Lajme

Katari reagon ndaj kërcënimit të Netanyahut për sulme të reja

Ministria e Punëve të Jashtme e Katarit e cilësoi si “të pamatur” kërcënimin e kryeministrit izraelit Benjamin Netanyahu për sulme të reja ndaj Katarit dhe njoftoi se Netanyahu duhet të mbahet përgjegjës, transmeton Anadolu.

“Ne do të punojmë me partnerët tanë për t’i dhënë fund praktikave të pamatura dhe të papërgjegjshme të Netanyahut dhe për ta mbajtur atë përgjegjës”, thuhet në një deklaratë nga ministria.

“Deklaratat e Netanyahut lidhur me strehimin e një zyre të Hamasit për të legjitimuar sulmet në territorin e Katarit janë ‘përpjekje të turpshme dhe të rrezikshme’. Të strehosh një zyre të Hamasit është pjesë e përpjekjeve të ndërmjetësimit të kryera me kërkesë të SHBA-së dhe Izraelit”, theksohet më tej.

Deklarata vë në dukje se zyra e Hamasit ka luajtur rol të rëndësishëm në procese të shumta armëpushimi dhe shkëmbimi të pengjeve që kanë kontribuar në lehtësimin e situatës së civilëve palestinezë dhe të pengjeve izraelite përballë tragjedive humanitare të përjetuara që nga 7 tetori 2023.

Më tej thuhet se negociatat u zhvilluan zyrtarisht dhe në mënyrë transparente me mbështetje ndërkombëtare dhe pjesëmarrjen e delegacioneve amerikane dhe izraelite ndërsa pretendimi i Netanyahut se Katari po “strehon fshehurazi” një delegacion të Hamasit cilësohet si “përpjekje për të legjitimuar krimet e dënuara në të gjithë botën”.

Gjithashtu në deklaratë kritikohet edhe krahasimi me Al-Kaedën i bërë nga Netanyahu. “Nuk pati ndërmjetësim ndërkombëtar pas sulmeve të 11 shtatorit dhe nuk u zhvilluan negociata me Al-Kaedën. Ky krahasim i rremë është një tjetër shembull i përpjekjeve të Netanyahut për të legjitimuar politikat e tij të pabesë”, theksohet në deklaratë.

Pasi vihet në dukje se Netanyahu është “një udhëheqës i kërkuar nga drejtësia ndërkombëtare, që përballet me sanksione në rritje dhe përjeton izolim në thellim”, në deklaratë theksohet se Katari gëzon solidaritet të gjerë ndërkombëtar dhe refuzon kërcënimet e pamatura ndaj sovranitetit shtetëror.

“Pavarësisht të gjitha këtyre përpjekjeve, Katari do të vazhdojë të ruajë rolin e tij si një partner ndërkombëtar i besueshëm dhe i ndershëm për sigurinë dhe stabilitetin në rajon dhe në botë”, thuhet në vazhdim.

“Katari do të marrë të gjitha masat e nevojshme për të mbrojtur sovranitetin dhe territorin e tij dhe do t’i rezistojë çdo përpjekjeje për të minuar statusin e tij”, thekson deklarata.

Në deklaratë i bëhet thirrje komunitetit ndërkombëtar “të refuzojë retorikën nxitëse dhe islamofobike të Netanyahut, t’i japë fund mashtrimit politik që minon përpjekjet e ndërmjetësimit dhe të mbështesë përpjekjet për paqe”.

Lajme

Në Maqedoni do të prodhohen pjesë për “Audi”! Mickoski: 2.000 vende të reja pune

Kryeministri i Maqedonisë së Veriut, Hristijan Mickoski, njoftoi sot një investim të ri të kompanisë gjermane “Kromberg & Schubert”, i cili, sipas tij, do të sjellë 2 mijë vende të reja pune.

Kompania pritet të prodhojë pjesë për industrinë automobilistike, përfshirë edhe për gjigantin gjerman “Audi”.

“Do të njoftojmë edhe një lajm të madh dhe të rëndësishëm për ekonominë maqedonase – një investim të ri të kompanisë gjermane ‘Kromberg & Schubert’, 2 mijë vende të reja pune dhe prodhim të pjesëve për gjigantin gjerman të automobilave ‘Audi’”, deklaroi Mickoski.

