Lajme

“SHBA dha 60 milionë dollarë në Gazë për ushqime”, Trump: Të paktën dikush duhet të na falënderojë

Presidenti i Shteteve të Bashkuara, Donald Trump, ka reaguar për situatën humanitare në Gaza, gjatë një deklarate për mediat në Skoci, përpara një takimi me Presidenten e Komisionit Evropian, Ursula von der Leyen.

I pyetur nëse Izraeli duhet të bëjë më shumë për të lejuar hyrjen e ndihmave humanitare në Gaza, Trump tha se SHBA kishte dhënë 60 milionë dollarë për ushqim dhe ndihma, por shtoi se “askush nuk e pranoi këtë” dhe se “duhet të paktën që dikush të falënderojë” për përpjekjet e Amerikës.

Presidenti amerikan u ndal edhe te çështja e pengjeve izraelite që ndodhen ende në Gaza, duke përmendur takimet me familjarë të viktimave, të cilët kërkojnë kthimin e trupave të të afërmve të tyre.

Trump konfirmoi se ka diskutuar për situatën në rajon me kryeministrin izraelit Benjamin Netanyahu, ku një nga temat kryesore ka qenë edhe Irani. Ai shtoi se SHBA do të japë ndihmë shtesë për Gazën, por kërkoi që edhe vendet e tjera të marrin përgjegjësi, duke e cilësuar krizën si një “problem ndërkombëtar”.
I pyetur për pamjet e fëmijëve të uritur në Gaza, Trump i quajti ato “të tmerrshme”, duke shtuar se “i gjithë ai vend është një rrëmujë” dhe se njerëzit “po vjedhin gjithçka”.

Sa i përket hapave të ardhshme, Trump u shpreh se “Izraeli do të duhet të marrë një vendim”, duke shtuar: “E di çfarë do të bëja, por nuk mendoj se është e përshtatshme ta them”.

Në fund, ai konfirmoi se do të takohet me kryeministrin britanik Keir Starmer, për çështje të ndryshme, përfshirë edhe Izraelin dhe një marrëveshje të re tregtare SHBA-Britani e Madhe.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net