Lajme

Arkitektët dhe opinionin ekspert do ta udhëheqin revitalizimin e Shkupit!

Fakt i njohur është se pamja e Shkupit përfaqëson një kaos urban, ndërtim të paorganizuar, jostandardizuar dhe mungesë të zgjidhjeve kreative e funksionale për çdo çështje kyçe në qytet.

Qyteti, i cili pas tërmetit u rindërtua sipas zgjidhjeve arkitektonike më moderne të asaj kohe, në mënyrë logjike dhe me vizion për zhvillimin e tij – me thelb jetesën humane, mjedis të shëndetshëm, stil autentik dhe kulturë, të vendosura nga zgjidhja urbanistike e arkitektit të madh Kenzo Tange – sot ngjan me një xhungël betoni që rritet dhe shtrihet pa asnjë plan, pa stil dhe pa empati.

E gjithë kjo është rezultat i punës kriminale të pushtetit lokal të udhëhequr nga VMRO-DPMNE dhe “menaxheres” së tyre më të suksesshme, siç e quanin – një urbanizim kaotik, pa plan dhe agresiv.

Në vend të një metropoli urban, Shkupi është bërë peng i pazareve të tyre biznesore.
Qyteti ynë funksionon sipas Planit të Përgjithshëm Urbanistik të para 13 viteve, dhe pasojat i vuajnë qytetarët – një kaos urban që çdo ditë ua vështirëson jetën.

Në vend që kandidati i tyre i ri, Orce, të dënojë këtë shkatërrim urban në Shkup, ai hesht. E heshtja do të thotë përkrahje. Heshtja do të thotë se Orce do të jetë vetëm një vazhdim i Danella Arsovskës, i udhëhequr nga i njëjti qendër partiake dhe i drejtuar nga të njëjtat impulse të ngushta partiake.

Planet e Orces për zhvillimin urban të Shkupit nuk do të ndryshojnë aspak nga realiteti që kemi jetuar këto katër vitet e fundit, sepse ai nuk e kundërshton politikën urbanistike të deritanishme – përkundrazi, ai natyrshëm noton brenda të njëjtit sistem.

Por Shkupi nuk e duron më këtë!

Unë nuk jam kundër ndërtimit, por kundër vjedhjes dhe mungesës së rendit dhe planit.
Ne jemi për një Shkup urban, human dhe të planifikuar.

Urbanizimi duhet të jetë për qytetarët – jo kundër tyre.
Kjo do të thotë jetë cilësore, hapësira publike, gjelbërim, infrastrukturë dhe banim dinjitoz.

Prandaj, që në fillim të mandatit tim do ta ringjallim idenë për “Fondacionin Instituti për Zhvillim – Shkup”, një entitet që do ta organizojë bashkëpunimin aktiv ndërmjet qytetit, bashkësisë akademike dhe profesionale, shoqatave qytetare dhe të gjithë aktorëve të interesuar në ekosistem.

Qëllimi i tij do të jetë vendosja e praktikave të reja për zhvillim të drejtë dhe sistemik të qytetit dhe transformimi i tij në një qendër të qëndrueshme, të gjelbër, ekonomike, kulturore dhe urbane.

Ky proces do të jetë themeli për miratimin e Planit të ri të Përgjithshëm Urbanistik (GUP) para përfundimit të vitit të parë të mandatit tim.

Drejtimet strategjike të zhvillimit të qytetit nuk duhet kurrë të varen nga dëshirat dhe ambiciet politike të individëve, siç ishte rasti me projektin “Shkupi 2014”.

Nuk do të lejoj urbanizim agresiv dhe të pa planifikuar. Interesat e qytetarëve do të jenë mbi interesat kriminale.

Shkupi meriton rend, plan dhe vizion, jo kaos dhe pazare mafioze.

Për një jetë humane dhe të organizuar në Shkup!

Lajme

Shaqiri: Sistemin “Safe City” do ta kontestojmë në Gjykatën Kushtetuese

Deputeti i Aleancës për Shqiptarët, Rijad Shaqiri ka kundërshtuar zbatimin e sistemit “Safe City”, me ç’rast shoferët që bëjnë shkelje në komunikacion do të evidentohen përmes kamerave të sigurisë dhe do të gjobiten.

Shaqiri deklaroi se këtë vendim do ta kontestojnë në Gjykatën Kushtetuese, sepse i njejti diskriminon qytetarët e Shkupit, Tetovës dhe Kumanovës.

