Lajme

Bilall Kasami: Malësia e Sharrit mbetet prioritet ynë

Kryetari i Tetovës, Bilall Kasami, ka theksuar se Malësia e Sharrit ka qenë dhe do të mbetet gjithmonë prioritet i programit politik.

Kasami bashkë me ministrin Besar Durmishi, bartësin e listës Albi Qamili dhe drejtorin e Parkut Nacional “Mali Sharr”, Evzal Elmazi, vizituan fshatrat Brodec dhe Bozovcë, ku zhvilluan takime me banorët e zonës.

Gjatë takimeve, ata dëgjuan shqetësimet e qytetarëve dhe diskutuan për sfidat e përditshme me të cilat përballen banorët e këtyre fshatrave malore.

Kasami theksoi se investimet e realizuara gjatë mandatit aktual janë të dukshme dhe kanë sjellë ndryshime konkrete në jetën e komunitetit, ndërsa shtoi se angazhimi për Malësinë e Sharrit do të vazhdojë edhe në programin e ardhshëm.

“Potenciali i kësaj zone është i jashtëzakonshëm dhe ne jemi të vendosur ta zhvillojmë edhe më tej, për t’i dhënë Malësisë vendin që meriton,” u shpreh Kasami.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net