Lajme

Mexhiti shpalosi vizionin për efikasitetin energjetik:Fasada energjetike për çdo ndërtesë në Çair

Kandidati i VLEN-it, për komunë e Çairit, Izet Mexhiti ka deklaruar sot se kjo komunë ka nisur një prej transformimeve më të mëdha urbane në historinë e saj.
Sipas tij, çdo ndërtesë që nuk ka efikasitet energjetik do të ketë mundësinë të aplikojë për subvencionim dhe të fitojë një fasadë të re, funksionale dhe energjetikisht efikase.
“Ky projekt sjell: Banesa më të ngrohta në dimër dhe më të freskëta në verë;
Ulje të dukshme të faturave të energjisë;
Përmirësim të drejtpërdrejtë të buxhetit familjar, një pamje të re dhe moderne për komunën.
Projekti mbështetet nga katër masa konkrete:
Fond komunal për efikasitet energjetik, me ndihmë të posaçme për pensionistët dhe familjet me të ardhura të ulëta.
Shkolla të gjelbra, me panele diellore, izolim dhe kushte bashkëkohore për nxënësit.
Ndalim i ndërprerjes së energjisë për kategoritë e ndjeshme, i garantuar me ligj.
Mbështetje për komunitetet energjetike, për prodhim dhe përdorim të përbashkët të energjisë diellore.
Ky nuk është premtim, por plan i qartë dhe i zbatueshëm, i cili nis menjëherë dhe do të sjellë ndryshime të verteta, e që do të ndjehen e shihen në çdo lagje dhe çdo shtëpi të Çairit”, ka deklaruar Mexhiti.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk