Lajme

Gaza, një vajzë 4-vjeçare vdiq nga uria pasi Izraeli kufizoi ndihmën

Një tjetër fëmijë vdes nga uria në Rripin e Gazës, ku Izraeli ka kufizuar hyrjen e ndihmës humanitare dhe ka shkaktuar një katastrofë humanitare, transmeton Anadolu.

Sipas agjencisë zyrtare palestineze të lajmeve WAFA, e cila citon burime në Spitalin e Martirëve Al-Aksa në Rripin e Gazës, 4-vjeçarja Rezzan Abu Zahir vdiq si pasojë e ndërlikimeve nga kequshqyerja dhe uria.

Në lajm thuhet se qindra njerëz të të gjitha moshave po përballen me uri të rëndë dhe kequshqyerje në spitalet në Rripin e Gazës.

– 17.000 fëmijë në Gaza vuajnë nga kequshqyerja e rëndë

Bëhet e ditur se 17.000 fëmijë në Gaza vuajnë nga kequshqyerje e rëndë dhe pacientët po trajtohen për stres dhe humbje të kujtesës të shkaktuar nga uria e madhe.

Theksohet se spitalet nuk kanë shtretër dhe ilaçe të mjaftueshme për shumë pacientë që vuajnë nga kequshqyerja kronike.

Agjencia e Kombeve të Bashkuara për Ndihmë dhe Punë për Refugjatët Palestinezë në Lindjen e Afërt (UNRWA) ka paralajmëruar se kequshqyerja tek fëmijët nën pesë vjeç është dyfishuar midis marsit dhe qershorit për shkak të bllokadës izraelite ndaj Rripit të Gazës.

Izraeli ka bllokuar ndihmën mjekësore dhe humanitare që të hyjë në Rripin e Gazës duke mbyllur pikat kufitare që nga marsi. Izraeli, i cili ka vazhduar sulmet e tij në Rripin e Gazës që nga 7 tetori 2023, po shkakton një katastrofë të madhe humanitare në rajon me politikën e tij të “urisë”.

Lajme

Incident në Pallaticë: Qytetarët raportojnë kërcënime pas një debati mes bashkëfshatarëve

Një rast kërcënimi është raportuar më 12 janar 2026 në SPB Tetovë nga A.B. (64) nga fshati Pallaticë, komuna e Zhelinës. Sipas denoncimit, rreth orës 16:30, derisa ndodhej në objektin e tij hotelierik bashkë me djalin e tij V.S., ka ndodhur një debat paraprak me një bashkëfshatar, pas së cilit personi me iniciale G.N. dyshohet se i ka kërcënuar ata.

Ngjarja ka shkaktuar shqetësim te të përfshirët, ndërsa rasti është raportuar menjëherë në polici. Zyrtarët policorë kanë nisur procedurat hetimore dhe po ndërmarrin masa për zbardhjen e plotë të rrethanave të incidentit, si dhe për dokumentimin e provave përkatëse.

Nga SPB Tetovë njoftojnë se pas kompletimit të rastit do të veprohet në përputhje me dispozitat ligjore.

Lajme

Për një vit, mbi 11 mijë punëtorë nga Maqedonia kanë marrë leje pune në Kroaci

Kryetari i Lidhjes së Sindikatave të Maqedonisë, Slobodan Trendafillov në një postim në Facebook thotë se mbi 11 mijë punëtorë të kualifikuar nga Maqedonia kanë shkuar për të punuar në Kroaci, përcjell TV21. Trendafillov thotë se biznesi po përballet me mungesë të fuqisë punëtore.

“Në vitin 2025, 11.384 punëtorë nga Maqedonia kanë marrë leje pune për të punuar në Kroaci, dhe shumë të tjerë janë larguar drejt Malit të Zi, Sllovenisë, Gjermanisë etj, ndërsa punëdhënësit e Maqedonisë kanë zëvendësuar vetëm 8.500 prej tyre me punëtorë nga Bangladeshi, Nepali dhe India (për të cilët dyshohet se kanë qëndruar në Maqedoni). Punëdhënësit ankohen se nuk kanë punëtorë të kualifikuar, qeveria mendon se nuk duhet të rriten pagat, ndërsa punëtorët largohen nga Maqedonia”, thotë kreu i LSDM-së.

Lajme

LSDM: Mickoski e çon vendin drejt izolimit me fushatë anti-BE

Qeveria aktuale e Kryeministrit Mickoski, në vend të integrimit, po e çon vendin drejt izolimit, akuzojnë sot nga LSDM.

“Një bashkëpunëtor i ngushtë i Mickoskit dhe zv. kryeministrit në qeverinë e tij është Ivan Stoilkoviq, qëndrimet e hapura pro-ruse dhe lidhjet e drejtpërdrejta të të cilit me Moskën përbëjnë një kërcënim serioz për orientimin euroatlantik të vendit.

Vetëm pak ditë më parë, zëvendëskryeministri Ivan Stoilkovic mori pjesë në festimin e Ditës së Republikës Serbe së bashku me grupin “Ujqërit e Natës”, të njohur për mbështetjen e Putinit dhe përhapjen e narrativave anti-perëndimore.

Edhe më keq se kjo është se vetë kryeministri Mickoski, pavarësisht deklaratave publike për bashkëpunim strategjik me SHBA-në dhe integrimin në BE, me veprimet e tij dhe lidhjet e ngushta me Vuçiqin dhe SNS-në, po bën gjithçka të kundërtën, duke e çuar Maqedoninë drejt izolimit.

Reformat e BE-së shmangen qëllimisht, konfliktet me fqinjët krijohen qëllimisht, arsyet shpiken për të bllokuar negociatat. E gjitha është një skenar i sajuar, pjesë e një fushate anti-BE që qeveria të vazhdojë të plaçkitë vendin.

Sipas hulumtimit të fundit nga viti 2025, deri në 70% e qytetarëve të Maqedonisë së Veriut mbështesin anëtarësimin në BE, dhe 77% e shohin anëtarësimin në NATO si pozitiv”, thonë nga LSDM.