Lajme

Bujar Osmani: Kam një traumë, i besova Visar Ganiut më 2017-ën

Kandidati I BDI-së për kryetar komune të Çairit, Bujar Osmani thotë se do të shpallë moratorium ndërtimi nëse e fiton Çairin. Në një intervistë për TV sitell ai thotë se nuk do t’i shembë ndërtimet pa leje, por do të kërkojë që ato të verifikohen. Si barrë personale, apo traumë politike që I qëndron mbi shpinë ai përmend veprimet e Visar Ganiut me të cilin gjatë fushatës së vitit 2017 kanë premtuar ndërprerje të praktikave të punës së Izet mexhitit, por se menjëherë pas zgjedhjeve, Ganiu ka hyrë, siç thotë Osmani në krahët e Mexhitit.

BUJAR OSMANI, KANDIDAT PËR ÇAIRIN

“Po nëse kam ndonjë barrë personale, traumë politike personale,nëse mund të them kështu, është se besoja se Visar Ganiu ishte një atlet i ri, i panjohur në atë kohë, se ai po vinte idenë e një ndërprerjeje të plotë në mënyrën se si Mexhiti punonte më parë. Dhe tani mendoj se kandidatura e Mexhitit është një kthim në atë që ishte edhe para Visar Ganiut, dhe kjo është një fyerje për Çairin”.

Sipas tij zgjedhjet lokale janë edhe një referendum dhe siç thekson Osmani për këtë arsye ka një bashkim të skenës politike shqiptare.

BUJAR OSMANI, KANDIDAT PËR ÇAIRIN

“Ju i keni dy partitë më të mëdha politike shqiptare, BDI-në dhe Aleancën, të bashkuara në një front. Kjo është njësoj sikur VMRO dhe LSDM të ishin bashkuar në një front. E di që edhe disa parti të vogla do të jenë në qeveri për t’i përfaqësuar maqedonasit – kështu është tani. Keni fraksione të vogla që gjithmonë kanë qenë shtojca të dy partive të mëdha, të cilat VMRO-DPMNE i ka ‘inxhinieruar’ si përfaqësues shqiptarë. Ndërkohë, dy partitë më të mëdha shqiptare janë bashkuar në një koalicion dhe thonë se kjo gjendje nuk mund të vazhdojë kështu”.

Osmani thotë se duhet të ketë zgjedhje të parakohshme parlamentare së bashku me zgjedhjet lokale, por sipas tij është e qartë se kjo qeveri nuk ka treguar rezultate në asnjë fushë të jetës.

Lajme

Superlajm për tifozët e Shkëndijës së Tetovës

Tifozët e KF Shkëndijës dhe dashamirësit e futbollit do të kenë mundësinë të ndjekin sërish nga afër paraqitjen e kuqezinjve në skenën evropiane.

Televizioni Publik TVM2 ka siguruar të drejtat e transmetimit direkt për ndeshjen e rëndësishme të raundit të tretë kualifikues të Ligës së Konferencës.

Ekipi nga Tetova do të përballet në udhëtim me skuadrën skoceze Hibernian, në një duel që premton emocione të mëdha dhe rivalitet të lartë për kalimin në fazën tjetër.

Lajme

Shtrenjtohet edhe më shumë nafta në Maqedoninë e Veriut

Komisioni Rregullor për Energjetikë (KRRE) ka marrë vendim të ri për çmimet e derivateve të naftës, të cilat do të pësojnë ulje dhe ngritje, duke filluar nga mesnata.

Sipas vendimit të fundit, çmimi i benzinave do të ulet për 2 denarë për litër. Nga ana tjetër, çmimi i derivateve të tjera shënon rritje: nafta do të shtrenjtohet për 1 denarë, ndërsa vaji ekstra i lehtë për 0,5 denarë për litër.

Çmimet e reja të derivateve të naftës:

EUROSUPER BS-95: 91,0 denarë/litër

EUROSUPER BS-98: 93,0 denarë/litër

EURODIESEL (Nafta): 99,5 denarë/litër

Vaji ekstra i lehtë (EL-1): 98,5 denarë/litër

Çmimet e reja do të hyjnë në fuqi pas mesnate dhe do të vlejnë në të gjitha pikat e karburanteve në vend.

Lajme

Rrahja brutale në Gostivar, policia identifikon katër veta

Ministria e Brendshme përmes një njoftimi informoi se ka identifikuar tre persona të cilët, sipas një videoje në rrjetet sociale, kanë sulmuar dhunshëm dy të rinj në Gostivar.

Policia shpjegon se personat e identifikuar janë dy të mitur nga Gostivari dhe një 20-vjeçar nga Shkupi.

„Dy të mitur nga Gostivari janë thirrur në stacionin policor për bisedë zyrtare, ndërsa dokumentet e tyre të udhëtimit janë konfiskuar me urdhër të prokurorit publik. Personi i tretë është V.D. (20) nga Shkupi, për të cilin është dërguar njoftim zyrtar në Stacionin Policor në Shkup për procedurë të mëtutjeshme“, njoftoi policia.
Ata theksojnë se ndaj të treve do të zbatohet një procedurë e përshpejtuar para gjykatës sapo të kompletohet dokumentacioni i plotë për rastin. Sipas autoriteteve, sulmi ka ndodhur në orët e para të mëngjesit të 2 gushtit në rrugën „Borçe Jovanoski“, ku dy të rinj janë goditur me mjete dhe shkopinj druri.

Në rrjetet sociale u shfaq një video-incizim shqetësues nga Gostivari, në të cilin shfaqet një përleshje e ashpër fizike mes një grupi më të madh të rinjsh.

Sipas informacioneve të publikuara, gjatë rrahjes, njëri nga djemtë është goditur në pjesën e kokës, pas së cilës ka rënë në tokë dhe ka mbetur i palëvizshëm.
Përkundër faktit se po shtrihej në rrugë, në incizim shihet se sulmi ka vazhduar me goditje të shumta ndaj trupit të tij, gjë që ka shkaktuar reagime dhe dënime të ashpra në rrjetet sociale.(INA)