Sipas kryeministrit, investimi është pjesë e politikave të Qeverisë për tërheqjen e investimeve dhe hapjen e vendeve të reja të punës.

Lajme

Ndryshimet në postet e zv/ministrave dhe drejtorëve, Kasami: Javën tjetër takohemi me Mickoskin

Bashkëkryetari i VLEN-it, Bilall Kasami në një deklaratë për mediat, ka thënë se javën tjetër pritet të takohet me kryetarin e VMRO-së dhe kryeministër Hristijan Mickoski, ku do të diskutohet për ndryshimet në postet e zëvendës ministrave dhe drejtorëve.
“Edhe për zëvendës ministra, plotësimin dhe zëvendësimin e zëvendësministrave por njëherit edhe për eshalonët tjera, më konkretisht për drejtorët dhe zëvendës drejtorët aty ku duhet plotësuar dhe aty ku duhet të bëhet zëvendësimi i tyre”, tha Kasami.

Lajme

Rama: Nuk jap dorëheqje, Qeveritë ndryshohen me zgjedhje, jo me dhunë

Kryeministri i Shqipërisë, Edi Rama, ka përjashtuar mundësinë e dorëheqjes pas protestave të shoqëruara me përplasje dhe dëmtime në Tiranë, duke theksuar se qeveritë ndryshohen përmes zgjedhjeve demokratike dhe jo përmes dhunës.

Në një përgjigje për agjencinë ndërkombëtare të lajmeve Reuters, Rama është shprehur i gatshëm për dialog me studentët dhe për adresimin e kërkesave të tyre legjitime, ndërsa ka bërë dallimin mes protestave paqësore dhe akteve të dhunës.

“Ne respektojmë studentët e Shqipërisë dhe të drejtën e tyre themelore për të protestuar, për të sfiduar qeverinë e tyre dhe për të kërkuar arsim më të mirë, më shumë mundësi dhe llogaridhënie. Zëri i tyre është dëgjuar edhe në të kaluarën dhe do të dëgjohet gjithmonë. Jemi të gatshëm të angazhohemi dhe këtë e kemi thënë shumë qartë.

Korrupsioni duhet të luftohet dhe, siç e rikonfirmoi së fundmi edhe vetë Bashkimi Europian, Shqipëria po e lufton atë si kurrë më parë. Për herë të parë në historinë e saj, dhe falë Reformës së thellë në Drejtësi që unë drejtova dhe çova përpara, Shqipëria po sheh njerëz të fuqishëm të japin llogari përpara një gjyqësori të pavarur.
Kryeministri i Shqipërisë, Edi Rama, ka përjashtuar mundësinë e dorëheqjes pas protestave të shoqëruara me përplasje dhe dëmtime në Tiranë, duke theksuar se qeveritë ndryshohen përmes zgjedhjeve demokratike dhe jo përmes dhunës.

Korrupsioni duhet të luftohet dhe, siç e rikonfirmoi së fundmi edhe vetë Bashkimi Europian, Shqipëria po e lufton atë si kurrë më parë. Për herë të parë në historinë e saj, dhe falë Reformës së thellë në Drejtësi që unë drejtova dhe çova përpara, Shqipëria po sheh njerëz të fuqishëm të japin llogari përpara një gjyqësori të pavarur.
Ndoshta dikush, apo disa forca brenda dhe jashtë vendit, nuk duan që Shqipëria të shkëlqejë si një nga vendet pararojë drejt Bashkimit Europian, por unë nuk do të lejoj që dhuna të devijojë të ardhmen europiane të Shqipërisë. Po ashtu, nuk do të lejoj që zërat legjitimë të studentëve tanë të mbyten nga ata që zgjedhin shkatërrimin.

Sa u përket thirrjeve për dorëheqjen time, qeveritë ndryshohen përmes zgjedhjeve demokratike, dhe ne i zhvilluam ato vitin e kaluar, jo përmes dhunës. Përgjegjësia ime është të dëgjoj, të trajtoj shqetësimet legjitime dhe ta çoj Shqipërinë përpara. E kundërta do të ishte një tradhti ndaj të gjithë shqiptarëve që më dhanë një mandat shumë të fortë për të përmbyllur negociatat e anëtarësimit në BE”, ka thënë Rama.