“Ky ligj do të zbatohet vetëm për qytetarët në tre komunat si Shkupi, Tetova dhe Kumanova. Po ju bëhet e padrejtë qytetarëve që janë në këto qytete. Do ta kontestojmë këtë ligj deri në Gjykatën Kushtetuese”, deklaroi Shaqiri.

Lajme

Ademi: Kur thamë JO për “Safe City, Dafina trillon duke menduar se të gjithë janë VREDI

Shpifjet për “Safe City” janë përpjekje për të mbuluar boshtin VMRO-VREDI-Levica

Sekretari i përgjithshëm i Bashkimit Demokratik për Integrim, Arbër Ademi, ka reaguar ashpër ndaj, siç i cilëson ai, shpifjeve dhe trillimeve që u shfaqën në opinion publik pas qëndrimit të BDI-së kundër projektit “Safe City” në formën e propozuar nga pushteti.

Sipas Ademit, në momentin kur BDI tha “JO” për këtë projekt, u aktivizua “refleksi i njohur i pushtetit”, duke zëvendësuar argumentet me shpifje dhe përgjigjet me trillime. Ai akuzon përfaqësuesen e VMRO-DPMNE-së, Dafina, se doli publikisht duke fabrikuar pretendime për “takime” dhe “oferta”, duke e shndërruar, siç thotë ai, shtetin në teatër dhe Kuvendin në skenë improvizimesh politike.

“Kur mungojnë faktet, shpiken dialogë; kur s’ka përgjigje, prodhohet tym”, thekson Ademi, duke sqaruar se nuk ka pasur asnjë takim mes kryetarit të BDI-së, Ali Ahmeti, dhe përfaqësueses së VMRO-DPMNE-së, e aq më pak pazare për hyrje në Qeveri.

“Ta sqarojmë pa ekuivok: Kryetari i BDI-së, Ali Ahmeti, nuk ka pasur asnjë takim me të dhe nuk ka pasur kurrë pazare për hyrje në Qeveri. Kaq. Ne nuk jemi VREDI dhe ajo e di mirë këtë”, thekson Ademi.

Sipas tij, e gjithë zhurma mediatike ka një qëllim të qartë politik: të mbulojë realitetin që po konsolidohet në skenën politike, atë që ai e quan boshti VMRO-VREDI-Levica. Ademi vlerëson se po ndërtohet një alibi për të justifikuar një pushtet pa legjitimitet, i mbështetur nga, siç shprehet ai, servilizmi i atyre që qëndrojnë në pushtet me çdo kusht, edhe kur nuk përfaqësojnë askënd përveç interesave personale.

“Kur një koalicion nuk ka legjitimitet, i rritet propaganda. Kur mungon drejtësia, shtohet shpifja”, përfundon reagimin e tij sekretari i përgjithshëm i BDI-së.

Lajme

Flamuri Kuq e Zi/ Pas 20 shkurtit nis gjykimi ndaj Qyrës

Pas 20 shkurtit do të mbahet seanca e parë gjyqësore në rastin e denoncimit për shkelje, të cilën stacioni policor në Strugë e dorëzoi në fillim të dhjetorit të vitit të kaluar kundër kryetarit të Strugës, Mendi Qyra dhe Komunës së Strugës.

Arsyeja është se gjatë shënimit të Ditës së Flamurit Shqiptar më 28 nëntor në Strugë, nuk ishte vendosur flamuri shtetëror.

Gjyqi në Strugë konfirmoi këtë informacion për Alsat. Thanë se në seancë do të thirret Qyra, kundër të cilit është dorëzuar denoncimi dhe parashtruesi i denoncimit, MPB-ja, pas së cilës do të merret vendimi përfundimtar. Të dyja palët do të kenë mundësinë të prezantojnë provat e tyre. E gjithë kjo vjen pasi Gjykata e Strugës pranoi kërkesën e stacionit policor të Strugës për nisjen e procedurës.

Rasti udhëhiqet nga gjyqtarja Jasna Partalkoska. Nëse gjykata konstaton faj, kryetari dhe komuna përballen me gjoba sipas ligjit, për subjektin juridik, në këtë rast Komuna e Strugës nga 20.000 deri në 200.000 denarë, dhe për personin përgjegjës, në këtë rast Mendi Qyra, nga 10.000 deri në 30.000 denarë./ Alsat.mk