Lajme

Bajram Rexhepi nga AKI prezanton platformën online: Bashkë për Tetovën

Kandidati për kryetar të komunës së Tetovës nga radhët e Aleancës Kombëtare për Integrim, Bajram Rexhepi, sot ka prezantuar platformën e tij digjitale, ku qytetarët mund të informohen për së afërmi, me ide dhe vizion për Tetovës e së ardhmes.
Nën moton “Bashkë për Tetovën”, kjo platformë online jep hapësirë në informacione të qasshme në katër gjuhë, gjë që dëshmon vizionin gjithëpërfshirës për Tetovën.

Postimi i plotë i Bajram Rexhepit:

Të dashur bashkëqytetarë,

🌐 Mirë se vini në www.bajramrexhepi.com. Platforma zyrtare ku informoheni, bashkoheni dhe kontribuoni për Tetovën e së ardhmes. Këtu gjeni gjithçka rreth kandidatit, platformës dhe angazhimit qytetar.

1️⃣ Biografia
Njihuni me rrugëtimin profesional dhe jetësor të Bajram Rexhepit, një profesionist me përvojë në administratë, sektorin privat, energjetikë dhe teknologji.

2️⃣ Bashkohu me ne
Bëhu pjesë e ekipit që punon për zhvillim, dinjitet dhe një të ardhme më të mirë për Tetovën.

3️⃣ Programi zgjedhor
Bashkë me qytetarët po përpilojmë programin tonë zhvillimor për Tetovën e së ardhmes. Një plan që reflekton nevojat, idetë dhe vizionin e komunitetit për një qytet modern, funksional dhe më të denjë për të gjithë.

4️⃣ Komunikim pa barriera
Platforma është e qasshme në 4 gjuhë. Një Tetovë, një platformë, një e ardhme e përbashkët për të gjithë.

5️⃣ Lajme & Aktivitete
Informohu për aktivitetet ditore të kandidatit dhe qëndro gjithmonë në hap me fushatën.

6️⃣ Na kontakto
Ekipi ynë është gjithmonë këtu për ty – me përgjigje të shpejta për çdo pyetje, kërkesë apo sugjerim.

Lajme

Superlajm për tifozët e Shkëndijës së Tetovës

Tifozët e KF Shkëndijës dhe dashamirësit e futbollit do të kenë mundësinë të ndjekin sërish nga afër paraqitjen e kuqezinjve në skenën evropiane.

Televizioni Publik TVM2 ka siguruar të drejtat e transmetimit direkt për ndeshjen e rëndësishme të raundit të tretë kualifikues të Ligës së Konferencës.

Ekipi nga Tetova do të përballet në udhëtim me skuadrën skoceze Hibernian, në një duel që premton emocione të mëdha dhe rivalitet të lartë për kalimin në fazën tjetër.

Lajme

Shtrenjtohet edhe më shumë nafta në Maqedoninë e Veriut

Komisioni Rregullor për Energjetikë (KRRE) ka marrë vendim të ri për çmimet e derivateve të naftës, të cilat do të pësojnë ulje dhe ngritje, duke filluar nga mesnata.

Sipas vendimit të fundit, çmimi i benzinave do të ulet për 2 denarë për litër. Nga ana tjetër, çmimi i derivateve të tjera shënon rritje: nafta do të shtrenjtohet për 1 denarë, ndërsa vaji ekstra i lehtë për 0,5 denarë për litër.

Çmimet e reja të derivateve të naftës:

EUROSUPER BS-95: 91,0 denarë/litër

EUROSUPER BS-98: 93,0 denarë/litër

EURODIESEL (Nafta): 99,5 denarë/litër

Vaji ekstra i lehtë (EL-1): 98,5 denarë/litër

Çmimet e reja do të hyjnë në fuqi pas mesnate dhe do të vlejnë në të gjitha pikat e karburanteve në vend.

Lajme

Rrahja brutale në Gostivar, policia identifikon katër veta

Ministria e Brendshme përmes një njoftimi informoi se ka identifikuar tre persona të cilët, sipas një videoje në rrjetet sociale, kanë sulmuar dhunshëm dy të rinj në Gostivar.

Policia shpjegon se personat e identifikuar janë dy të mitur nga Gostivari dhe një 20-vjeçar nga Shkupi.

„Dy të mitur nga Gostivari janë thirrur në stacionin policor për bisedë zyrtare, ndërsa dokumentet e tyre të udhëtimit janë konfiskuar me urdhër të prokurorit publik. Personi i tretë është V.D. (20) nga Shkupi, për të cilin është dërguar njoftim zyrtar në Stacionin Policor në Shkup për procedurë të mëtutjeshme“, njoftoi policia.
Ata theksojnë se ndaj të treve do të zbatohet një procedurë e përshpejtuar para gjykatës sapo të kompletohet dokumentacioni i plotë për rastin. Sipas autoriteteve, sulmi ka ndodhur në orët e para të mëngjesit të 2 gushtit në rrugën „Borçe Jovanoski“, ku dy të rinj janë goditur me mjete dhe shkopinj druri.

Në rrjetet sociale u shfaq një video-incizim shqetësues nga Gostivari, në të cilin shfaqet një përleshje e ashpër fizike mes një grupi më të madh të rinjsh.

Sipas informacioneve të publikuara, gjatë rrahjes, njëri nga djemtë është goditur në pjesën e kokës, pas së cilës ka rënë në tokë dhe ka mbetur i palëvizshëm.
Përkundër faktit se po shtrihej në rrugë, në incizim shihet se sulmi ka vazhduar me goditje të shumta ndaj trupit të tij, gjë që ka shkaktuar reagime dhe dënime të ashpra në rrjetet sociale.(INA)