Lajme

Emir Sulejmani: Nga Leshnica fillon zbulimi i së vërtetës, më 19 tetor ndalet mashtrimi 8-vjeçar në Zhelinë

Nga Leshnica e Poshtme, kandidati për kryetar të Komunës së Zhelinës, Emir Sulejmani thotë se ka ardhur koha që të zbulohet e vërteta për keqqeverisjen e pushtetit aktual, të cilin e cilësoi si të paaftë dhe arrogant.

Sulejmani theksoi se për tetë vite rresht banorët e kësaj komune janë lënë pas dore, ndërsa udhëheqësia në ikje është kujtuar për ta vetëm kur afrohen zgjedhjet.

“Banorët e Leshnicës janë detyruar të paguajnë mijëra euro nga xhepat e tyre për punimet e kanalizimit – një shërbim që është detyrim ligjor i komunës. Ku përfunduan ato para? Kush përfitoi? Pse mungon transparenca? Kjo është abuzim financiar dhe shkelje e rëndë e detyrës zyrtare, që kërkon hetim nga Policia Financiare dhe Prokuroria”, deklaroi Sulejmani.

Ai gjithashtu kritikoi edhe ndërmarrjen publike, e cila, sipas tij, mbledh rregullisht pagesat nga banorët, por nuk ofron shërbime të pastrimit të rrugëve.

Në programin e tij, Sulejmani paralajmëroi:

Vazhdimin e kanalizimit pa asnjë pagesë shtesë nga qytetarët

Kthimin e parave të vjedhura te qytetarët

Transparencë të plotë për çdo denar publik

Reformim të ndërmarrjes publike në shërbim të qytetarëve

Prani të përhershme në çdo fshat e lagje, jo vetëm gjatë fushatës zgjedhore

“Me 19 tetor, qytetarët e Zhelinës kanë një mundësi historike për të ndalur këtë mashtrim 8-vjeçar dhe për të votuar dinjitetin e tyre. Votoni për ndryshim të vërtetë”, përfundoi Sulejmani.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk