë së heroinës Nënë Shkurte dhe tek bunkeri i komandantit Adem Jashari. Nga këto tri drejtime, nga kullat e Jasharajve, nga shtëpia e Nënës Shkurte dhe nga bunkeri, pjesëtarët e Ushtrisë së Kosovës u nisën drejt një pike të përbashkët, duke simbolizuar bashkimin e forcave që luftuan për lirinë e vendit.

Në këtë marshim simbolik u bashkuan edhe ushtarët e Forcës së Sigurisë së Kosovës, të cilët konsiderohen vazhdimësi e Ushtrisë së Kosovës si dhe qytetarë, nxënës dhe të rinj nga kjo trevë. Të gjithë së bashku marshuan drejt vendit ku ranë dëshmorët e kombit.

Nxënësit e shkollës “Hamzë Jashari” u rreshtuan me respekt para varrezave për të bërë nderime. Ata vendosën lule një nga një mbi varret e heronjve të familjes Jashari, në shenjë mirënjohjeje dhe respekti për sakrificën e tyre.

Flakadanët e ndezur gjatë ceremonisë simbolizojnë përhapjen e zjarrit të lirisë dhe të luftës çlirimtare gjithandej Kosovës.

Ndërsa, zjarri më i madh që ndizet gjatë kësaj nate përfaqëson zjarrin e pushkës së komandantit legjendar Adem Jashari, simbol i qëndresës dhe sakrificës për liri.

Lajme

Bileta e fluturimit Dubai-Shkup arrin çmimin 20 mijë euro!

Situata në Lindjen e Mesme ka lënë të bllokuar rreth 700 deri në 800 shtetas maqedonas, të cilët e kanë pothuajse të pamundur kthimin në shtëpi për shkak të përshkallëzimit të konfliktit, shkruan faktor.mk.

Sipas Arkan Kerim nga Oda Turistike-Hotelierike, fluturimet janë ndërprerë pasi aeroporti i Dubait ka ndaluar punën, duke paralizuar transportin ajror midis Azisë dhe Evropës.

Çmimet e biletave kanë arritur nivele rekord, ku një vend i vetëm nga Dubai për në Shkup ka kushtuar deri në 20.000 euro. Kthimi mbetet sfidë edhe përmes rrugëve alternative si Arabia Saudite, për shkak të procedurave të vështira për pajisjen me viza për qytetarët maqedonas.