Lajme

Rikthehen zjarret në Maqedoni, vetëm sot janë regjistruar 22 vatra

Qendra për Menaxhim me Kriza ka njoftuar se se vetëm sot, deri në 9 të mëngjesit ka pasur 22 zjarre në hapësira të hapura, prej të cilave 1 është aktiv, ndërkaq 21 janë shuar.

AKTIV: 1
Komuna Brodit: Parku Kombëtar Jasen (pyll i përzier)

TË SHUARA: 21
1. Komuna Tetovë: f. Ozormishtë dhe f. Tezhet (vegjetacion i ulët)
2. Komuna Strumicë: f. Smollarë (vegjetacion i ulët)
3. Komuna Novacit: afër REK Manastir (vegjetacion i ulët)
4. Komuna Veles: f. Otovicë (vegjetacion i ulët)
5. Komuna Gostivar: pranë firmës Mizrashe (vegjetacion i ulët)
6. Komuna Karbincit: f. Krupishtë (vegjetacion i ulët)
7. Komuna Manastirit: f. Bratindol (vegjetacion i ulët)
8. Komuna Prilep: Kazerma Prilep (vegjetacion i ulët)
9. Komuna Prilep: f. Debreshtë (vegjetacion i ulët)
10. Komuna Prilep: f. Llopaticë (vegjetacion i ulët)
11. Komuna Kumanovë: pranë pagesës së rrugës KU-SK (vegjetacion i ulët)
12. Komuna Tetovë: f. Sllatinë (vegjetacion i ulët)
13. Komuna Jegunovcë: f. Shemshovë (vegjetacion i ulët)
14. Komuna Gostivar: f. Simnicë (mbeturina të djegura)
15. Komuna Tetovë: pranë stacionit hekurudhor (mbeturina të djegura)
16. Komuna Saraj: f. Radushë (vegjetacion i ulët)
17. Komuna Rankovcë: (vegjetacion i ulët)
18. Komuna Kërçovë: f. Crvivcë (vegjetacion i ulët)
19. Komuna Vallandovë: Vallandovë (vegjetacion i ulët dhe plantazh)
20. Komuna Tetovë: f. Xhepçisht (vegjetacion i ulët)
21. Komuna Studeniçan: f. Malçisht (vegjetacion me shkurre të ulëta)

Lajme

I dha 15 mijë euro ryshfet për të dalë nga burgu, mbeti edhe në burg edhe pa para

Një i dënuar nga burgu i Prilepit raportoi se është mashtruar me 890,000 denarë (rreth 15 mijë euro), pasi një person i premtoi se do ta ndihmonte ti ulej dënimi me burg.

Sipas raportit të paraqitur në Sektorin e Punëve të Brendshme të Prilepit, mashtrimi ka ndodhur gjatë dy muajve të fundit, transmeton Lideri.mk. I dënuari deklaroi se personi K.K. e kishte bindur se kishte një mënyrë për të ndërmjetësuar për uljen e dënimit dhe i kishte dhënë para disa herë.

Pasi kuptoi se premtimet nuk po përmbusheshin dhe se ishte mashtruar, ai e raportoi rastin në polici. Institucionet kompetente po marrin masa për të sqaruar incidentin dhe për të përcaktuar të gjitha rrethanat./Lideri

Lajme

Kasami: Ndeshje spektakolare me një frymë të vërtet vëllazërore

Kryetari i Komunës së Tetovës dhe një nga liderët e koalicionit VLEN, Bilall Kasami, ka reaguar pas ndeshjes mes KF Shkëndija dhe Shkëndijës së Haraçinës, duke e cilësuar atë si një përballje spektakolare dhe me atmosferë të veçantë sportive, përcjell tetova1

Kasami përgëzoi ekipin e KF Shkëndija për fitoren, ndërsa vlerësoi edhe paraqitjen dhe karakterin e treguar nga skuadra e Shkëndijës së Haraçinës.

Kasami bëri të ditur se ndeshjen e ndoqi nga afër në tribunë, së bashku me kryetarin e Komunës së Haraçinës, Daut Beqiri.

Postimi i plotë i Kasamit:

“Ndeshje spektakolare, e mbushur me gola dhe me një frymë të vërtetë vëllazërore në fushë. Urime fitoren KF SHKËNDIJA dhe një bravo të madhe për Shkëndijën e Haraçinës për lojën dhe karakterin e treguar!

Në tribuna, bashkë me kryetarin e Haraçinës, Daut Beqiri!”, ka përfunduar Kasami./tetova1.mk/

Lajme

MPB me njoftim të rëndësishëm për sistemin “Safe City”

Ministria e Punëve të Brendshme njofton qytetarët se nuk ka nevojë të sjellin faturat për gjobat e paguara nga sistemi i trafikut “Safe City” që i kanë paguar në bankë ose elektronikisht në stacionin e policisë.

Sistemi i Ministrisë së Punëve të Brendshme lidhet automatikisht me sistemin e Ministrisë së Financave dhe qytetarët janë të detyruar të plotësojnë fletëpagesën sipas udhëzimeve ligjore të procesverbalit, që do të thotë se numri unik nga procesverbali duhet të futet saktë në seksionet “numri i thirrjes” dhe “qëllimi i pagesës” të fletëpagesës.
U bëjmë apel qytetarëve që të mos e sjellin faturën e gjobave të paguar në stacionin e policisë, me qëllim që të kursejnë kohë dhe të shmangin turmat e panevojshme.