Lajme

Vrasje në Shtip, djali vrau nënën me një objekt të mprehtë

Policia e Shtipit ka njoftuar se një vrasje ka ndodhur në qytet këtë mëngjes, pas së cilës policia ka ndaluar S.Z. (54) nga Shtipi.

Nga Ministria e Punëve të Brendshme thonë se incidenti ka ndodhur rreth orës 02:00 në shtëpinë familjare në Shtip. S.Z. e ka goditur nënën e tij me një objekt të mprehtë, pas së cilës ajo ka vdekur në vend. Një mjek nga Shërbimi i Urgjencës Mjekësore ka konfirmuar vdekjen.

“Në orën 04:15, policia nga SPB e Shtipit ndaloi të dyshuarin. Me urdhër të prokurorit publik, trupi i të ndjerës u dorëzua për autopsi, dhe një inspektim në vendngjarje u krye nga një ekip i SPB të Shtipit, nën udhëheqjen e Prokurorisë Publike. Arma e mprehtë u gjet dhe u sekuestrua për procedura të mëtejshme”, thoë nga policia.

Pas zbardhjes dhe dokumentimit të plotë të rastit, do të ngrihet kallëzim penal me procedurë urgjente sipas nenit 123 paragrafi 2 pika 2 e Kodit Penal.

Lajme

Ali Ahmeti pret sportistin e ri nga Tetova, Muhammed Dauti

Kryetari i Bashkimit Demokratik për Integrim, z. Ali Ahmeti, sot priti në takim sportistin e ri 12-vjeçar nga Tetova, Muhammed Dauti, i cili ka arritur një sukses të veçantë në paraqitjen e tij të parë në disiplinat Kickboxing & MMA.

Muhammed Dauti u shpall fitues në Garat Ballkanike të Sporteve Marciale, të zhvilluara në Tetovë, duke dëshmuar talentin, disiplinën dhe përkushtimin e tij në këtë fushë sportive.

Gjatë takimit, z. Ali Ahmeti e përgëzoi sportistin e ri për këtë rezultat të rëndësishëm dhe vlerësoi angazhimin e tij, duke theksuar rëndësinë e mbështetjes së të rinjve që me punë, vullnet dhe përkushtim arrijnë suksese dhe bëhen shembull për gjeneratat e reja.

Me këtë rast, Muhammed Dauti shprehu mirënjohjen e tij për pritjen dhe përkrahjen, duke i dedikuar z. Ali Ahmeti medaljen dhe diplomën e tij të parë si shenjë respekti dhe falënderimi për mbështetjen gjatë rrugëtimit të tij.

Ky takim ishte një moment motivimi për sportistin e ri, i cili synon të vazhdojë me përkushtim rrugën e tij sportive dhe të sjellë shumë suksese të tjera për Tetovën dhe vendin tonë.

Urime Muhammed Dautit për këtë arritje dhe suksese të mëtejshme në karrierën e tij sportive!

Ja postimi plotë:

Sot pata kënaqësinë të mirëpres sportistin e ri 12-vjeçar nga Tetova, Muhammed Dauti, i cili ka arritur një sukses të jashtëzakonshëm në paraqitjen e tij të parë në disiplinat Kickboxing & MMA, duke u shpallur fitues në Garat Ballkanike të Sporteve Marciale, të organizuara në Tetovë.

Ky sukses është dëshmi e talentit, përkushtimit dhe punës së palodhur të Muhammedit, si dhe një motivim për të gjithë të rinjtë që merren me sport.

I urova Muhammedit suksese të vazhdueshme në rrugëtimin e tij sportiv, me bindjen se ky është vetëm fillimi i një karriere të ndritur dhe i shumë arritjeve të tjera që do ta bëjnë krenare Tetovën dhe vendin tonë.

Urime për këtë sukses të merituar!

Lajme

Zeqiri: Uji në Tetovë është i pijshëm, qytetarët mund ta konsumojnë lirisht

Pas rastit me ndotjen e ujit në Gostivar, në Tetovë po bëhen çdo ditë analizat e ujit, përcjell TV21. Drejtor i NPK “Sharri”, Valon Zeqiri siguroi se në Tetovë uji është i pijshëm.

“Analizat na tregojnë se uji në Tetovë është i pijshëm dhe nuk ka asnjë problem, prandaj qytetarët mund ta konsumojnë lirisht”, tha mes tjerash Zeqiri.

Lajme

Një grua e moshuar është lënduar nga rënia e një peme në Karposh

Më 20.7.2026 në orën 20:25, SPB Shkup ka marrë njoftim se në zonën e Karposhit ka rënë një pemë dhe K.M. (86) nga Shkupi ka pësuar lëndime të rënda trupore, pas së cilës është transferuar në Institucionin Shëndetësor Publik “Shën Naumi i Ohrit” për ndihmë mjekësore.

Gjithashtu, një qytetar ka raportuar se, gjatë kërkimit të çantës së gruas së lënduar, ka gjetur një mjet shpërthyes, i cili më vonë është marrë nga vendi i ngjarjes për veprime të mëtejshme.

Prokurori publik është njoftuar dhe po merren masa për sqarim të ngjarjes./Telegrafi/