Lajme

Pa rrymë disa rrugë në Gazi Babë dhe Kisella Vodë

Për shkak të punimeve teknike në rrjetin e shpërndarjes së energjisë elektrike, sot pa rrymë në periudha të caktuara kohore do të jenë disa rrugë në komunat e Gazi Babës dhe Kisella Vodës, informon Qendra rajonale për menaxhim me kriza e Qytetit të Shkupit nga EVN Macedoni SHA.

Në periudhën nga ora 06:30 deri në orën 12:00, energji elektrike nuk do të kenë një pjesë e rrugës Pero Nakov, kompanitë Jogomerkur, Osogovski, Makohemia, Stokomak, objektet pranë Stokomakut në rrugën Pero Nakov, Zllatno Zhito dhe konsumatorët në rrugën Maxhari në komunën e Gazi Babës, ndërsa në periudhën nga ora 08:00 deri në orën 11:00, një pjesë e N.Pripor, përgjatë rrugës kryesore Hristo Tatarçev në komunën e Kisella Vodës.

Qendra rajonale për menaxhim me kriza e Qytetit të Shkupit, pas marrjes së njoftimit nga NP Ujësjellësi dhe Kanalizimi informoi se sot për shkak të zëvendësimit të një valvule f 100 mm në rrugën Karl Libkneht, nr. 84, nga ora 09:00, furnizimi me ujë do të ndërpritet për përdoruesit e rrugës Karl Libkneht, Anri Barbis, Temko Popov dhe një pjesë e rrugës Karl Hron në komunën e Gazi Babës deri në përfundimin e punimeve.

Në periudhën nga ora 08:00, për shkak të riparimit të një gypi në Moranë (uikend shtëpizë), mund të ketë ndërprerje të vogël të furnizimit me ujë në fshatin Moranë, Komunë e Studeniçanit deri në përfundimin e punimeve.

Lajme

Gjinekologu Muhamed Asani shkon në burg, pasi i njëjti i hoqi pacientes mitren, veshkën dhe vezoren, pa arsye!

Gjinekologu Muhamed Asani para dy javësh është dënuar përfundimisht me tre vite burg, pasi gjatë një ndërhyrjeje me prerje cezariane i ka hequr mitrën, vezoren dhe veshkën pacientes Jaldz Veaposka nga Dibra. Siç raporton “Sloboden Peçat”, Gjykata e Apelit në Manastir e ka refuzuar ankesën e tij dhe e ka vërtetuar dënimin me burg për vepra të rënda kundër shëndetit të njerëzve.

Gjithashtu, Gjykata e Apelit ka konfirmuar edhe sanksionin shtesë për gjinekologun Asani – ndalim për ushtrimin e profesionit, veprimtarisë apo detyrës si mjek për pesë vite.

Gjinekologu Muhamed Asani është dënuar sepse gjatë një ndërhyrjeje (lindje me operacion – cezariane) tek pacientja nga Dibra, Jaldz Veaposka, janë bërë ndërhyrje të rënda dhe të pajustifikuara mjekësore.

Çka konkretisht ka ndodhur sipas raportimeve:

* Gjatë operacionit, pacientës i janë hequr mitra, një vezore dhe një veshkë.
* Ekspertizat mjeko-ligjore kanë konstatuar se ndërhyrjet nuk kanë qenë të arsyetuara plotësisht mjekësisht dhe kanë shkaktuar pasoja të rënda për shëndetin e saj.
* Rasti është cilësuar si “vepër e rëndë kundër shëndetit të njerëzve”, sepse dëmtimi ka qenë i madh dhe i pakthyeshëm.
* Gjykatat kanë vlerësuar se ka pasur lëshime serioze profesionale (neglizhencë / gabim mjekësor) gjatë trajtimit./PaCensurë

Lajme

19 vjeçari humb jetën në aksident trafiku në Maqedoninë e Veriut

Një aksident i rëndë trafiku ka ndodhur këtë mëngjes në Prilep, njoftoi Ministria e Punëve të Brendshme.

“Këtë mëngjes në orën 06:23 në Njësinë e Punëve të Brendshme të Prilepit, është raportuar se në rrugën “Lece Kotevski” në Prilep, ka ndodhur një aksident trafiku midis një autobusi me targa të Prilepit, të drejtuar nga G.K. (62) nga Prilepi dhe një motoçiklete “Honda” pa targa, të drejtuar nga V.B. (19) nga fshati Konjarë e Madhe, Prilep.

Pas aksidentit, V.B. është transferuar në Spitalin e Qytetit – Prilep, ku një mjek e ka shpallur të vdekur. Hetimet janë kryer nga ekipi hetimor i Njësisë së Punëve të Brendshme të Prilepit”, thuhet në një njoftim të Ministrisë së Punëve të Brendshme.

Lajme

“Maqedonët kanë probleme mes vete”, Hasani: Duan të na e lënë kopilin te dera!

I ftuar në emisionin debativ Click Plus, në Tv21, deputeti i BDI-së. Ilir Hsani aadresoi kritika ndaj palës maqdonase për çështjen e shtetësisë. Ai tha mes tjerash se shumë njerëz kanë shtetësi të dyfishtë, të të gjitha nacionaliteteve në të gjitha pjesët e Maqedonisë që kufizohen me vendet fqinje.

Sipas Hsanit partitë maqedone kanë probleme mes vete dhe siç u shpreh ai, duan të na e lënë kopilin te dera.

Të diskriminohen tanë ky numër i qytetarëve që duan të kontribuojnë për të mirën e këtij vendi është e paparë. Maqedonët mes vete kanë hy në konflikt neve kopilin te dera duan me na e lënë, po nuk shkon ashtu”, shpreh Ilir Hasani.