Lajme

SHBA-ja kundërshton vendimin e Macronit për të njohur shtetin palestinez

Shtetet e Bashkuara të Amerikës (SHBA) reaguan ndaj njoftimit të Presidentit francez, Emmanuel Macron, se Franca do të njohë zyrtarisht shtetin palestinez në Asamblenë e Përgjithshme të OKB-së këtë shtator, transmeton Anadolu.

“SHBA-ja e kundërshton me forcë planin e Emmanuel Macron për të njohur një shtet palestinez në asamblenë e përgjithshme të OKB-së,” shkroi Sekretari amerikan i Shtetit, Marco Rubio, në X.

“Ky vendim i pamatur i shërben vetëm propagandës së Hamasit dhe e pengon paqen. Është një shuplakë në fytyrë për viktimat e 7 tetorit”, shtoi ai.

Macron shprehu dje qëllimin e tij për të njohur Palestinën gjatë takimit vjetor të liderëve botërorë në New York, duke thënë në një letër publike drejtuar Presidentit palestinez, Mahmoud Abbas: “Kam nderin të konfirmoj se, në dritën e angazhimeve tuaja, Franca do ta njohë plotësisht Palestinën si shtet kur të shkoj në Asamblenë e Përgjithshme të Kombeve të Bashkuara në shtator”.

“Duke vepruar kështu, Franca do të japë një kontribut vendimtar për paqen në Lindjen e Mesme dhe do të mobilizojë të gjithë partnerët e saj ndërkombëtarë që dëshirojnë të marrin pjesë”, shtoi ai.

Kryeministri izraelit, Benjamin Netanyahu, e sulmoi ashpër veprimin e Macronit, duke thënë se njohja në kushtet aktuale “shpërblen terrorin dhe rrezikon krijimin e një tjetër ‘proxy’ iranian, ashtu siç u bë Gaza”.

Franca do të bëhet anëtari i parë i G7, një grup i ekonomive më të mëdha të përparuara në botë që njeh një shtet palestinez. Aktualisht, 147 nga 193 shtete anëtare të OKB-së e njohin zyrtarisht shtetin e Palestinës.

Zëvendëspresidenti palestinez, Hussein Al Sheikh e përshëndeti vendimin e Macronit, duke e quajtur atë një pasqyrim të “angazhimit të Francës ndaj ligjit ndërkombëtar dhe mbështetjes së saj për të drejtën e popullit palestinez për vetëvendosje”.

Ky veprim vjen gjithashtu mes ofensivës brutale të Izraelit në Rripin e Gazës që nga 7 tetori 2023, e cila ka vrarë gati 60.000 palestinezë, shumica prej tyre gra dhe fëmijë.

Fushata ushtarake ka shkatërruar enklavën, ka shkatërruar sistemin e kujdesit shëndetësor dhe ka çuar në mungesa të mëdha ushqimore.

Lajme

I dha 15 mijë euro ryshfet për të dalë nga burgu, mbeti edhe në burg edhe pa para

Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.

Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.

Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme

MPB me njoftim të rëndësishëm për sistemin “Safe City”

Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.

Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.